Views: 6
ប្រែសម្រួល : កញ្ញាដាលីស (ដេល្លីម៉េល) ៖ អតីតអធិការបតីអាល្លឺម៉ង់លោកស្រី អេនជេឡា មឺគែល (Angela Merkel) កាលពីថ្ងៃអង្គារបានឈ្នះពានរង្វាន់ Nansenដ៏មានកិត្យានុភាពរបស់ទីភ្នាក់ងារជនភៀសខ្លួនរបស់អង្គការសហប្រជាជាតិ ដោយទទួលបានការសរសើរចំពោះការប្តេជ្ញាចិត្តរបស់លោកស្រីក្នុងការការពារជនស្វែងរកសិទ្ធិជ្រកកោនក្នុងពេលកំពុងកាន់តំណែង។
ដោយចង្អុលទៅជនភៀសខ្លួននិងជនស្វែងរកសិទ្ធិជ្រកកោនជាង ១,២ លាននាក់ដែលត្រូវបានស្វាគមន៍ដោយអាល្លឺម៉ង់ក្នុងឆ្នាំ ២០១៥ និង ២០១៦ នៅកម្រិតខ្ពស់បំផុតនៃវិបត្តិជនភៀសខ្លួនដែលបង្កឡើងជាពិសេសដោយសង្គ្រាមនៅក្នុងប្រទេសស៊ីរី គណៈកម្មាធិការសម្រាំងរបស់អង្គការ UNHCRបានសាទរចំពោះ “ភាពជាអ្នកដឹកនាំ ភាពក្លាហាន និងក្តីមេត្តា” របស់លោកស្រីមឺគែល។
នៅពេលនោះ ស្ត្រីដែលដឹកនាំរដ្ឋាភិបាលអាល្លឺម៉ង់រយៈពេល ១៦ ឆ្នាំបាននិយាយថា ស្ថានភាពនេះ “ដាក់តម្លៃអឺរ៉ុបរបស់យើងក្នុងការសាកល្បងមិនធ្លាប់មានពីមុនមក។ វាគ្មានអីក្រៅពីកាតព្វកិច្ចចាំបាច់ផ្នែកមនុស្សធម៌នោះទេ”។
ទីភ្នាក់ងារជនភៀសខ្លួនរបស់អ.ស.បបានគូសបញ្ជាក់ពីរបៀបដែលលោកស្រីបានអំពាវនាវឱ្យជនរួមជាតិអាល្លឺម៉ង់បដិសេធជាតិនិយមដែលខ្វែងគំនិតគ្នា ដោយជំរុញឱ្យពួកគេជំនួសមកវិញផ្តល់នូវ “ក្តីមេត្តានិងបើកចិត្តឱ្យទូលាយ”។
ប្រធាន UNHCR លោក ហ្វីលីពីប៉ូ ហ្គ្រានឌី (Filippo Grandi) បាននិយាយនៅក្នុងសេចក្តីថ្លែងការណ៍មួយថា”តាមរយៈការជួយជនភៀសខ្លួនជាងមួយលាននាក់ឱ្យរស់រានមានជីវិតនិងកសាងជីវិតឡើងវិញ លោកស្រី អេនជេឡា មឺគែល បានបង្ហាញនូវភាពក្លាហានខាងសីលធម៌និងនយោបាយដ៏អស្ចារ្យ”៕
លោកស្រីមឺគែលទទួលបានពាន Nansen របស់អង្គការ UNHCR
