Views: 10
ដោយ : ប.ជ័យ / បន្ទាយមានជ័យ:នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិ នាថ្ងៃទី០៤ដល់០៥ ខែកញ្ញា ឆ្នាំ២០២២នេះ អមដំណើរ ដោយអាជ្ញាធរស្រុក ខេត្តជាច្រើនរូប បានចុះពិនិត្យស្ថានភាពទឹក និងនាំយកអំណោយទៅចែកជូនដល់ពលរដ្ឋកំពុងរងគ្រោះដោយសារទឹកជំនន់ នៅស្រុកព្រះនេត្រព្រះនិងស្រុកភ្នំស្រុក.និងចំនួន ១៦៨គ្រួសារ លើ៣ឃុំ នៅស្រុកមង្គលបូរី ។
អំណោយទាំងនោះត្រូវបាននាំយកទៅចែកផ្ទាល់ជូនប្រជាពលរដ្ឋរងគ្រោះដោយទឹកជំនន់នៅស្រុកព្រះនេត្រព្រះ មកពី៨ភូមិក្នុងឃុំភ្នំលៀប និងពលរដ្ឋរងគ្រោះ៦ភូមិ ក្នុងឃុំស្ពានស្រែង ស្រុកភ្នំស្រុកចំនួន និង មួយចំនួនទៀតនៅស្រុកមង្គលបូរី ។
ពលរដ្ឋទាំងនេះ ជាពលរដ្ឋក្រីក្រ ជនងាយរងគ្រោះ ចាស់ជរានិងស្ត្រីមានផ្ទះពោះ ដែលរងផលប៉ះពាល់ដោយសារគ្រោះទឹកជំនន់ខ្លាំង។
អំណោយដែលទទួលបានមាន ឃីត១ មានសំភារៈដូចជាៈ១-ត្រីខកំប៉ុង មី ទឹកត្រី ទឹកស៊ីអ៊ីវ អង្ករ ទឹកសុទ្ធ សារ៉ុង និង ថវិការមួយចំនួនទៀត ។
លោកឧបនាយករដ្ឋមន្ត្រី កែ គឹមយ៉ាន ក៏បានថ្លែងនូវការកោតសរសើរ និង វាយតម្លៃខ្ពស់ ចំពោះកងកម្លាំងនគរបាល កងរាជអាវុធហត្ថ យោធា និងអាជ្ញាធរពាក់ពន្ធ័ ទូទាំងខេត្តបន្ទាយមានជ័័យ ដែលតែងតែយកចិត្តទុកដាក់ បំពេញ តួរនាទី ភារកិច្ចការងារស្នូល ការងារសង្គម និងការជួយសង្គ្រោះពលរដ្ឋរងគ្រោះដោយទឹកជំនន់ ជម្លៀសពលរដ្ឋទៅកាន់ទីទួលមានសុវត្ថិភាព ប្រកបដោយស្មារតីទទួលខុសត្រូវ ៕ N