Views: 4
ដោយ៖ រ៉ាម៉ន / ភ្នំពេញ៖ ជាការឆ្លើយតបតាមសំណើ-សំណូមពរដោយផ្ទាល់ របស់គណៈកម្មការ អាចារ្យវត្តតាំងរនាម ក្នុងវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខណ្ឌកំបូល អាណត្តិទី៣ ឆ្នាំ២០២២ កន្លងទៅថ្មីៗនេះ នៅថ្ងៃទី១០ ខែសីហា ឆ្នាំ២០២២ លោក ឃឹម ស៊ុនសូដា អភិបាលខណ្ឌកំបូល បានដឹកនាំមន្ត្រី សាលាខណ្ឌ សង្កាត់ ភូមិ នាំយកសម្ភារៈសំណង់ មានស៊ីម៉ង់ត៌ ២តោន កំទេចថ្ម ១៤ ម៉ែត្រគីប ក្នុងនោះ ស៊ីម៉ង់តិ៍ចំនួន ២ តោនទៀត ដែលជាសទ្ធាដ៏ថ្លៃថ្លារបស់លោកស្រី កិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី និងជាប្រធានក្រុមការងាររាជរដ្ឋាភិបាល ចុះមូលដ្ឋានខណ្ឌកំបូល បានប្រគេនព្រះចៅអធិការវត្តតាំងរនាម សម្រាប់ស្ថាបនា សមិទ្ធផលនានានៅក្នុងវត្តអារាម សំដៅកែលម្អ និងលើកកម្ពស់សោភ័ណភាព ក្នុងបរិវេណវត្តអារាម ដើម្បីចូលរួមចំណែក ក្នុងការលើកកម្ពស់វិស័យព្រះពុទ្ធសាសនា ដែលជាសាសនារបស់រដ្ឋ ឲ្យកាន់តែមានភាពរីកចម្រើន ស្របតាមការរីកចម្រើន នៃវិស័យអាណាចក្រ៕/V