Views: 5
ដោយ៖ សុវណ្ណកុម្ភៈ / ភ្នំពេញ៖ ព្រឹត្តិការណ៍ប្រដាល់គុនខ្មែរ ដណ្ដើមពានរង្វាន់ សម្ដេចពិជ័យសេនា ទៀ បាញ់ ទម្ងន់ ៦០ គីឡូក្រាម លើសង្វៀន TV5 នៅថ្ងៃទី៩ តុលា ខាងមុខនេះ គឺជាគូដែលគេអន្ទះសារចង់ទស្សនាបំផុត។
អ្នកប្រដាល់ដែលមានរហស្សនាមថា កូនរាហ៊ូមាស ឈុត សេរីវ៉ាន់ថង ក្លិបរាហ៊ូកីឡាខេត្តបាតដំបង ជួបជាមួយ វ៉ាន់ វឿន ក្លិបឃ្លាំងមឿងកីឡា ។ នេះជាការប្រកួតសម្រាប់ពូល B។
ជាបណ្ដោះអាសន្ន សេរីវ៉ាន់ថង កំពុងតែស្ថិតនៅលើកំពូលតារាង បន្ទាប់ពីការប្រកួតលើកទី១ របស់គេៗ បានប្រើកណ្ដាប់ដៃ ផ្ដួល រិនដេវីដ ក្លិបនាគរាជចតុមុខ ឲ្យសន្លប់មុនស្នូរជួង
បញ្ចប់ទឹកទី១ ។ ចំណែក វ៉ាន់វឿន ក្នុងការប្រកួតលើកទី១ របស់គេៗបានយកឈ្នះអ្នកប្រដាល់
សៀវ ង៉ុយ ក្លិបអភិរក្សគុនខ្មែររុងរឿង ដោយពិន្ទុនោះ ។
រវាងអ្នកប្រដាល់ទាំង ២ រូបនេះ វ៉ាន់ វឿន មានខ្សែជីវិតលើសង្វៀនចាស់វស្សា ជាង វ៉ាន់ថងតែ វ៉ាន់ថង ដែលកើតក្នុងត្រកូលអ្នកប្រដាល់នោះ គេហាក់ដូចជាឆាប់ទទួលបាន នូវភាពល្បីល្បាញ បន្ទាប់ពីគេបានផ្ដួល អ្នកប្រដាល់ចាស់វស្សា ជាច្រើនរូបមកនោះ ។ ពួកគេសុទ្ធតែ ត្រូវការឈ្នះដូចគ្នា តែនរណាឈ្នះ នរណាចាញ់ មិនអាចទស្សទាយបានមុននោះឡើយ។ តែសម្រាប់គូនេះរវាងអ្នកឈ្នះនិងអ្នកចាញ់ប្រាកដជាទ្រមខ្លួនដូចគ្នា។
ប្រកួតក្នុងព្រឹត្តិការណ៍នេះដែរ អ្នកប្រដាល់ រិន ដេវីត ក្លិបនាគរាជចតុមុខ ជួបជាមួយ សៀវង៉ុយ ក្លិបអភិរក្សគុនខ្មែររុងរឿង។ អ្នកប្រដាល់ទាំង ២ រូបនេះ សុទ្ធតែចាញ់ដូចគ្នា នៅក្នុងការប្រកួតលើកទី១ របស់គេ ហើយការប្រកួតលើកទី២នេះ ពិតជាសំខាន់ណាស់ សម្រាប់ពួកគេទាំង២ ព្រោះត្រូវកាឈ្នះដើម្បីស្ដារពិន្ទុមកវិញដូចគ្នា។
សៀវ ង៉ុយ ជាអ្នកប្រដាល់ចាស់វស្សាមួយរូប ដែលគេវ៉ៃតាំងពីសម័យលោក អេ ភូថងឯណោះ តែកាលនោះ គេនៅវ័យក្មេង តែពេលនេះ គេមានវ័យច្រើនហើយ។ ទោះបីគេមាន ល្បិចយ៉ាងណា ក៏ទំនងជាលំបាកជាមួយ រិន ដេវីដ ហើយ ព្រោះមួយជាខ្លាចាស់ ឯមួយទៀត ជាខ្លាស្ទាវ៕ V / N