Views: 1
ដោយ៖ រ៉ាម៉ន / ភ្នំពេញ៖ នៅរសៀល ថ្ងៃទី៦ ខែតុលា ឆ្នាំ២០២២ លោក ហែម ដារិទ្ធិ អភិបាលខណ្ឌមានជ័យ និងជាប្រធានកិត្តិយស អនុសាខាកាកបាទក្រហមខណ្ឌមានជ័យ រួមជាមួយលោកស្រី ហួត ឃីម អភិបាលរង និងជាប្រធានអនុសាខាកាកបាទក្រហម ខណ្ឌមានជ័យ និងសមាជិក សមាជិកា បានចូលរួមទទួលអំណោយមនុស្សធម៌ ជាគ្រឿងឧបភោគបរិភោគ និងថវិកា ពីព្រះសង្ឃគង់នៅ វត្តដំបូកខ្ពស់ ព្រះនាម ព្រះលិខិត ធម្មនាថហាន គីមសយ ព្រះគ្រូសូត្រស្តាំនិងព្រះគ្រូ សិរីសត្ថាចារ្យ ប្រាក់ ឌឿន ព្រះគ្រូសូត្រ ឆ្វេងវត្តដំបូកខ្ពស់ សម្រាប់កាកបាទក្រហមកម្ពុជាខណ្ឌ ផ្ដល់ជូនប្រជាពលរដ្ឋខ្វះខាត ក្រីក្រ និងជួបការលំបាកនានា នៅក្នុងទឹកដីខណ្ឌមានជ័យទាំងមូល។
លោក ហែម ដារិទ្ធិ អភិបាលខណ្ឌមានជ័យ បានថ្លែងព្រះអំគុណយ៉ាងជ្រាលជ្រៅដល់ ព្រះលិខិតធម្មនាថ ហាន គីមសយ ព្រះគ្រូសូត្រស្តាំ និងព្រះគ្រូសិរីសត្ថាចារ្យ ប្រាក់ ឌឿន ព្រះគ្រូសូត្រឆ្វេង វត្តដំបូកខ្ពស់ដែលបានប្រទាននូវទេយ្យទាន និងបច្ច័យដល់សាលា ខណ្ឌមានជ័យ នាពេលនេះ មានសារៈសំខាន់ណាស់ ដោយអាណាចក្រ និងពុទ្ធចក្រ ចេះជួយគ្នាទៅវិញទៅមក។
មន្ត្រីសាលាខណ្ឌ បានឱ្យដឹងថាៈ អំណយទាំងនោះ រួមមាន បាឡុង ៤២ ឣង្ករ ៤០ បាវ ស្មេីនឹង ២.០០០ គីឡូក្រាម មី៥០កេះ ទឹកដោះគោ ២០០ កំប៉ុង ស្ករស ៣៦០ គីឡូក្រាម ទឹកត្រី ១៥ យួរ ទឹកស៊ីអ៉ីវ ១៦យួរ និងថវិកា ៤.៥០០.០០០ រៀល ៕ V / N
រូបថត ( លោក ហែម ដារិទ្ធិ អភិបាលខណ្ឌមានជ័យ និងជាប្រធានកិត្តិយស អនុសាខាកាកបាទក្រហមខណ្ឌមានជ័យ រួមជាមួយលោកស្រី ហួត ឃីម អភិបាលរង និងជាប្រធានអនុសាខាកាកបាទក្រហម ខណ្ឌមានជ័យ និងសមាជិក សមាជិកា បានចូលរួមទទួលអំណោយមនុស្សធម៌ ជាគ្រឿងឧបភោគបរិភោគ និងថវិកា ពីព្រះសង្ឃគង់នៅ វត្តដំបូកខ្ពស់ )