Views: 1
ប្រែសម្រួល : កញ្ញាដាលីស (ដេល្លីម៉េល) ៖ ការដែលឃើញប្រទេសរបស់អ្នកធ្លាក់ចេញពីវើលខាប់គឺពិតជាបទពិសោធន៍ដ៏ខកចិត្តមួយ ប៉ុន្តែអ្នកគាំទ្រម៉ិកស៊ិកម្នាក់ប្រហែលជាបានធ្វើរឿងលើសពេកហើយ។
ម៉ិកស៊ិកបានយកឈ្នះអារ៉ាប៊ីសាអូឌីត ២-១ ក្នុងការប្រកួតចុងក្រោយក្នុងពូលរបស់ពួកគេ ប៉ុន្តែនៅតែធ្លាក់ដោយសារគម្លាតគ្រាប់បាល់ បន្ទាប់ពីមានពិន្ទុស្មើជាមួយប៉ូឡូញក្រោយការប្រកួតបីលើកក្នុងប្រទេសកាតា។
ហើយមួយសន្ទុះក្រោយមក បន្ទាប់ពីការធ្លាក់របស់ពួកគេ អ្នកគាំទ្រម៉ិកស៊ិកម្នាក់មិនអាចគ្រប់គ្រងអារម្មណ៍ខឹងច្រឡោតរបស់ខ្លួនបាន ដោយវីដេអូមួយបានបង្ហាញគាត់ដាល់កម្ទេចអេក្រង់ទូរទស្សន៍ មុនពេលដកកាំបិតចាក់ទូរទស្សន៍ទាំងកំហឹង។
វីដេអូនេះបានចាប់ផ្តើមជាមួយអ្នកគាំទ្រម៉ិកស៊ិករូបនេះដាល់ទូរទស្សន៍ដែលដាក់នៅលើជញ្ជាំង មុនពេលរត់ចេញពីអេក្រង់ដើម្បីយកកាំបិតដ៏ធំមួយ មុនពេលចាក់ទូរទស្សន៍ម្តងហើយម្តងទៀត។ បន្ទាប់មក អ្នកគាំទ្រដ៏រំជួលចិត្តនោះបានដើរចេញពីទូរទស្សន៍បាត់ទៅ។
បន្ទាប់ពីការជ្រុះចេញរបស់ម៉ិកស៊ិកពីវើលខាប់ ព័ត៌មាននានាបានបញ្ជាក់ថា កិច្ចសន្យារបស់អ្នកចាត់ការទូទៅលោក ជើរ៉ាដូ ម៉ាទីណូ (Gerardo Martino) ត្រូវបានបញ្ចប់៕
អ្នកគាំទ្រម៉ិកស៊ិកខឹងពេកដកកាំបិតចាក់អេក្រង់ទូរទស្សន៍ ក្រោយជម្រើសជាតិពួកគេធ្លាក់ពីវើលខាប់