Views: 2
ប្រែសម្រួល : កញ្ញាដាលីស (ដេល្លីម៉េល) ៖ យន្តហោះ Boeing 737 ដែលគេបោះបង់ចោលមួយគ្រឿង បានចតចោលនៅកណ្តាលវាលមួយនៅលើកោះបាលីដោយមានអ្នកដំណើរជាច្រើនអេះក្បាលឆ្ងល់ថាតើវាមកពីកន្លែងណា។
យន្តហោះដ៏ធំនេះបានចតចោលនៅកន្លែងយកថ្មកំបោរមួយនៅជិតផ្លូវហាយវេ Raya Nusa Dua Selatan មិនឆ្ងាយប៉ុន្មានពីឆ្នេរផានដាវ៉ា (Pandawa) ដែលជាមជ្ឈមណ្ឌលទេសចរណ៍។
អ្នកកោះបាលីមួយចំនួនបានលើកឡើងថា យន្តហោះនេះត្រូវបានបោះបង់ចោលនៅទីនោះដោយសហគ្រិនពោរពេញដោយមហិច្ឆតាមួយរូប ដែលចង់ធ្វើភោជនីយដ្ឋានមួយនៅខាងក្នុងនោះ។
យន្តហោះនេះចតចោលជាមួយជណ្តើរមួយទល់នៅពីមុខច្រកចូលខាងមុខ។
វាបានក្លាយជាកន្លែងទាក់ទាញភ្ញៀវទេសចរ ដោយមគ្គុទ្ទេសក៍ទេសចរណ៍ជាច្រើននិយាយថាវាពិបាកមើលឃើញណាស់ព្រោះវានៅជាប់នឹងបណ្តុំកុងតឺន័រដឹកជញ្ជូន។
វាមិនមែនជាយន្តហោះ Boeing 737 តែមួយគត់ដែលបានចូលនិវត្តន៍នៅលើកោះបាលីនោះទេ ខណៈយន្តហោះផ្សេងទៀតត្រូវគេប្រទះឃើញនៅផ្នែកផ្សេងទៀត ដែលខ្លះប្រើជាកន្លែងទេសចរណ៍។
មួយក្នុងចំណោមនោះគឺចតនៅក្បែរហាង Dunkin Donuts នៅក្បែរនោះ ដោយស្លាបរបស់វាគឺស្ថិតនៅលើជញ្ជាំងអាហារដ្ឋាន។
មនុស្សក៏មិនដឹងថាវាទៅដល់ទីនោះដោយរបៀបណានោះដែរ។
អ្នកខ្លះបាននិយាយថាយន្តហោះគ្មានម៉ាស៊ីននេះប្រហែលជាគំនិតចង់បង្កើតភោជនីយដ្ឋានមួយផ្សេងទៀត ដែលគេបោះបង់ចោលឬមានគម្រោងប្រើជាផ្ទះ៕
យន្តហោះ Boeing 737 មួយចំនួនត្រូវបានបោះបង់ចោលនៅកោះបាលី ហើយគេមិនដឹងថាវាមកទីនោះដោយរបៀបណាទេ