Views: 1
ប្រែសម្រួល : កញ្ញាដាលីស (ដេល្លីម៉េល) ៖ លោក លីនដ្រូ ឡូ (Leandro Lo) ជាអ្នកប្រយុទ្ធជឺជីតស៊ូ (Jiu-jitsu) ដ៏ឆ្នើមបំផុតនៅក្នុងប្រវត្តិសាស្ត្រកីឡានេះត្រូវបានសម្លាប់កាលពីព្រឹកថ្ងៃអាទិត្យទី៧សីហា បន្ទាប់ពីមន្ត្រីប៉ូលិសម្នាក់បានចោទប្រកាន់ថាបានបាញ់គាត់ចំក្បាល។ គាត់មានអាយុ ៣៣ ឆ្នាំ។ មន្ត្រីប៉ូលិសឥឡូវនេះកំពុងស្ថិតក្នុងការឃុំខ្លួននេះបើយោងតាមរបាយការណ៍ក្នុងស្រុក។
លោកឡូកំពុងចូលរួមការប្រគុំតន្ត្រីក្នុងទីក្រុងសៅប៉ូឡូ (Sao Paulo) ប្រទេសប្រេស៊ីល ពេលសាក្សីនិយាយថា មន្ត្រីប៉ូលិសឈ្មោះ ហិនរីក អូតាវីយ៉ូ អូលីវីរ៉ា វេឡូហ្សូ (Henrique Otávio Oliveira Velozo) បានចាប់យកដបទឹកពីតុរបស់ឡូ។ ឡូបានបោកប៉ូលិសឈ្មោះវេឡូហ្សូទៅដី ហើយចាប់ក្លេប៉ូលិសនោះជាប់នៅនឹងដី។ ក្រោយពីបំបែកចេញពីគ្នា លោកវេឡូហ្សូបានដកកាំភ្លើងបាញ់លោកឡូចំថ្ងាស។ លោកឡូត្រូវបានប្រកាសថាស្លាប់ខួរក្បាលនៅមន្ទីរពេទ្យ Dr. Arthur Ribeiro de Saboya នៅប៉ុន្មានម៉ោងក្រោយមក នេះបើយោងតាមមេធាវីរបស់គាត់។
លោកឡូគឺជាអ្នកប្រយុទ្ធឆ្នើមបំផុតម្នាក់នៅក្នុងប្រវត្តិសាស្ត្រកីឡាចំបាប់ជឺជីតស៊ូ ហើយកំពុងឈានដល់ដំណាក់កាលខ្លាំងក្លានៅក្នុងអាជីពរបស់គាត់។ គាត់បានឈ្នះជើងឯកពិភពលោក IBJJF ចំនួនប្រាំបីចាប់តាំងពីឆ្នាំ ២០១២ រួមទាំងខ្សែក្រវាត់ទម្ងន់ធ្ងន់ស្រាលនៅរដ្ឋកាលីហ្វ័រញ៉ាកាលពីដើមឆ្នាំនេះ។ គាត់ក៏បានឈ្នះពានរង្វាន់ចំនួន ២១ ផ្សេងៗគ្នាក្នុងការសម្តែងផ្សេងៗគ្នាជុំវិញពិភពលោកផងដែរ។
គួរបញ្ជាក់ថា គិតក្នុងឆ្នាំ២០១៨ តែឯង មនុស្ស ៦.២២០ នាក់ត្រូវបានសម្លាប់ដោយប៉ូលិសក្នុងប្រទេសប្រេស៊ីល នេះបើយោងតាមអង្គការឃ្លាំមើលសិទ្ធិមនុស្ស៕
វីរបុរសកីឡាចំបាប់ជឺជីតស៊ូរបស់ប្រេស៊ីល លោក លីនដ្រូ ឡូ
