Views: 1
ដោយ:ទេពកង្រី/កំពង់ឆ្នាំងៈ ព្រះគ្រូមង្គលវឌ្ឍនៈវាទី ស្រី លីហួ ទីប្រឹក្សាសម្ដេចព្រះ អគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស នៃព្រះរាជាណាចក្រកម្ពុជា និង ជាព្រះគ្រូចៅអធិការវត្តព្រាលកាលពីព្រឹកថ្ងៃទី៧ខែសីហា បាននិមន្តចូលរួមក្នុងពិធីបុណ្យសាលកភត្តនិងផ្កាសាមគ្គីនៅវត្តព្រាល ស្ថិតក្នុងភូមិព្រាល ឃុំបន្ទាយព្រាល ស្រុករលាប្អៀរ ខេត្តកំពង់ឆ្នាំង ។
ក្នុងពិធីនេះក៏មានការនិមន្ត និង អញ្ជើញចូលរួមពី ព្រះមេត្តិសត្ថា វង្ស កុសល ព្រះរាជាគណ: ថ្នាក់កិត្តិយស និង ជាព្រះអនុគណស្រុករលាប្អៀរ ខេត្តកំពង់ឆ្នាំង, លោក សរ លាង ប្រធានមន្ទីរធម្មការ និង សាសនា ខេត្តកំពង់ឆ្នាំង មន្ត្រីសង្ឃសង្ឃស្រុករលាប្អៀរ ព្រះចៅអធិការនិងព្រះសង្ឃនិមន្តមកពីវត្តនានាក្នុងស្រុកសរុប៧១អង្គ ព្រមទាំងមានពុទ្ធបរិស័ទជិតឆ្ងាយចូលរួមយ៉ាងច្រើនកុះករ៕