Views: 3
ប្រែសម្រួលៈបំណង(វ៉េអ៊ិនអិចស្ព្រេស)៖ ពពកចម្លែក ដែលផ្តុំគ្នាបង្កើតបានជារាងថាសហោះបានបង្ហាញខ្លួននៅលើកំពូលភ្នំមួយនៅក្នុងខេត្តតៃនិញ(Tay Ninh)ភាគខាងត្បូងវៀតណាមកាលពីថ្ងៃព្រហស្បតិ៍។រូបភាពកម្រឃើញនេះត្រូវបានថតចែករំលែក្នុងបណ្តាញសង្គមកាលពីម្សិលមិញ។
ដូ វិញ ក្វាន(Do Vinh Quan)អ្នកស្រុកនៅតៃនិញ បាននិយាយថាលោកបានថតរូបពពកនេះនៅម៉ោងប្រមាណ៦ព្រឹកពេលលោកកំពុងធ្វើដំណើរទៅធ្វើការ។លោកថាលោកមានការភ្ញាក់ផ្អើលដែលពពករាងថាសហោះនេះបានស្ថិតនេះទីនោះតាំងពីម៉ោង៥ល្ងាចថ្ងៃពុធ តែវាមិនទាន់ចេញរូបរាងច្បាស់ដូចព្រឹកថ្ងៃព្រហស្បតិ៍ទេ។
ទោះជាយ៉ាងណា ក្វានបាននិយាយថា ពពកប្រភេទនេះត្រូវបានប្រទះឃើញញឹកញយនៅក្នុងតំបន់នេះ។លោកថាកាលពីជាងមួយឆ្នាំមុន«ខ្ញុំក៏បានថតរូបភាពភ្នំពាក់ដួន(មួក)ដូចនេះដែរ តែនេះជាលើកដំបូងដែលពពករាងមួកដួនឬថាសហោះធំបែបនេះ»។
ង្វៀន ហ្សិញ គ្វី(Nguyen Dinh Quy) អាយុ២៥ឆ្នាំបាននិយាយថា គេអាចឃើញពពករាងបែបនេះរហូតដល់ចុងឆ្នាំ ក្នុងអំឡុងខែមានភ្លៀង។កាលពីខែសីហាគាត់ក៏បានថតបង្ហោះពពករាងបែបនេះម្តងដែរ។
ពពកចម្លែករាងថាសហោះ ឬមួកដួន ករកើតនៅលើកំពូលភ្នំបាដេន នៅក្នុងខេត្តតៃនិញកាលពីខែសីហាឆ្នាំ២០២២
ពួកអ្នកវិទ្យាសាស្ត្របាននិយាយថា ពពកដូច្នេះតែងកកើតនៅលើកំពូលភ្នំខ្ពស់ៗ។សំណើមនិងខ្យល់បក់ថេរតាមចង្កេះភ្នំ គួបផ្សំនឹងសីតុណ្ហភាពចុះក្រោមទឹកសន្សើម បង្កើតពពកគ្របលើកំពូលភ្នំដូច្នេះ៕