Views: 11
ប្រែសម្រួល : កញ្ញាដាលីស (ស្ត្រេតថែមស៍) ៖ ដូចប្រទេសដទៃទៀតដែរ ថៃកំពុងប្រឈមនឹងការធ្លាក់ចុះអត្រាកំណើតទ្វេដងនិងសង្គមដែលសម្បូរមនុស្សចាស់។
ខណៈអាជ្ញាធរកំពុងព្យាយាមលើកទឹកចិត្តគូស្វាមីភរិយាឱ្យបង្កើតកូនកាន់តែច្រើនអ្នកជំនាញផ្នែកផែនការគ្រួសារកំពុងជំរុញឱ្យមានការយកចិត្តទុកដាក់ចំពោះគំនិតផ្តួចផ្តើមដែលអនុញ្ញាតឱ្យពលរដ្ឋវ័យចំណាស់រក្សាផលិតភាព។
ជំនួយការសាស្ត្រាចារ្យ លោក ពីយ៉ាឆាត ភីរម្យស្វាត (Piyachart Phiromswad) ដែលជំនាញផ្នែកសេដ្ឋកិច្ចប្រជាជន បាននិយាយថា”យើងត្រូវតែគិតឡើងវិញនូវការយល់ឃើញរបស់យើងចំពោះប្រជាជនវ័យចំណាស់។ ពីព្រោះប្រសិនបើយើងមិនបង្វែរបញ្ហាប្រឈមនេះទៅជាឱកាសទេ វានឹងក្លាយទៅជាវិបត្តិពេញបន្ទុក”។
លោកគិតថាវាមិនមានប្រសិទ្ធភាពទេក្នុងការបញ្ចុះបញ្ចូលគូស្វាមីភរិយាឱ្យបង្កើតកូនបន្ថែមទៀត ដោយសារតែការផ្លាស់ប្តូរអាកប្បកិរិយាចំពោះគ្រួសារ អាជីពការងារ និងរបៀបរបបរស់នៅ។
លោកនិយាយថា “ភស្តុតាងបានបង្ហាញថា វាមិនអាចទៅរួចទេក្នុងការបង្វែរការធ្លាក់ចុះនៃអត្រាមានកូន។ យើងត្រូវតែបង្វែរការយកចិត្តទុកដាក់លើមនុស្សដែលមានស្រាប់ហើយមើលទៅមនុស្សចាស់ជាប្រភពនៃផលិតភាព” ដោយកត់សម្គាល់ថា បច្ចេកវិជ្ជា ការថែទាំសុខភាព និងការផ្លាស់ប្តូរផ្នត់គំនិត អាចឱ្យមនុស្សចាស់ត្រឡប់ចូលទៅក្នុងកម្លាំងការងារវិញឬចូលរួមចំណែកតាមវិធីដ៏មានអត្ថន័យ។
“ប្រសិនបើមនុស្សមានសុខភាពល្អ ហើយនៅតែអាចធ្វើការបាន ដូច្នេះអាយុ ៦០ ប្រហែលជាអាយុ ៤០ ថ្មី”៕
អ្នកជំនាញខាងផែនការគ្រួសារក្នុងប្រទេសថៃបាននិយាយថា គំនិតផ្តួចផ្តើមដែលអនុញ្ញាតឱ្យពលរដ្ឋវ័យចំណាស់រក្សាផលិតភាពក្នុងកម្លាំងការងារ គួរតែត្រូវបានផ្តល់ការយកចិត្តទុកដាក់បន្ថែមទៀត
