Views: 3
ប្រែសម្រួលៈបំណង,កញ្ញាដាលីស(វ៉េអិនអិចស្ព្រេស)៖ ការអង្កេតមួយបានរកឃើញថា វៀតណាមជាប្រទេសនាំមុខគេនៅអាស៊ីអាគ្នេយ៍ខាងដំឡើងប្រាក់ខែសំរាប់ឆ្នាំ២០២២-២០២៣នេះ នៅពេលក្រុមហ៊ុនស្ថាប័នជំនួយនានាកំពុងព្យាយាមរក្សាទុកបុគ្គលិកកម្មករចំពេលមានការព្យាករណ៍អំពីអតិផរណា។
ការអង្កេតរបស់ក្រុមហ៊ុនអាជីពអាអូន(Aon) បាននិយាយថាការដំឡើងប្រាក់ខែជាមធ្យមនៅវៀតណាមសំរាប់ឆ្នាំនេះស្មើ៧,៩ភាគរយ។បន្ទាប់មកឥណ្ឌូនេស៊ី៦,៨ភាគរយ ហ្វីលីពីន៦ភាគរយ ហើយថៃនិងម៉ាឡេស៊ីចំនួន៥,១ភាគរយ។
សិង្ហបុរីនៅក្រោមគេ ដំឡើងបានត្រឹមតែ៤,៧ភាគរយ។
កម្មករនៅរោងចក្រកាត់ដេរមួយនៅក្រុងហូជីមិញ
តារាងបង្ហាញកំណើនប្រាក់ខែសំរាប់ឆ្នាំ២០២២ និង២០២៣
កាលពីថ្ងៃអង្គារទី១០មករាការិយាល័យស្ថិតិទូទៅបាននិយាយថា ប្រាក់ចំណូលប្រចាំខែរបស់មនុស្សនៅក្នុងវិស័យការងារជាមធ្យមមានចំនួន ៦,៧ លានដុង (២៨៣,៨ ដុល្លារអាម៉េរិក) កាលពីឆ្នាំមុន គឺកើនឡើង ១៦ ភាគរយធៀបនឹងឆ្នាំ ២០២១។
ប្រាក់ចំណូលបានកើនឡើងនៅគ្រប់វិស័យ ខណៈកំណើនគឺផ្អែកលើវិស័យទូលំទូលាយ។
កំណើនដ៏ធំបំផុតគឺ ១៧,៦ ភាគរយ និង ស្មើនឹងជាង ១,១ លានដុង គឺនៅក្នុងវិស័យឧស្សាហកម្មនិងសំណង់។
វាត្រូវបានតាមពីក្រោយដោយវិស័យសេវាកម្ម (១៥,៤%, ១ លានដុង) ហើយបន្ទាប់មកគឺកសិកម្ម ព្រៃឈើ នេសាទ (៩,៨%, ៤៤៨.០០០ ដុង)។
បុគ្គលិកស៊ីប្រាក់ខែទទួលបានជាមធ្យម ៧,៥ លានដុង គឺកើនឡើង ១៥,១ ភាគរយនិងស្មើនឹង ៩៩២.០០០ ដុង។
បុគ្គលិកប្រុសជាមធ្យមទទួលបាន ៨ លានដុង ខ្ពស់ជាងសហសេវិកជាស្ត្រីរបស់ពួកគេ ១៤ ភាគរយ។
និយោជិតនៅតំបន់ទីក្រុងរកបាន ៨,៤ លានដុង ខ្ពស់អ្នកជនបទដែលមានប្រាក់ចំណូលជាមធ្យម ៦,៩ លានដុង ២៣ ភាគរយ។
កាលពីឆ្នាំមុន ចំនួនអ្នកអត់ការងារធ្វើក្នុងវ័យការងារមានជិត ១,០៧ លាននាក់ ថយចុះជាង ៣៥៩.០០០ នាក់ពីឆ្នាំ ២០២១ សម្រាប់អត្រាគ្មានការងារធ្វើ ២,៣២ ភាគរយ។
មានការកើនឡើងយ៉ាងខ្លាំងនៃចំនួនកម្មករអត់ការងារធ្វើនិងបញ្ឈប់ពីការងារនៅប៉ុន្មានខែចុងក្រោយនៃឆ្នាំ ២០២២ ដោយសាររោងចក្រជាច្រើន ជាពិសេសនៅក្នុងឧស្សាហកម្មកាត់ដេរនិងវាយនភណ្ឌ ស្បែកជើង និងកែច្នៃឈើ មិនមានការបញ្ជាទិញដោយសារតែការធ្លាក់ចុះនៃសេដ្ឋកិច្ចពិភពលោក និងអតិផរណាខ្ពស់។
ការិយាល័យបាននិយាយថា ស្ថានភាពនេះអាចបន្តរហូតដល់ត្រីមាសទីមួយនិងសូម្បីដើមត្រីមាសទីពីរនៃឆ្នាំនេះ៕