Views: 10
ដោយៈ សុខុម / មណ្ឌលគិរីៈ មកដល់ម៉ោង ៤ រសៀលថ្ងៃទី៨ ខែសីហា ឆ្នាំ២០២២ សមត្ថកិច្ច រកអ្នកបើកបររថយន្តដឹកហ្គាស មានទម្ងន់រាប់តោន ជ្រុលចង្កូតក្រឡាប់ចូលផ្ទះ អ្នកលក់ដូរ នៅភូមិចំបក់ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី មិនទាន់ឃើញនៅឡើយទេ។
នាក់ប្រជាពលរដ្ឋសង្ស័យថា អ្នកបើកបររថយន្ត ខាងលើនេះ អាចនឹងគៀបជាប់ក្នុងរថយន្ដ ដោយសារស្ថានភាពរថយន្ត ផ្នែកខាងមុខ បុករួញជ្រុលចូលផ្ទះ នៅកន្លែងកើតហេតុ។
សមត្ថកិច្ច បានឲ្យដឹងថាៈ គ្រោះថ្នាក់ចរាចរណ៍បង្កឡើង ដោយរថយន្តដឹកហ្គាស លឿនជ្រុល ចុះចំណោតធ្លាក់ពីលើផ្លូវជាតិ៧៦ នៅចំណុចផ្ទះតាលី ស្ថិតភូមិចំបក់ សង្កាត់ស្ពានមានជ័យ។ រថយន្តវេអងដឹកហ្គាសនោះ គឺជារបស់ក្រុមហ៊ុនតារាសុីធី បើកចុះចំណោតផ្លូវកោង ហើយពេលនោះ រថយន្តអស់ខ្យល់ហ្វ្រាំង លឿន ហើយបុកតូប ចំនួន៤។ រថយន្តធ្លាក់បាក់ច្រាំងផ្លូវ បណ្តាលឱ្យក្រឡាប់។ នៅក្នុងផ្ទះ៤ខាងលើ មានមនុស្ស ចំនួន ១៦ នាក់ អ្នករងរបូសស្រាល ២ (ប្រុស)។ អ្នកបើកបរ មិនដឹងលោត ឬកៀបជាប់ ក្នុងកាប៊ិនរថយន្ត ដោយកាប៊ិនរួញចូលគ្នា ដោយគាស់កាប៊ិនមិនបាន ទើបរង់ចាំយករថយន្ត មកស្ទួចចេញ ទើបកាត់កាប៊ិនចេញ បានដឹងថា អ្នកបើកបរ មិននៅក្នុងនោះ ឬលោតរួចខ្កួន។
សមត្ថកិច្ច បានឲ្យដឹងទៀតថាៈ សមត្ថកិច្ច កំពុងដាក់កម្លាំងការពារ យ៉ាងតឹងរ៉ឹង និងត្រៀមទឹក ដើម្បីការពារសុវត្ថិភាព ក្រែងមានហេតុអាក្រក់ បង្កឱ្យមានបញ្ហា ដល់ស៊ីទែនហ្គាស ផ្ទុះប៉ះពាល់ដល់ប្រជាពលរដ្ឋ រស់នៅក្បែរនោះ៕