Views: 9
ដោយៈយោធិនកំពង់ស្ពឺៈ សម្តេចពិជ័យសេនាទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិនាព្រឹកថ្ងៃទី៧ ខែតុលា ឆ្នាំ២០២២ បានអញ្ជើញជាអធិបភាពក្នុងពិធីបិទវគ្គហ្វឹកហ្វឺនជំនាញបោសសម្អាតមីនមនុស្សធម៌ ផ្ទេរប្រគល់មធ្យោបាយសម្ភារៈបោសសម្អាតមីន និងបើកវគ្គហ្វឹកហ្វឺនស្ពានបណ្តែតទឹកដល់កងកម្លាំងមួកខៀវសម្រាប់បេសកកម្មនៅសាធារណរដ្ឋអាហ្វ្រិកកណ្តាល។
រូបថត ( សម្តេចពិជ័យសេនាទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ )
ថ្លែងក្នុងពិធីវគ្គហ្វឹកហ្វឺនជំនាញបោសសម្អាតមីនមនុស្សធម៌ ផ្ទេរប្រគល់មធ្យោបាយសម្ភារៈបោសសម្អាតមីន និងបើកវគ្គហ្វឹកហ្វឺនស្ពានបណ្តែតទឹកដល់កងយោធាមួកខៀវដែលដំណើរការប្រារព្ធធ្វើឡើងនៅសាលាហ្វឹកហ្វឺនកងកម្លាំងរក្សាសន្តិភាពពហុជាតិដែលហៅកាត់ថាPKO នាយឧត្តមសេនីយ៍សែម សុវណ្ណនី អនុប្រធានគណៈកម្មាធិការជាតិ អនុប្រធានទី២ អាជ្ញាធរមីន និងជាអគ្គនាយកមជ្ឈមណ្ឌលជាតិរក្សាសន្តិភាព (NPMEC)បានបញ្ជាក់ថាៈពិធីវគ្គហ្វឹកហ្វឺនជំនាញបោសសម្អាតមីនមនុស្សធម៌ ផ្ទេរប្រគល់មធ្យោបាយសម្ភារៈបោសសម្អាតមីន និងបើកវគ្គហ្វឹកហ្វឺនស្ពានបណ្តែតទឹកឲ្យដល់កងអនុសេនាតូចបោសសម្អាតមីនចំនួន៩កងចំណុះបញ្ជាការដ្ឋានកងទ័ពជើងគោកនៃកងយោធពលខេមរភូមិន្ទនិងពិធីបើកវគ្គហ្វឹកហ្វឺនជំនាញស្ពានបណ្តែតទឹក គឺជាព្រឹត្តិការណ៍ប្រវត្តិសាស្ត្រដែលមជ្ឈមណ្ឌលជាតិរក្សាសន្តិភាពបានរៀបចំធ្វើឡើងក្នុងពេលតែមួយ សំដៅដល់ការពង្រឹងសមត្ថភាពកងយោធពលខេមរភូមិន្ទសម្រាប់បោសសម្អាតមីនមនុស្សធម៌ក្នុងប្រទេស និងដើម្បីលើកកម្ពស់សមត្ថភាពកងកម្លាំងរក្សាសន្តិភាពលើជំនាញស្ពានបណ្តែតទឹកសម្រាប់បេសកកម្ម MINUSCA នៅសាធារណរដ្ឋអាហ្វ្រិកកណ្តាល។
នាយឧត្តមសេនីយ៍សែម សុវណ្ណនី អនុប្រធានគណៈកម្មាធិការជាតិ អនុប្រធានទី២ អាជ្ញាធរមីន និងជាអគ្គនាយកមជ្ឈមណ្ឌលជាតិរក្សាសន្តិភាពក៏បានថ្លែងបញ្ជាក់បន្ថែមថាៈគិតចាប់ពីពេលចូលរួមបេសកកម្មពីឆ្នាំ២០០៦ដល់បច្ចុប្បន្ន កម្ពុជាបានបញ្ជូនកងកម្លាំងទៅចូលរួមបេសកកម្មអង្គការសហប្រជាជាតិសារុបចំនួន៨.៣០២នាក់ ក្នុងចំណោមនោះនារីចំនួន៥៨០នាក់ ទៅកាន់បេសកកម្មចំនួន១១ក្នុងប្រទេសចំនួន៩ រួមមានៈ ស៊ូដង់ ស៊ូដង់ខាងត្បូង ឆាត លីបង់ សាយប្រឺស ស៊ីរី ម៉ាលី អាហ្វ្រិកកណ្តាល និងយេម៉ែន។
បច្ចុប្បន្នកម្លាំងរក្សាសន្តិភាពកម្ពុជាចំនួន៨០១នាក់
ក្នុងនោះនារី១១៨នាក់ បាននិងកំពុងបំពេញបេសកកម្មនៅសាធារណរដ្ឋស៊ូដង់ខាងត្បូង លីបង់ ម៉ាលី និងអាហ្វ្រិកកណ្តាល។
ប្រមុខកងយោធាមួកខៀវកម្ពុជាក៏បានវញ្ជាក់បន្ថែមថាៈ វគ្គហ្វឹកហ្វឺនជំនាញបោសសម្អាតមីនមនុស្សធម៌បានចាប់ផ្តើមពីថ្ងៃទី១ ខែសីហា ឆ្នាំ២០២២ ថោយមានសិក្ខាកាមចំបួន៩កង កម្លាំងសារុបចំនួន២៣៤នាក់។
ថ្លែងក្នុងពិធីបិទវគ្គសម្តេចពិជ័យសេនាទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានបញ្ជាក់ថាៈពិធីវគ្គហ្វឹកហ្វឺនជំនាញបោសសម្អាតមីនមនុស្សធម៌ ពិតជាមាបសារៈសំខាន់ណាស់ក្នុងការអនុវត្តនូវឆន្ទៈប្តេជ្ញាចិត្តរបស់រាជរដ្ឋាភិបាលក្នុងការបន្តយកចិត្តទុកដាក់ដោះស្រាយបញ្ហាដឺលបង្កឡើងដោយសារមីន និងកាកសំណល់ជាតិផ្ទុះពីសង្គ្រាម តាមគោលដៅអភិវឌ្ឍប្រកបដោយចីរភាពកម្ពុជា “២០១៦-២០៣០”, ផែនការយុទ្ធសាស្ត្រអភិវឌ្ឍជាតិ “២០១៩-២០២៣”យុទ្ធសាស្ត្រចតុកោណដំណាក់កាលទី៤ “២០១៨-២០២៣”និងផែនការយុទ្ធសាស្ត្រជាតិសកម្មភាពមីន “២០១៨-២០២៥”។
សម្តេចពិជ័យសេនាទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិក៏បានថ្លែងអំណរគុណយ៉ាងជ្រាលជ្រៅចំពោះសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក្នុងការផ្តល់ថវិកាដែលទទួលបានពីសប្បុរសជននានា សម្រាប់បរិច្ចាគចូលរួមយុទ្ធនាការបោសសម្អាតមីននៅកម្ពុជា ជូនមជ្ឈមណ្ឌលជាតិធ្វើការហ្វឹកហ្វឺនជំនាញបោសសម្អាតមីនមនុស្សធម៌ ផ្តល់សម្ភារៈបោសសម្អាតមីនជូនកងអនុសេនាតូចបោសសម្អាតមីនចំនួន៩កង ចំណុះបញ្ជាការដ្ឋានកងទ័ពជើងគោក។ N
