Views: 3
ប្រែសម្រួលៈបំណង(ស្ត្រេតថែមស៍)៖ ការបុកតគ្នាជាច្រើនករណីនៅលើផ្លូវហាយវ៉េមួយនៅចិនកណ្តាលបានសម្លាប់មនុស្ស១៦នាក់និងរបួសរាប់សិបនាក់ទៀត នេះបើតាមការអោយដឹងពីអាជ្ញាធរកាលពីថ្ងៃអាទិត្យ ដោយរូបភាពផ្សព្វផ្សាយក្នុងបណ្តាញសង្គមក្នុងស្រុក បានបង្ហាញរថយន្តធំឆេះនិងរថយន្តទេសចរណ៍រងការកំពឹតកំពៀច។
ប៉ូលីសចរាចរណ៍មូលដ្ឋានម្នាក់បាននិយាយថា រថយន្តជិត៥០គ្រឿងពាក់ព័ន្ធនឹងការបុកគ្នាតគ្នាជាច្រើននៅលើផ្លូវហាយវ៉េមួយនៅក្នុងខេត្តហ៊ូណាន(Hunan)តែក្នុងរយៈពេលដប់នាទីកាលពីល្ងាចថ្ងៃសៅរ៍ ដោយ«រថយន្តខ្លះឆេះ»។
រូបភាពចុះផ្សាយក្នុងសារព័ត៌មានPeople’s Dailyបានបង្ហាញរថយន្តធំជាច្រើនឆេះនិងរថយន្តតូចកំពឹតកំពៀចឬក្រឡាប់នៅពេលផ្សែងខ្មៅហុយចេញពីកន្លែងបុកទង្គិច។
ប៉ូលីសចរាចរណ៍បាននិយាយថាមនុស្ស១៦នាក់ត្រូវបានសម្លាប់នៅក្នុងការបុកតគ្នាជាច្រើន រួមមានរថយន្តចំនួនប្រាំពីរនៅក្នុងការបុកគ្នាមួយ។ក្នុងចំណោមអ្នករងរបួស៦៦នាក់ដែលត្រូវបានបញ្ជូនទៅកាន់មន្ទីរពេទ្យដើម្បីព្យាបាល រួមមានអ្នករងរបួសធ្ងន់ប្រាំបីនាក់៕
បុគ្គលិកជួយសង្គ្រោះជាង២៨០នាក់ត្រូវបានបញ្ជូនទៅកាន់កន្លែងបុកគ្នាជាច្រើនកាលពីថ្ងៃសៅរ៍នៅលើផ្លូវហាយវ៉េមួយក្នុងទីក្រុងឆាងសា