Views: 8
ប្រែសម្រួលៈបំណង(ដេល្លីម៉េល)៖ អ្នកជួយសង្គ្រោះ៥នាក់បានស្លាប់នៅហ្វីលីពីនក្រោយពីពួកគេត្រូវបានបញ្ជូនទៅកាន់សហគមន៍ដែលជន់លិចមួយក្នុងអំឡុងពេលព្យុះខ្លាំងមួយ នេះបើតាមអាជ្ញាធរបានរាយការណ៍កាលពីថ្ងៃចន្ទ។
វាជាការបញ្ជាក់អំពីការស្លាប់មនុស្សលើដំបូងបណ្តាលមកពីព្យុះខ្លាំងបំផុតដែលវាយប្រហារហ្វីលីពីននៅឆ្នាំនេះ។ព្យុះណូរូ (Noru)បាននាំមកភ្លៀងនិងខ្យល់យ៉ាងខ្លាំងនៅពេលវាបក់នៅពេលវាបក់កាត់កោះធំលូហ្សុនកាលពីថ្ងៃអាទិត្យនិងចន្ទ ដោយរំលំដើមឈើនិងបង្កជំនន់នៅតំបន់ទំនាប។
តាំងពីពេលព្យុះនេះវាយប្រហារដីគោកហ្វីលីពីនតាំងពីព្រឹកថ្ងៃអាទិត្យមក មិនមានសេចក្តីរាយការណ៍អំពីការខូចខាតធ្ងន់ធ្ងរឬស្លាប់និងរបួសមនុស្សក្រៅតែពីអ្នកជួយសង្គ្រោះប្រាំនាក់ខាងលើទេ។ពួកគេជាអ្នកជួយសង្គ្រោះនៅទីក្រុង ប៊ូឡាកាន់(Bulacan)ជិតរដ្ឋធានីម៉ានីល។
មេប៉ូលិសបាននិយាយថា« ជនរងគ្រោះត្រូវបានបញ្ជូនទៅកាន់តំបន់ជន់លិចមួយ ។ខណៈពួកគេកំពុងដើរលុយទឹករបងមួយបានរលំបាក់សង្កត់លើពួកគេនិងរុញពួកគេអោយចូលក្នុងចរន្តទឹកហូរខ្លាំង»។
ព្យុះណូរូ បានចាប់ផ្តើមវាយប្រហារហ្វីលីពីនកាលពីព្រឹកថ្ងៃអាទិត្យ។មនុស្សជិត៧៥.០០០នាក់ត្រូវបានជម្លៀសចេញពីផ្ទះរបស់គេមុនពេលព្យុះមកដល់៕
ព្យុះណូរូ បង្កការជន់លិចនៅតំបន់ទំនាបតែមកត្រឹមថ្ងៃចន្ទមិនមានសេចក្តីរាយការណ៍អំពីការខូចខាតឬបាត់បង់អាយុជីវិតមនុស្សច្រើនទេ
