Views: 5
ដោយៈ សុវណ្ណកុម្ភៈ/ភ្នំពេញ: សហព័ន្ធកីឡាបាល់ទាត់កម្ពុជាបានធ្វើសិក្ខាសាលាស្ដីពីការអភិវឌ្ឍន៍បាល់ទាត់តាមសាលារៀន (FIFA Football For Schools) ដែលដឹកនាំធ្វើដោយមន្ត្រី FIFA តែម្ដង។
សិក្ខាសាលានេះ ដឹកនាំដោយប្រធានគម្រោង គឺលោកស្រី Fetimata Sidible អ្នកគ្រប់គ្រងគម្រោង កញ្ញា Alexandra Huete និងគ្រូបង្ហាត់ គឺលោក Antonio Buenano និង លោក Melvin Mendy។ សិក្ខាកាមដែលចូលរូមមានប្រធានមន្ទីរ អនុប្រធានមន្ទីរអប់រំ យុវជន និងកីឡា ទាំង២៥រាជធានី ខេត្តនិងមន្ត្រីសហព័ន្ធកីឡាបាល់ទាត់កម្ពុជា។
សម្រាប់កម្មវិធីនេះកម្ពុជាចាប់ផ្ដើមគម្រោងដោយសហការណ៍រវាងក្រសួងអប់រំ យុវជន និងកីឡា និងសហព័ន្ធកីឡាបាល់ទាត់កម្ពុជាក្នុងគោលដៅផ្តល់ចំណេះ និងជំនាញផ្នែកបាល់ទាត់ដល់កុមារា កុមារីក្រៅម៉ោងសិក្សា។
សូមបញ្ជាក់ថាកម្ពុជា គឺជាប្រទេសទី៧ក្នុងតំបន់អាស៊ី និងទី៣២លើពភពលោក ដែលចាប់អនុវត្តលើការបណ្ដុះបណ្ដាលបាល់ទាត់តាមសាលារៀន។ FIFA បានផ្ដល់បាល់១៦.០០០បាល់ដល់សហព័ន្ធកីឡាបាល់ទាត់កម្ពុជាក្នុងមួយឆ្នាំសម្រាប់ជូនដល់សាលារៀនដែលពាក់ព័ន្ធ និងផ្ដល់វគ្គសិក្ខាសាលា កិច្ចការរដ្ឋបាល សម្ភារៈការផ្សព្វផ្សាយ និងការងារផ្សេងៗទៀត៕/R