Views: 5
ដោយៈ ទេពកង្រី/កំពង់ឆ្នាំងៈ លោក ឡុង ឈុនឡៃ អនុប្រធានគណៈកម្មាធិការគណបក្សប្រជាជនកម្ពុជាខេត្តកំពង់ឆ្នាំង និងជាប្រធានគណៈប្រចាំគណបក្សប្រជាជនកម្ពុជាខេត្ត និងព្រះគ្រូ ឆន ឆុង ចៅអធិការវត្តទេពធីតារាម ហៅវត្តយាយទេព នៅរសៀលថ្ងៃទី៦ ខែធ្នូ ឆ្នាំ២០២២ បានអញ្ជើញ និង និមន្តចុះសាកសួរសុខទុក្ខ ដោយ នាំយកទេយ្យទាន និង អំណោយចែកជូនប្រជាពលរដ្ឋ ១០ គ្រួសារនៅក្នុងភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំងដែលររង គ្រោះដោយភ្លើងឆេះផ្ទះកាលពីយប់ថ្ងៃទី៥ ខែធ្នូ ឆ្នាំ២០២២ កន្លងទៅ។
មានប្រសាសន៍ក្នុងឱកាសនោះ លោកឡុង ឈុនឡៃ បានពាំនាំនូវប្រសាសន៍ចូលរួមការសោកស្តាយនិងផ្តាំផ្ញើការ
សាកសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និង ជានាយករដ្ឋមន្ត្រីនៃព្រះរាជាណាចក្រកម្ពុជា ដែលកន្លងមកសម្តេចតែងតែគិតគូរពីសុខទុក្ខប្រជាពលរដ្ឋរងគ្រោះគ្រប់ទីកន្លែងដោយមិនប្រកាន់ពូជសាសន៍ និង និន្នាការនយោបាយឡើយ។
អំណោយដែលនាំយកទៅចែកជូននាពេលនោះរួមមានអង្ករ ៥០គីឡូ មី ចានឆ្នាំង ទឹកសុទ្ធ ភេសជ្ជៈ សំភារៈផ្សេងៗ និងថវិកាមួយចំនួនផងដែរ៕/R