Views: 13
ដោយៈសុផល/ភ្នំពេញ៖អគារខុនដូភ្លោះដែលមានកម្ពស់ជាង៤០ជាន់និងទំហំ១៦ម៉ឺនម៉ែត្រក្រឡា ស្ថិតនៅតំបន់ជ្រោយចង្វារ វិថីទន្លេមេគង្គរាជធានីភ្នំពេញបានបញ្ចប់ដោយជោគជ័យនូវគ្រោងអគារនិងជាន់ដំបូលខាងលើ។
នៅក្នុងពិធីសម្ពោធការបញ្ចប់ការសាងសង់គ្រោងអគារនិងដំបូលជាស្ថាពរនេះ លោក Steven Lee អគ្គនាយក La Vista One បានថ្លែងថា៖អគារភ្លោះដែមានទំហំ១៦ម៉ឺនម៉ែត្រក្រឡានេះបានបញ្ចប់ការសាងសង់គ្រោងអាគារនិងដំបូលជាស្ថាពរ។ សមិទ្ធិផលនេះគឺពិបាកនឹងសម្រេចបានណាស់ បើគ្មានការគាំទ្រនិងការជឿជាក់យ៉ាងមុតមាំពីសំណាក់ អតិថិជនទាំងអស់ បូករួមនឹងការខិតខំប្រឹងប្រែងរបស់ជាងសំណង់ទាំងអស់គ្នាដែលខិតខំធ្វើការទាំង យប់ទាំងថ្ងៃលើការដ្ឋាន។
លោកបានបន្តថា៖ការបិទដំបូលអគារគ្រាន់តែជាផ្នែកមួយនៃការបញ្ចប់គម្រោងតែប៉ុណ្ណោះ នៅមានផ្លូវវែងឆ្ងាយតទៅមុខទៀតមុនពេលបញ្ចប់គម្រោងទាំងស្រុង។ ស្មារតីមិនខ្លាចការលំបាក និងនឿយហត់ ព្យាយាម គ្រប់គ្រងគុណភាពសំណង់ឲ្យបានរឹងមាំ ពង្រឹងការគ្រប់គ្រងសុវត្ថិភាព និងពន្លឿនដំណើរការសាងសង់ដើម្បីធានាថាគម្រោងនេះអាចបញ្ចប់ដោយជោគជ័យបានឆាប់តាមដែលអាចធ្វើទៅបាន ដូច្នេះ គម្រោងឡាវីស្តាវ័ន្តដែលជាគ្រាប់គុជបង្កប់ក្នុងទន្លេមេគង្គនឹងរីកដុះដាលឱ្យបានឆាប់រហ័ស និងផ្តល់ការ ជំរុញដល់ការអភិវឌ្ឍន៍ប្រទេសកម្ពុជាឱ្យកាន់តែប្រសើរឡើង។
គម្រោងឡាវីស្តាវ័ន្ត ត្រូវបានបង្កើតឡើងដោយក្រុមហ៊ុន YIN YI VENTURE Co.,Ltd. ដែលជា គម្រោងអចលនទ្រព្យដំបូងគេដែលបានចូលទីផ្សារកម្ពុជាក្រោមយុទ្ឋសាស្ត្រ “ខ្សែក្រវ៉ាត់មួយផ្លូវមួយ”។ក្រុមហ៊ុនសំណង់នៃគម្រោងឡាវីស្តាវន្តគឺក្រុមហ៊ុន Jiangsu NantongErjian Group Company Ltd. ត្រូវបានគេស្គាល់ថាជា”ក្រុមហ៊ុដែលមានឈ្មោះល្បីល្បាញក្នុងវិស័យសំណង់” បានចាក់គ្រឹះយ៉ាងរឹងមាំសម្រាប់គុណភាពសំណង់ សុវត្ថិភាពវិស្វកម្ម និងអរិយធម៌សំណង់។
លោកអគ្គនាយកបានមានប្រសាសន៍ថា៖ គម្រោងឡាវីស្តាវ័ន្តមិនត្រឹមតែមានបរិយាកាសល្អនិងទេសភាពដងទន្លេមេគង្គដែលអាចគយគន់ព្រះអាទិត្យរះនឹងថ្ងៃលិចដ៏ស្រស់ស្អាតប៉ុណ្ណោះទេ ថែមទាំងសក្តិសមសម្រាប់ការរស់នៅទៀតផង។
