Views: 1
ដោយៈ ដកស្រង់ពីវចនានុក្រមសម្តេចសង្ឃរាជ ជួន ណាត
ប្រមោយដំរី
(ប្រម៉ោយដំរ៉ី)
នាមសព្ទ
ឈ្មោះស្មៅមួយប្រភេទមានដើមឈរ ស្លឹកក្រាស់ជ្រួញៗ ផ្កាសណ្ឋានក្រវង់លំនាំប្រមោយដំរី ( អ្នកខ្លះហៅតាមចិនថា ម៉ោងជាង ) ។
ផោដ្ឋពា្វរម្មណ៍
(ផោត-ឋាប់-ពារ៉ម់)
នាមសព្ទ
( បា. ផោដ្ឋព្វារម្មណ ) អារម្មណ៍ដែលកើតអាស្រ័យផោដ្ឋព្វៈ ។
ផ្ដែកវេរ
(ជើង ដ)
កិរិយាសព្ទ
លើករលាស់កិច្ចការធុរៈទាំងស្រុង ដាក់ទៅលើអ្នកដទៃ មិនទទួល ខុសត្រូវលើខ្លួនថែមទាំងទាមយកគុណយកប្រយោជន៍ដែលត្រូវបាននោះផង
មិនគួរបើលើកមុខការនេះមកផ្ដែកវេរឲ្យខ្ញុំសោះ ។
ផ្ដែរ
(ជើង ដ)
នាមសព្ទ
ក្ដាររនាំងបាំងរាំងចន្លោះដំបូលដែលមានជាន់ពីរ
ផ្ដែរវិហារ, ផ្ដែរសាលា ។
ពិដោរ
គុណសព្ទ
ដែលមានក្លិនក្រអូបល្អ, ដែលក្រអូបសាយ
ក្លិនពិដោរ; ធុំពិដោរ, ពិដោរក្លិនសីល ។ (ព. កា. ) : ពិដោរផ្កាបី ពិដោរមេត្រី សួស្ដិ៍សីលាចារ ពិដោរបរិសុទ្ធ កុសលសម្ភារ ពិដោរនេះដាល ដល់សួគ៌ពុំស្បើយ ។ ( សាស្ត្រាច្បាប់ រាជនេតិ ជាព្រះនិពន្ធនៃព្រះរាជសម្ភារ ) ។