Views: 5
ដោយៈ សុវណ្ណកុម្ភៈ / ភ្នំពេញៈ អ្នកប្រដាល់ជើងខ្លាំងជនជាតិអង់គ្លេស Thomas Carpenter ត្រូវអ្នកប្រដាល់គុនខ្មែរ ព្រំ សំណាង ផ្ដួលបាននៅក្នុងទឹកទី១ ដោយប្រើ ពេលស្ទើរតែមិនដល់ ២ នាទីផង ។ ការប្រកួតនាយប់ថ្ងៃទី៥ កុម្ភៈ ២០២៣ លើសង្វៀន Thai Fight នាប្រទេសថៃ ដោយប្រកួតក្នុងប្រភេទទម្ងន់ ៧៨ គីឡូក្រាម សំណាង វ៉ៃបានល្អឥតខ្ចោះ ទោះបីនេះជាការប្រកួតក្រៅទឹកដី ក៏ដោយ។
ខ្លាចាស់ ព្រំ សំណាង ជាអ្នកប្រដាល់មួយរូប ដែលតែងតែប្រើជង្គង់ ឬ កែង ដើម្បីផ្ដួលគូ ប្រកួត។ ក្នុងការប្រកួត យប់មិញនេះ ម្ចាស់មេដាយសំរិទ្ធស៊ីហ្គេមរូបនេះ ប្រើជង្គង់ អុកចំ ចុងដង្ហើម Thomas Carpenter ឲ្យសន្លប់មុនស្នូរជួងបញ្ចប់ទឹកទី១ តែម្ដង។
សូមបញ្ជាក់ថា អ្នកប្រដាល់អង់គ្លេស Thomas រូបនេះ អាយុក្មេងជាង ព្រំ សំណាង ១០ ឆ្នាំ ឯណោះ គេធ្លាប់ដណ្ដើមបានខ្សែក្រវាត់ ក្នុងព្រឹត្តិការណ៍អន្តរជាតិធំៗ ជាច្រើន ដូចជា IBF និង MAX Muay Thai ជាដើម។
នេះជាអ្នកប្រដាល់កម្ពុជា ទី២ ហើយ ដែលបានសាងកេរ្តិ៍ឈ្មោះ លើសង្វៀន Thai Fight ដែលជើងខ្លាំងដំបូងគេ គឺ ធឿន ធារ៉ា ផ្ដួលកំពូលអ្នកប្រដាល់ថៃ Saiyok Pumphanmuang នៅមុនស្នូរជួង បញ្ចប់ទឹកទី១ ដូចគ្នា៕/V/R
