Views: 8
ដោយ៖ សុវណ្ណកុម្ភៈ/ភ្នំពេញ៖ ព្រឹត្តិការណ៍ពានរង្វាន់ AFF Mitsubishi Electric Cup 2022 ដែលនឹងចាប់ផ្ដើមពីថ្ងៃទី២០ ខែធ្នូ ឆ្នាំ២០២២ដល់ថ្ងៃទី១៦ ខែមករា ឆ្នាំ២០២៣នោះសហព័ន្ធកីឡាបាល់ទាត់កម្ពុជាបានបង្ហាញបញ្ជីឈ្មោះកីឡាករសម្រាប់ចូលរួមប្រកួតនោះជាផ្លូវការហើយ។ ព្រឹត្តិការណ៍នេះកម្ពុជាស្ថិតនៅពូល A ជាមួយហ្វីលីពីន ឥណ្ឌូនេស៊ី ព្រុយណេដារុយហ្សាឡឹម និងថៃ ។
សូមបញ្ចាក់ថាមុនមនឹងឈានដល់ព្រឹត្តិការណ៍នេះកម្ពុជាត្រូវប្រកួតកំដៅសាច់ដុំជាមិត្តជាមួយក្រុមជម្រើសជាតិម៉ាឡេស៊ីជាមុនសិន ។
សម្រាប់បញ្ជីឈ្មោះដែលមានកីឡាករចំនួន២៤រូបនោះមានអ្នកចាំទីពីររូបទាំងកីឡាករបម្រុង ខ្សែការពារប្រាំបួនរូប (ទាំងកីឡាករបម្រុង) ខ្សែបម្រើប្រាំរូប(ទាំងបម្រុង) និងខ្សែប្រយុទ្ធចំនួនប្រាំពីររូបទាំងកីឡាករបម្រុង ។
កីឡាករទាំង២៤រូបនោះមានមកពីក្លិបបាល់ទាត់វិសាខាចំនួន១០រូប ក្លិបបឹងកេតចំនួនបួនរូប ក្លិបភ្នំពេញក្រោនចំនួនបួនរូប ក្លិបព្រះខ័នរាជស្វាយរៀងចំនួនបួនរូប ក្លិបណាហ្គាវើលដ៍ចំនួនមួយរូប ក្លិបSarawak United FC ចំនួនមួយរូប និង ក្លិប Orlando City ចំនួនមួយរូប ៕
