Views: 7
ប្រែសម្រួល : កញ្ញាដាលីស (ដេល្លីម៉េល) ៖ គ្រីស្ទាណូ រ៉ូណាល់ដូ ត្រូវបានរាយការណ៍ថាកាន់តែខិតជិតទៅនឹងការផ្ទេរដ៏មានតម្លៃទៅកាន់ក្លិប Al Nassr របស់អារ៉ាប៊ីសាអូឌីត បន្ទាប់ពីបានយល់ព្រមលើលក្ខខណ្ឌលើកិច្ចសន្យាតម្លៃ ១៧៣ លានផោន (ជិត២១០លានដុល្លារ) ក្នុងមួយឆ្នាំជាមួយក្លិប។
បន្ទាប់ពីកិច្ចសន្យារបស់គាត់ត្រូវបានបញ្ចប់នៅក្លិប Manchester United កាលពីដើមខែនេះ វាហាក់ដូចជាខ្សែប្រយុទ្ធព័រទុយហ្គាល់រូបនេះមានចំណាប់អារម្មណ៍ចង់ផ្លាស់ទៅក្លិប Champions League ។ រ៉ូណាល់ដូថែមទាំងបានសារភាពនៅក្នុងបទសម្ភាសន៍របស់គាត់ជាមួយលោក ភៀស ម័រហ្គែន (Piers Morgan) ថា គាត់បានបដិសេធសំណើដើម្បីចូលរួមជាមួយក្លិបអារ៉ាប៊ីសាអូឌីតនៅរដូវក្តៅ ប៉ុន្តែឥឡូវនេះគាត់ចង់ផ្លាស់ទៅមជ្ឈិមបូព៌ាហើយ។
ដូច្នេះតើក្លិប Al Nassr ជានរណា?
ក្លិបនេះត្រូវបានបង្កើតឡើងក្នុងឆ្នាំ ១៩៥៥ ហើយបានក្លាយជាក្លិបជោគជ័យបំផុតមួយនៅក្នុងប្រទេសអារ៉ាប៊ីសាអូឌីតចាប់តាំងពីពេលនោះមក។
ពួកគេបានឈ្នះជើងឯកលីកចំនួន ៩ ដង ដោយជ័យជម្នះចុងក្រោយបំផុតរបស់ពួកគេបានកើតឡើងក្នុងរដូវកាល ២០១៨-១៩។
ក្លិបបានជួបការលំបាកក្នុងការលេងឱ្យលេចធ្លោលើឆាកអន្តរជាតិ ប៉ុន្តែពួកគេពិតជាបានចូលរួមប្រកួត Club World Cup ក្នុងរដូវកាល ១៩៩៩-២០០០។
នៅឆ្នាំនោះ ពួកគេបានលេងជាមួយក្រុម Real Madrid ក្នុងពូលរបស់ពួកគេ ដោយចាញ់ ៣-១ ក្នុងនោះកីឡាករ នីកូឡាស អានែលកា (Nicolas Anelka) និង រ៉ាអ៊ូល ស្ថិតក្នុងចំណោមអ្នកស៊ុតបញ្ចូលទីឱ្យក្លិបយក្សអេស្ប៉ាញ។
ពួកគេបានបន្តយកឈ្នះលើក្រុម Raja Casablanca ក្នុងលទ្ធផល ៤-៣ ប៉ុន្តែបានចាញ់ក្រុមប្រេស៊ីល Corinthians ២-០ ខណៈពួកគេខកខានមិនបានទៅលេងក្នុងវគ្គបន្តនៃការប្រកួត។
បច្ចុប្បន្នក្លិបយក្សអារ៉ាប៊ីសាអូឌីតនេះមានតារាល្បីៗពីអតីតកាលមួយចំនួនផងដែរ គឺអ្នកចាំទី ដេវីដ អូស្ពីណា (David Ospina) និងខ្សែបម្រើប្រេស៊ីល ល្វីស គូស្តាវ៉ូ (Luiz Gustavo) បូករួមទាំងខ្សែប្រយុទ្ធកាមេរូន វីនសិន អាប៊ូបាកា (Vincent Aboubakar)៕
រ៉ូណាល់ដូអាចលេងជាមួយខ្សែប្រយុទ្ធអាប៊ូបាកានៅក្លិប Al Nassr
