Views: 2
ប្រែសម្រួលៈបំណង(វ៉េអិនអិចស្ព្រេស)៖សាកសពមនុស្ស៧នាក់ត្រូវបានប្រទះឃើញអណ្តែតនៅឯនាយកោះភូគួក(កោះត្រល់)ក្នុងខេត្តគៀនយ៉ាង(Kien Giang)របស់វៀតណាមកាលពីថ្ងៃព្រហស្បតិ៍។
សាកសពស្អុយរលួយមួយអណ្តែតទៅទើលើឆ្នេរកោះភូគួក
បើតាមសារព័ត៌មានវៀតណាមវ៉េអិនអិចស្ព្រេស នៅម៉ោងប្រមាណ១១ព្រឹកអ្នកស្រុកបានប្រទះឃើញសាកសពពីរអណ្តែតចូលតំបន់ឆ្នេរបាយ ទ្រឿង(Bai Truong)របស់កោះភូគួក។សាកសពប្រាំទៀតត្រូវបានរកឃើញនៅក្បែរនោះនៅពេលក្រោយមក ដោយសាកសពទាំងអស់ស្ថិតក្នុងសភាពហើមនិងស្អុយរលួយ ដោយសម្លៀកបំពាកបានរហែកដាច់ដាច។
ការស៊ើបអង្កេតមួយត្រូវបានធ្វើឡើង។
កាលពីសប្តាហ៍មុន នៅក្នុងសមុទ្រភូគួក អ្នកនេសាទបានជួយសង្គ្រោះជនជាតិចិន៩នាក់ដែលរសាត់អណ្តែតក្នុងសមុទ្រនៅចម្ងាយប្រមាណ៤០គីឡូម៉ែត្រពីឃុំហ្កាញ់ដូ។ជនជាតិចិនទាំងនោះបាននិយាយថាពួកគេជាផ្នែកនៃក្រុមនាវិកចំនួន១១នាក់ដែលធ្វើដំណើរពីខេត្តហ្វុយជៀន(Fujian)មកកាន់កម្ពុជាដើម្បីនេសាទត្រី តែទូករបស់គេបានឆ្លងកាត់ចូលក្នុងតំបន់សមុទ្រភូគួកហើយក៏លិច។
នៅពេលស្របាលគ្នា មនុស្ស២៣នាក់បានបាត់ខ្លួនក្រោយវានាមួយដឹកជនជាតិចិន៤១នាក់និងឈើ បានលិចនៅឯនាយឆ្នេរខេត្តព្រះសីហនុរបស់កម្ពុជា។អ្នកដែលត្រូវបានជួយសង្គ្រោះបាននិយាយថា ពួកគេបានធ្វើដំណើរពីខេត្តក្វាងទុង(Guangdong )របស់ចិនមុនពេលផ្ទេរចូលនាវាមួយទៀត។ពេលចូលដល់ក្បែរកម្ពុជា ទឹកបានលិចចូលទូកឈើរបស់គេនិងលិច។ទីតាំងលិចនៅចម្ងាយប្រមាណ៦៤គីឡូម៉ែត្រពីភូគួក៕
នគរបាលវៀតណាមសាកសួរជនជាតិចិនដែលត្រូវបានជួយសង្គ្រោះ