Views: 4
ដោយ : ប.ជ័យ / បន្ទាយមានជ័យ : រដ្ឋបាលខេត្តបន្ទាយមានជ័យបានដាក់បញ្ជារអោយអាជ្ញាធរ មានសមត្ថកិច្ចគ្រប់លំដាប់ថ្នាក់មន្ទីរអង្គភាពជុំវិញព្រមទាំងកងកម្លាំងប្រដាប់អាវុធទាំងអស់ត្រូវសហការរួមគ្នាត្រៀមបង្ការជួយដល់បងប្អូនប្រជាពលរដ្ឋកំពុងរងគ្រោះដោយទឹកជំនន់ទឹកភ្លៀង ដែលបានជន្លៀសមកនៅទីទួលសុវត្ថិភាព នេះបើតាម លោក ឈឿង ក្រៃយ៉ុង អភិបាលរងខេត្ត បានថ្លែងអោយដឹងបន្ទាប់ពីកិច្ចប្រជុំសាមញ្ញលើកទី៤០ អាណត្តិទី៣ របស់ក្រុមប្រឹក្សាខេត្តបន្ទាយមានជ័យនាព្រឹកថ្ងៃទី០៥ ខែតុលា ឆ្នាំ២០២២។
លោក ឈឿង ក្រៃយ៉ុង បានមានប្រសាសន៍ថា នាពេលបច្ចុប្បន្ននេះក្នុងខេត្តបន្ទាយមានជ័យកំពុងរងនៅផលប៉ះពាល់ដោយសារទឹកជំនន់ទឹកភ្លៀងហើយពួកគាត់មួយចំនួនបានបង្ខំចិត្តជម្លៀសទៅរស់នៅកន្លែងទីទួលមានសុវត្ថិភាពក្នុងនោះគ្រួសាររងផលប៉ះពាល់ចំនួន ៩.២១៨ខ្នងផ្ទះ មនុស្សរាយ៤០.៦៣៧នាក់ ហើយមាន ស្លាបចំនួន១៤នាក់ លិច សាលារៀន៥៩កន្លែង វត្តអារាម១៧វត្ត មណ្ឌលសុខភាព៣កន្លែង និងទឹកហូរកាត់ផ្លូវចំនួន ៤៦៣ខ្សែ សរុប២៩៣.៣១៥មែត្រ។
លោក ប្លែក វ៉ារី សមាជិកក្រុមប្រឹក្សាខេត្ត បានធ្វើការអំពាវនាវសូមឱ្យប្រជាពលរដ្ឋថែរក្សាសុខភាព អនាម័យឱ្យបានជាប់ជាប្រចាំ និងសូមប្រុងប្រយ័ត្នខ្ពស់ សត្វអាសិរពិស ពិសេសក្មេងតូចៗ ដែលអាចបង្កគ្រោះថ្នាក់ដល់អាយុជីវិតព្រោះពេលនេះវាជារដូវទឹកឡើង។ N