លោក FANG CANCHENG ជំនួយការសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានិងជាអនុប្រធានអចិន្ត្រៃយ៍សមាគមសម្ព័ន្ធខ្មែរចិន ដែលបានអញ្ជើញចូលរួមក្នុងពិធីបិទដំបូលបញ្ចប់គ្រោងអាគារគម្រោងឡាវី ស្តាវ័ន្តបានមានប្រសាសន៍ថា៖ចំណងមិត្តភាពរវាងប្រទេសចិននិងកម្ពុជាកាន់តែប្រសើរឡើង។ អ្នកវិនិយោគទុនចិន កាន់តែច្រើនបានមកប្រទេសកម្ពុជាដើម្បីវិនិយោគ ចូលរួមចំណែកក្នុងការអភិវឌ្ឍន៍សេដ្ឋកិច្ច និងកសាងជាតិរបស់ប្រទេសកម្ពុជា។
ក្នុងរយៈពេលដប់ឆ្នាំចុងក្រោយនេះ ការវិនិយោគរបស់ប្រទេសចិននៅក្នុងប្រទេសកម្ពុជាបានជាប់ ចំណាត់ថ្នាក់ទី១ដោយបានចាក់គ្រឹះយ៉ាងរឹងមាទៅក្នុងសេដ្ឋកិច្ប្រទេសកម្ពុជា ដែលធ្វើឱ្យប្រទេសកម្ពុជាមានការអភិវឌ្ឍន៍យ៉ាងឆាប់រហ័សនិងលើកកម្ពស់កម្រិតជីវភាពរបស់ប្រជាជនយ៉ាងច្រើន។នៅក្នុងឆ្នាំ ២០២០ការរីករាដាលនៃជំងឺកូវីដ១៩ បានបំផ្លិចបំផ្លាញសេដ្ឋកិច្ចពិភពលោក។ តែទោះជាយ៉ាងនេះក្តី ដោយសារតែការចូលរួមរបស់អ្នកវិនិយោគចិន សេដ្ឋកិច្ចរបស់កម្ពុជាមិន បានជាប់គាំងដោយសារតែការធ្លាក់ចុះនៃសេដ្ឋកិច្ចពិភពលោកឡើយ ហើយនៅតែបន្តប្រសើរឡើង។
លោក Xu Feng នាយកមជ្ឈមណ្ឌលសហប្រតិបត្តិការសេដ្ឋកិច្ចសាកលនៃផ្លូវមួយខ្សែក្រវាត់ បានថ្លែងថា៖គម្រោងវិនិយោគ La Vista Oneជាផ្នែកមួយនៃគម្រោងផ្លូវនិងខ្សែក្រវាត់។គោលបំណងនៃគំនិតផ្ដួចផ្ដើម “ខ្សែក្រវ៉ាត់មួយផ្លូវមួយ” ដែលស្នើឡើងដោយរដ្ឋាភិបាលចិន គឺសង្ឃឹមថាប្រទេសទាំងអស់នឹងរួមគ្នាអភិវឌ្ឍន៏សេដ្ឋកិច្ច និងផ្តល់ផលប្រយោជន៍ដល់ប្រជាជន។
លោកបានបន្ថែមថា៖គំនិតផ្តួចផ្តើមនេះមិនត្រឹមតែជាកិច្ចសហប្រតិបត្តិការរវាងរដ្ឋាភិបាលប៉ុណ្ណោះទេប៉ុន្តែថែមទាំងរួមបញ្ចូលកិច្ចសហប្រតិបត្តិការសេដ្ឋកិច្ចទូលំទូលាយរវាងសហគ្រាសឯកជនមួយចំនួនធំផងដែរ។ នៅពេលដែលជំងឺកូវីត១៩រសាត់បាត់បន្តិចម្ដងៗលោកជឿជាក់ថាក្រុមហ៊ុនចិនកាន់តែច្រើនឹងមកប្រទេសកម្ពុជាដើម្បីវិនិយោគ៕Ph
