Views: 1
ដោយៈ ដកស្រង់ពីវចនានុក្រមសម្តេចសង្ឃរាជ ជួន ណាត
ឈើខ្មៅ
នាមសព្ទ
ឈ្មោះឈើមួយប្រភេទមានខ្លឹមខ្មៅរលើប ។
ឈើចាក់ធ្មេញ
នាមសព្ទ
ចម្រៀកឈើតូចៗ សម្រាប់ចាក់ឆ្កឹះឲ្យអស់មន្ទិលដែលជាប់នៅចន្លោះធ្មេញ ។
កក់
កិរិយាសព្ទ
ជម្រះសក់ឲ្យស្អាត
កក់សក់ ។
ធ្វើឲ្យទទឹកជោក
ភ្លៀងកក់ ។
បញ្ចាំទុកមុន, ឲ្យមុនជាការបញ្ចាំចិត្ត
ខ្ញុំបានកក់ប្រាក់៥០រៀលឲ្យគេរួចហើយ ។
នាមសព្ទ
ឈ្មោះស្មៅទឹកមួយពួក សម្រាប់ប្រើជារបរធ្វើកន្ទេល ។ កក់មានច្រើនប្រភេទ គឺ កក់មូល, កក់ជ្រុង, កក់ចែងម៉ែង ។ ល ។ ឈ្មោះប្រដាប់មួយយ៉ាងមានសណ្ឋានដូចផ្លែឈូកសម្រាប់ងូតទឹក
ទឹកធ្លាក់ចេញពីកក់ ( ហៅ ផ្លែឈូក ក៏បាន ) ។
កខុប
(ក៏—)
នាមសព្ទ
ឈ្មោះសត្វល្អិតមួយប្រភេទ រូបដូចកន្លាតតែនៅក្នុងទឹក ។
កងកេង
នាមសព្ទ
ឈ្មោះសត្វបក្សីមួយប្រភេទមានចំពុះធំមិនសមនឹងមាឌខ្លួន គល់ចំពុះមានសណ្ឋានខ្ពស់ធំឡើងដូចសីរ សម្បុរសត្វនោះខ្មៅ ខ្លួនរាងធំវែង បើតាមធម្មតាច្រើននៅតែក្នុងព្រៃធំ មានផ្លែឈើជាអាហារ ។
