Views: 2
ដោយ : ប.ជ័យ / បន្ទាយមានជ័យៈ វិទ្យាល័យនៃអង្គការគ្រួសារកុមារអភិវឌ្ឍន៍ដែលមានទីតាំងស្ថិតនៅក្នុងភូមិប្រជាធម្ម សង្កាត់អូរឫស្សី ក្រុងប៉ោយប៉ែត ខេត្តបន្ទាយមានជ័យបានប្រកាសពិធីបិទវគ្គសិក្សានិងប្រគល់ប័ណ្ណសរសើរដល់សិស្សដែលរៀនពូកែនិងមានវិន័យល្អកាលពីថ្ងៃទី០១ខែធ្នូឆ្នាំ២០២២ ។
លោកស្រី យ៉ាំង អួយលីន(Yang Weilin) នាយិកាគ្រួសារកុមារអភិវឌ្ឍន៍ប្រចាំកម្ពុជា បានផ្តើមបង្កើតវិទ្យាល័យពីឆ្នាំ២០១៦ មក ហើយ
ត្រឹមចុងឆ្នាំ២០២២ នេះ វិទ្យាល័យអង្គការមួយនេះ មានសិស្សានុសិស្សជាង៦០០នាក់។
លោកស្រីនាយិកាបានបំពេញការងាររយៈពេល៣០ឆ្នាំមកហើយ ហើយអង្គការមនុស្សធម៌នេះ ស្រឡាញ់វិស័យអប់រំ វិស័យពុទ្ធសាសនា ព្រមទាំងបានជួយដល់បងប្អូនប្រជាពលរដ្ឋកម្ពុជា ជួបនូវការលំបាក ទទួលរងគ្រោះធម្មជាតិនិងទីទាល់ក្រ។
លោកស្រីបានបន្តថា ដោយមានការអាណិតស្រឡាញ់ដោយស្មោះ លោកស្រីបាន ខិតខំរិ:រក មូលនិធិពីបងប្អូនសប្បុរសជននានា ក្នុងគោលបំណងជួយជ្រោមជ្រែង លើកស្ទួយពិសេសវិស័យអប់រំសិក្សា ដែលជាកត្តាសំខាន់សម្រាប់ធនធានមនុស្សក៏ជួយដល់ព្រះសង្ឃនិងវត្តអារាមព្រះពុទ្ធសាសនាផងដែរ ។
លោក គាត ហ៊ុល អភិបាលក្រុងប៉ោយប៉ែតបានកោតសរសើរ និងថ្លែងនូវអំណរគុណចំពោះសន្តានចិត្តដ៏ល្អរបស់សប្បរសជន ដែលបានចំណាយធនធាននិងថវិកា ជាច្រើន មកជួយដល់កម្ពុជា ដែល នេះគឺជាការចូលរួមចំណែក ជាមួយរាជរដ្ឋាភិបាលកម្ពុជា និងដើម្បីជួយទ្រទ្រង់និងវិស័យអប់រំ ។
លោក គាត ហ៊ុល ក៏បានផ្តាំផ្ញើដល់ប្អូនៗ និងសិស្សានុសិស្សទាំងឡាយបន្តខិតខំរៀនសូត្រដើម្បីបានក្លាយជាសិស្សល្អ មិត្តល្អ កូនល្អ ពលរដ្ឋល្អ។
គ្មានក្មេងទំនើងឬបងតូចបងធំ និងសុំឆ្លើយថាទេ !! ចំពោះគ្រឿងញៀន៕.mara