Views: 10
ប្រែសម្រួល : កញ្ញាដាលីស (ប៊ីប៊ីស៊ី) ៖ ក្រុមញញួរធំ West Ham បានចុះហត្ថលេខាទិញខ្សែការពារសញ្ជាតិអាល្លឺម៉ង់ ធីឡូ កេរ៉ឺ (Thilo Kehrer) ពីក្លិប Paris St-Germainក្នុងកិច្ចសន្យារយៈពេលបួនឆ្នាំ។
កេរ៉ឺ វ័យ ២៥ ឆ្នាំបានបង្ហាញខ្លួន ១២៨ ដងក្នុងរយៈពេលបួនឆ្នាំនៅ PSG ចាប់តាំងពីចូលរួមពី Schalke ក្នុងតម្លៃ ៣៣ លានផោន។
រូបគេជាប់ជម្រើសជាតិចំនួន២២លើក ហើយបានចាប់ផ្តើមលេងជម្រើសដំបូងជាប្រចាំសម្រាប់អាល្លឺម៉ង់ក្នុងអំឡុងឆ្នាំកន្លងទៅ។
កេរ៉ឺ ដែលបានចូលរួមក្នុងតម្លៃ ១០,១ លានផោន បាននិយាយថា “នេះគឺជាលីកដ៏ល្អបំផុតនៅក្នុងពិភពលោក ហើយខ្ញុំពិតជារំភើបក្នុងការមកលេងនៅ Premier League”។
“ខ្ញុំបាននិយាយជាមួយអ្នកចាត់ការទូទៅ ហើយគាត់បានប្រាប់ខ្ញុំពីរបៀបដែលគាត់មើលឃើញថាខ្ញុំអាចចូលលេងត្រូវទម្រង់របស់ក្លិប។ គោលដៅធំបំផុតរបស់ខ្ញុំឥឡូវនេះគឺការចូលទៅក្នុងក្រុម រួមបញ្ចូលខ្លួនខ្ញុំនៅក្នុងក្រុម និង រីករាយលេងឱ្យ West Ham”៕
ធីឡូ កេរ៉ឺ ចួលរួមជាមួយ West Ham ក្នុងតម្លៃខ្លួន ១០,១ លានផោន