Views: 10
ប្រែសម្រួលៈបំណង(ប៊ីប៊ីស៊ី)៖ ទស្សននាវដ្តីTime Magazineរបស់អាម៉េរិកបានចាត់ទុកប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី ជា«ព្រលឹងរបស់អ៊ុយក្រែន»និងតែងតាំងលោកជា«បុគ្គលឆ្នើមប្រចាំឆ្នាំ២០២២»របស់ខ្លួន។
សូមបញ្ជាក់ថា គោរមងារនេះត្រូវបានផ្តល់សំរាប់ព្រឹត្តិការណ៍ឬបុគ្គលណាមួយដែលត្រូវបានគេគិតថាមានឥទ្ធិពលបំផុតនៅលើព្រឹត្តិការណ៍ពិភពលោកនានា នៅរយៈពេល១២ខែមកនេះ។បេក្ខជនដទៃទៀតរួមមានក្រុមអ្នកតវ៉ាប្រឆាំងនៅអ៊ីរ៉ង់ មេដឹកនាំចិនស៊ី ជីនភីងនិងតុលាការកំពូលអាម៉េរិក។
អ្នកនិពន្ធទស្សនាវដ្តីនេះបាននិយាយថា ការសំរេចចិត្តនេះ«ច្បាស់លាស់បំផុតក្នុងខួរក្បាល»។
លោកអេដវឺដ ហ្វេលសេនថាល(Edward Felsenthal)បានសេរសេរថា«នៅក្នុងពិភពលោកមួយកំណត់ដោយការបែកបាក់របស់វា មានការមករួបរួមគ្នាជុំវិញបុព្វហេតុនេះ ជុំវិញប្រទេសនេះ»។
លោកបានបន្ថែមថា «ព្រលឹងអ៊ុយក្រែន»ចង់និយាយដល់ប្រជាជនអ៊ុយក្រែននៅទូទាំងពិភពលោក រួមមានបុគ្គលជាច្រើននាក់ដែលកំពុង«ប្រយុទ្ធនៅពីក្រោឆាក»។វារួមមានប្រជាជនដូចលោក អ៊ីវហ្គេន ក្លូប៉ូតេនកូ(Ievgen Klopotenko) ជាចុងភៅដែលបានផ្តល់ម្ហូបឥតគិតថ្លៃរាប់ពាន់កញ្ចប់ដល់ប្រជាជនអ៊ុយក្រែននិងគ្រូពេទ្យ យូលីយ៉ា ប៉េយេវស្កា(Yuliia Payevska )ដែលត្រូវបានចាប់ខ្លួននិងបន្ទាប់មកត្រូវបានដោះលែងបន្ទាប់ពីនៅក្រោមការឃុំខ្លួនរបស់រុស្ស៊ីអស់បីខែ។
ទស្សនាវដ្តីបាននិយាយថា លោកហ្សេឡេស្គី បានញ៉ាំងទឹកចិត្តប្រជាជនអ៊ុយក្រែននិងត្រូវបានទទួលស្គាល់ជាអន្តរជាតិចំពោះសេចក្តីក្លាហានរបស់លោកក្នុងការតតាំងនឹងការឈ្លានពានរបស់រុស្ស៊ី។«ជោគជ័យរបស់ហ្សេឡេនស្គី ជាមេដឹកនាំសម័យសង្គ្រាមម្នាក់អាស្រ័យលើការពិតដែលថា សេចក្តីក្លាហានរបស់លោកប្រៀបបាននឹងជំងឺឆ្លង»។
គ្រូពេទ្យសញ្ជាតិអង់គ្លេសលោកដាវីដ ណុត(David Nott)ដែលបានទៅជួយព្យាបាលអ្នករងរបួសនៅអ៊ុយក្រែនក៏មានមុខលើក្រមទស្សនាវដ្តីជាមួយបុគ្គលមួយចំនួនទៀតផងដែរ។
ស្ត្រីនៅអ៊ីរ៉ង់ត្រូវបានតែងតាំងជាជាវីរនារីប្រចាំឆ្នាំ២០២២របស់ទស្សនាវដ្តីTimeនិងក្រុមតន្ត្រីខេផប់ Blackpinkជាប់ជាក្រុមសម្តែងឆ្នើមប្រចាំឆ្នាំរបស់ទស្សនាវដ្តីនេះផងដែរ។កីឡាករបាល់ឳបអាម៉េរិកលោក អារ៉ុន ចាត់ជ៍(Aaron Judge)ជាអត្តពលិកប្រចាំឆ្នាំនិងសិល្បការិនីម៉ាឡេស៊ីលោកស្រី មីសែល យែវ(Michelle Yeoh)ជាអ្នកសិល្បៈនិមិត្តរូបប្រចាំឆ្នាំ។
រំលឹកថា លោកអ៊ីឡុន ម៉ាស(Elon Musk)ដែលបានទទួលងារជាបុគ្គលឆ្នើមប្រចាំឆ្នាំមុន ក៏ជាប់ក្នុងបញ្ជីបេក្ខជនចុងក្រោយសំរាប់ឆ្នាំនេះផងដែរ។អ្នកឈ្នះតំណែងនេះមុនៗរួមមាន អាដុលហ្វ៍ អ៊ីត្លែរ( Adolf Hitler)នៅឆ្នាំ១៩៣៨ ប្រធានាធិបតីរុស្ស៊ីវ្ល៉ាឌីមៀ ពូទីន ឆ្នាំ២០០៧ ចូ បៃដិននិងកាម៉ាឡា ហារីស(២០២០) សកម្មជនបរិស្ថានវ័យក្មេងហ្គ្រេតា ថាន់ប៊ឺក(Greta Thunberg)ឆ្នាំ២០១៩សារព័ត៌មានThe Guardians(២០១៨) ក្រុមចលនាស្ត្រី#MeToo(២០១៧) ដូណាល់ ត្រាំ(២០១៦) មេដឹកនាំអាល្លឺម៉ង់លោកស្រី អង់ហ្គេឡា មឺគែល(Angela Merkel)ឆ្នាំ២០១៥…៕
