Views: 1
ប្រែសម្រួល : កញ្ញាដាលីស (ដេល្លីម៉េល) ៖ គ្រីស្ទាណូ រ៉ូណាល់ដូបានក្លាយជាកីឡាករដំបូងគេដែលស៊ុតបញ្ចូលទីក្នុងការប្រកួតវើលខាប់ចំនួនប្រាំលើក ជាមួយនឹងគ្រាប់បាល់មួយគ្រាប់សម្រាប់ព័រទុយហ្គាល់ទល់នឹងហ្គាណាកាលពីថ្ងៃព្រហស្បតិ៍។
ខ្សែប្រយុទ្ធវ័យ៣៧ឆ្នាំរូបនេះបានស៊ុតបាល់ពិន័យ១១ម៉ែត្រនៅនាទី៦៥ជួយឱ្យព័រទុយហ្គាល់នាំមុខមុន ១-០។
ឥឡូវនេះរូបគេបានស៊ុតបញ្ចូលទីនៅគ្រប់ការប្រកួតវើលខាប់តាំងពីវើលខាប់លើកដំបូងរបស់គេក្នុងឆ្នាំ ២០០៦ នៅពេលដែលរ៉ូណាល់ដូស៊ុតចូលបាល់ប៉េណាល់ទីទល់នឹងអ៊ីរ៉ង់ក្នុងវគ្គចែកពូល។
រ៉ូណាល់ដូរកបានមួយគ្រាប់នៅវើលខាប់២០១០ នៅអាហ្វ្រិកខាងត្បូង មួយគ្រាប់ទៀតនៅការប្រកួតឆ្នាំ ២០១៤ នៅប្រេស៊ីល និង បួនគ្រាប់នៅរុស្ស៊ីក្នុងឆ្នាំ ២០១៨។
រ៉ូណាល់ដូបានបន្តកំណត់ត្រាកីឡាករស៊ុតបញ្ចូលទីគ្រាប់បាល់អន្តរជាតិដល់ទៅ ១១៨ គ្រាប់។
ខ្សែប្រយុទ្ធប្រេស៊ីល នាង ម៉ាតា (Marta) បានស៊ុតបញ្ចូលទីក្នុងការប្រកួតវើលខាប់នារីចំនួន ៥ លើក៕
រ៉ូណាល់ដូឥឡូវស៊ុតចូលរាល់វើលខាប់៥លើកចុងក្រោយសម្រាប់ជម្រើសជាតិព័រទុយហ្គាល់