Views: 1
ដោយៈ ដកស្រង់ពីវចនានុក្រមសម្តេចសង្ឃរាជ ជួន ណាត
កំពឹស
នាមសព្ទ
ឈ្មោះសត្វទឹកមួយប្រភេទ មានរូបដូចព្រោនតែតូចជាង ។ សាច់ក្រូចល្អិតដែលនៅក្នុងក្លែបមានសណ្ឋានដូចកំពឹស ក៏ហៅថា កំពឹស ដែរ
កំពឹសក្រូច ។
មើមខ្ទឹម ១ គ្រាប់ៗ ក៏ហៅ កំពឹស ដែរ
ខ្ទឹម ១ កំពឹស ។
ក្បាច់
នាមសព្ទ
ប្រដាប់សម្រាប់កែនលេខមានស្នូក ៤ ជ្រុងទ្រវែង មានគ្រាប់ខ័ណ្ឌជា ២ សង្កាត់, សង្កាត់ខាងលើ ១ ខ្ទង់ ២ គ្រាប់ ក្នុង ១ គ្រាប់ ទុកជា ៥. សង្កាត់ខាងក្រោម ១ ខ្ទង់ ៥ គ្រាប់ ជាគ្រាប់រាយ ។ ជួនកាលគេហៅថា ក្បាច់ចិន ។
នាមសព្ទ
ការរចនាវិចិត្រផ្សេងៗ, បុរាណសរសេរ “ក្បេច”
ប្រាសាទនគរវត្តមានក្បាច់ដ៏វិចិត្រ ។
នាមសព្ទ
ចំនួនដែលថែមលើសពី១០, និយាយចំពោះផ្លែឈើផ្សេងៗ មានផ្លែស្វាយនិងក្រូចពោធិ៍សាត់ជាដើម ដែលត្រូវទិញឬលក់ គឺគេគិតតម្លៃតែត្រឹម ១០ តែគេថែម ២ ទៀតត្រូវជា ១២ ផ្លែ, ចំនួន ២ ដែលគេថែមនេះ ហៅថា ក្បាច់ ។
គ្រលែងវែក
នាមសព្ទ
ឈ្មោះសត្វបក្សីមួយប្រភេទ រូបប៉ុនមាន់ទឹក សម្បុរត្រសក់ ច្រើនយំព្រមគ្នា ដំណើរលោត ដូចជាក្អែក ។ ឈ្មោះឈើមួយយ៉ាងដើមតូច ស្លឹកស្រដៀងនឹងស្លឹកក្រូចសើច, ប្រើធ្វើថ្នាំស្ដោះគ្រេច ឬ ថ្នាំឫសដូងវិលមុខ ។
ឃ្វិច
នាមសព្ទ
ឈ្មោះក្រូចមួយប្រភេទ សំបកស្ដើងផុយងាយបក ផ្លែប្រើបរិភោគជាចំណីលាងមាត់
ក្រូចឃ្វិច ។
ឆ្មារ
គុណសព្ទ
តូចបំផុត; សម្រាប់ហៅវត្ថុដែលតូចវែងឬសំឡេងតូចស្រួច
សរសៃអំបោះឆ្មារ, សំឡេងឆ្មារ ។ ( ក្រូចឆ្មារ ក្រូចដើមទាប ផ្លែតូចៗ សម្រាប់ប្រើការបានច្រើនយ៉ាងមានប្រើធ្វើម្ជូរជ្រក់ជាដើម ) ។