Views: 4
ដោយ: សរិទ្ធ / កំពត: មនុស្សម្នាក់បានស្លាប់ និង ពីរនាក់ទៀតបានរងរបួស ក្នុងករណីរថយន្តដឹកខ្សាច់ បុកជាមួយរថយន្តលុចស៊ីស កាលពីវេលាម៉ោង ១៦ និង៣០នាទីល្ងាច នៅថ្ងៃទី១០ ខែសីហា ឆ្នាំ២០២២ ចំណុចបង្គោលគីឡូម៉ែត្រលេខ១៤៣-១៤៤ ផ្លូវជាតិលេខ៣ ក្នុងភូមិបឹងតារោង ឃុំព្រៃឃ្មុំ ស្រុកទឹកឈូ។
ករណីគ្រោះថ្នាក់ចរាចរណ៍ខាងលើបង្ករឡើងដោយរថយន្តម៉ាក SCANIA យីឌុបពាក់ស្លាកលេខតាកែវ ៣A៤២៦៤ បើកបរទិសដៅពីត្បូងទៅជើង បើកបរមិនដោយជនមិនស្គាល់ឈ្មោះបានគេចខ្លួនបាត់ បានបុកជាមួយរថយន្តមួយគ្រឿងទៀតដែលបើកក្នុងទិសដៅផ្ទុយគ្នាម៉ាកលុចស៊ីស៤៧០ ពណ៌សពាក់ស្លាកលេខ ភ្នំពេញ ២M-៨៦៤១ រួចបានបន្តទៅបុករថយន្ដមួយគ្រឿងទៀតម៉ាកហ៊ីយ៉ាន់ដាយពណ៌សពាក់ស្លាកលេខក្បាលភ្នំពេញ ៣F-២៧៩៥ និងកន្ទុយព្រៃវែង ៤A-០១៥០ បើកបរដោយឈ្មោះ ព្រាប ភេទប្រុស អាយុ២៨ឆ្នាំ បណ្ដាលឲ្យរថយន្ដរងការខូចខាតផងដែរ។
ករណីគ្រោះថ្នាក់ចរាចរណ៍ខាងលើនេះ បានបណ្ដាលឲ្យស្ត្រីម្នាក់ ឈ្មោះ ឈាង ផល្លា ដែលអ្នកជិះក្នុងរថយន្តលុចស៊ីស បានស្លាប់ពេលបញ្ជូនដល់មន្ទីរពេទ្យ និងមនុស្ស ២នាក់ទៀតរបួស់ ចំណែករថយន្ដទាំង ៣គ្រឿង ត្រូវបានកម្លាំងជំនាញចរាចរណ៍ផ្លូវគោក យកទៅរក្សាទុកនៅអធិការដ្ឋាននគរបាលស្រុកទឹកឈូ រង់ចាំដោះស្រាយនៅពេលក្រោយ៕
