Views: 9
ដោយ: វណ្ណៈ/ព្រះសីហនុ: នៅព្រឹកថ្ងៃទី២៧ ខែកញ្ញា ឆ្នាំ២០២២ តំបន់ជាច្រើនក្នុងខេត្តព្រះសីហនុ ពិសេសតំបន់សមុទ្រមានភ្លៀង និងខ្យល់ព្យុះ រលកសមុទ្រធំខ្ពស់ៗ។ ជុំវិញធាតុអាកាសបែបនេះ អាជ្ញាធរខេត្តបានជូនដំណឹងឲ្យពលរដ្ឋបង្កើនការប្រុងប្រយ័ត្នពិសេសការធ្វើដំណើរតាមផ្លូវសមុទ្រ។
យោងតាមសេចក្តីជូនដំណឹងរបស់ ក្រសួងធនធានទឹក និងឧតុនិយមកម្ពុជា បានឲ្យដឹងថា ចាប់ពីថ្ងៃទី២៧ ដល់២៩ ខែកញ្ញា ឆ្នាំ២០២២នេះ ខ្យល់មូសុងនិរតី និងបង្កើនល្បឿនបក់ក្នុងកម្រិតពីបង្គួរទៅខ្លាំងមកលើតំបន់មាត់សមុទ្រ និងធ្វើឲ្យកម្ពុជា និងបណ្តាខេត្តនៅភាគពាយព្យមានខេត្តឧត្តរមានជ័យ, ព្រះវិហារ, រតនគីរី, សៀមរាប, បន្ទាយមានជ័យ, ប៉ៃលិន, បាត់ដំបង និងពោធិ៍សាត់អាចមានភ្លៀងធ្លាក់ពីបង្គួរទៅច្រើន បូកផ្សំនឹងបរិមាណទឹកភ្លៀងដែលហូរ មកពីប្រទេសថៃ បន្ថែមទៀតអាច
បង្កឲ្យទីទំនាបជាប់ផ្លូវទឹកក្នុងភូមិសាស្ត្រ បណ្តាខេត្តខាងលើប្រឈមនឹងជំនន់ទឹកភ្លៀង និងជំនន់ដោយបរិមាណទឹកហួសកម្រិត។ ចំណែកបណ្តាខេត្តដ៏ទៃទៀត និងរាជធានីភ្នំពេញមានភ្លៀងធ្លាក់ពីកម្រិតតិចទៅបង្គួរ។ ចំពោះខេត្តជាប់មាត់សមុទ្រមានខេត្តកោះកុង និងខេត្តព្រះសីហនុ អាចមានភ្លៀងធ្លាក់ច្រើនលើផ្ទៃសមុទ្រមានខ្យល់បក់ខ្លាំង បង្កើតរលកសមុទ្រធំៗ។
អាស្រ័យហេតុនេះ សូមក្រសួងស្ថាប័នពាក់ពន្ធ័ អាជ្ញាធរដែនដី និងសាធារណៈជនទទួលជ្រាបជាព័ត៌មាន និងបង្កើនការប្រុងប្រយត្ន័ខ្ពស់៕