ភ្នំពេញ៖ កម្មវិធីបើកសាច់ប្រាក់ឧបត្ថម្ភជូនគ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងកូវីដ១៩ ជុំទី១០ លើកទី៣ ចាប់ពីថ្ងៃទី២៥ ខែកញ្ញា ដល់ថ្ងៃទី២៤ ខែតុលា ឆ្នាំ២០២២។
ក្រសួងសង្គមកិច្ច អតីតយុទ្ធជន និងយុវនីតិសម្បទា បានប្រកាសថា គិតត្រឹមថ្ងៃទី២៤ ខែកញ្ញា ឆ្នាំ២០២២ វេលាម៉ោង ១៧:០០ ការបើកផ្តល់ជុំទី១០ លើកទី២ ត្រូវបានបញ្ចប់ ដោយទទួលបានលទ្ធផល គឺគ្រួសារ ដែលទទួលបានប្រាក់ឧបត្ថម្ភ មានចំនួន ៦៩១ ៧០៩គ្រួសារ ស្មើនឹងចំនួនសមាជិក ២ ៧៣១ ២៧៣នាក់ អស់ទឹកប្រាក់សរុប ១២២ ៣៩៩ ៨៨០ ០០០រៀល។
ក្រសួងសង្គមកិច្ច អតីតយុទ្ធជន និងយុវនីតិសម្បទា ក៏បានប្រកាសថា សរុបការចំណាយលើការអនុវត្តកម្មវិធីចាប់ពីថ្ងៃទី២៥ ខែមិថុនា ឆ្នាំ២០២០ ដល់ថ្ងៃទី២៤ ខែកញ្ញា ឆ្នាំ២០២២ ( ២៧លើក) អស់ថវិការដ្ឋ ចំនួន ៣ ២២២ ៨២៧ ២០៧ ០០០រៀល ស្មើនឹង ៨០៥.៧០៩ដុល្លារអាមេរិក៕
