Views: 8
ដោយ៖ដេប៉ូ/ភ្នំពេញ៖ នាព្រឹកថ្ងៃទី៥ ខែធ្នូ ឆ្នាំ២០២២នេះ ការប្រឡងសញ្ញាបត្រមធ្យមសិក្សាទុតិយភូមិ ឬហៅថាបាក់ឌុបបានចាប់ផ្តើមហើយ ដោយក្នុងនេះរដ្ឋមន្ត្រីក្រសួងអប់រំ យុវជន និងកីឡាបានចូលរួមបើកហឹបវិញ្ញាសាមណ្ឌលប្រឡងវិទ្យាល័យព្រះស៊ីសុវត្ថិ ក្នងរាជធានីភ្នំពេញ។
នៅក្នុងការចាប់ផ្តើមការប្រឡងថ្ងៃដំបូង នាព្រឹកនេះដែរក្រៅពី លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រី ក្រសួងអប់រំ យុវជន និងកីឡា នៅតាមមណ្ឌលប្រឡងវិទ្យាល័យព្រះស៊ីសុវត្ថិ ក៏គេឃើញ មានការចូលរួមត្រួតពិនិត្យដោយអង្គភាពប្រឆាំងអំពើពុករលួយ សហភាពសហព័ន្ធយុវជនកម្ពុជា និងអ្នកពាក់ព័ន្ធចូលរួម ដើម្បីពិនិត្យភាពបិទជិត មានបិទស្កុត និងត្រាស្រោមប្រធានវិញ្ញាសា នៅចំពោះមុខបេក្ខជនផងដែរ។
ក្នុងទិដ្ឋភាពទូទៅនៅខាងក្រៅរបងវិទ្យាល័យព្រះស៊ីសុវត្ថិវិញក៏ដូចជាមណ្ឌលប្រឡងដទៃទៀតក្នុងរាជធានីភ្នំពេញគេឃើញមានការត្រួតពិនិត្យយ៉ាងម៉ត់ចត់និងកិច្ចការពារសុវត្ថិភាពក៏ត្រូវបានរឹតបន្តឹងផងដែរ។បេក្ខជនគ្រប់គ្នាបានមកកាន់មណ្ឌលប្រឡងតាំងតែពីព្រឹកព្រលឹមជាមួយការត្រៀមខ្លួនជាស្រេចក្នុងការចូលរួមប្រឡងដ៏សំខាន់នៃជីវិតរបស់ពួកគេ។
ក្រសួងអប់រំយុវជននិងកីឡាបានបញ្ជាក់ថា៖វិញ្ញាសាទាំងអស់ត្រូវបានជ្រើសរើស តាក់តែង រៀបចំ និងគ្រប់គ្រងដោយក្រសួងអប់រំ យុវជន និងកីឡា។ វិញ្ញាសាប្រឡងត្រូវបានកំណត់សម្រាប់ថ្នាក់វិទ្យាសាស្ត្រ និងសម្រាប់ថ្នាក់វិទ្យាសាស្ត្រសង្គម។ ទម្រង់វិញ្ញាសា ត្រូវបានរៀបចំជាពីរ គឺទម្រង់វិញ្ញាសាចម្លងដាក់លើក្តារខៀន និងទម្រង់វិញ្ញាសាដា សន្លឹកក្រដាសចែកជូនបេក្ខជន។
គួរបញ្ជាក់ថានាថ្ងៃនេះ បើយោងតាមារាងប្រព្រឹត្តិទៅនៃវិញ្ញាសាប្រឡងបាក់ឌុបផ្នែកថ្នាក់វិទ្យាសាស្ត្រនិង វិទ្យាសាស្ត្រសង្គមរបស់ ក្រសួងអប់រំបានឱ្យដឹងថា៖ថ្នាក់វិទ្យាសាស្ត្រដែលនឹងត្រូវប្រឡងនៅថ្ងៃ ទី០៥ ខែ ធ្នូ ឆ្នាំ ២០២២ មានដូចជា៖
ពេលព្រឹក ៖
– ម៉ោង ០៧ : ៣០ ដល់ម៉ោង០៨ : ៣០ ប្រវត្តិវិទ្យា (៦០នាទី)
– ម៉ោង ០៩ :០០ ដល់ម៉ោង ១០: ៣០ ជីវវិទ្យា (៩០នាទី)
ពេលរសៀល ៖
– ម៉ោង ១៤ :០០ ដល់ម៉ោង ១៥ :៣០ គីមីវិទ្យា (៩០នាទី)
– ម៉ោង ១៦ : ០០ ដល់ម៉ោង ១៧ : ០០ ភាសាបរទេស (៦០នាទី)
*ថ្នាក់វិទ្យាសាស្ត្រសង្គម៖
ថ្ងៃចន្ទ ទី០៥ ខែធ្នូ ឆ្នាំ២០២២
ពេលព្រឹក ៖
– ម៉ោង ០៧ : ៣០ ដល់ម៉ោង០៨ ៣០ ផែនដី និង បរិស្ថានវិទ្យា (៦០នាទី)
– ម៉ោង ០៩ : ០០ ដល់ម៉ោង ១០ : ៣០ ប្រវត្តិវិទ្យា (៩០នាទី)
ពេលរសៀល ៖
– ម៉ោង ១៤ : ០០ ដល់ម៉ោង ១៥ : ៣០ ភូមិវិទ្យា (៩០នាទី)
– ម៉ោង ១៦ : ០០ ដល់ម៉ោង ១៧ :០០ ភាសារបរទេស (៦០នាទី)៕/R