Views: 2
ប្រែសម្រួល : កញ្ញាដាលីស (ដេល្លីម៉េល) ៖ អង្គការសុខភាពពិភពលោក (WHO)បាននិយាយកាលពីថ្ងៃពុធទី៥តុលាថា ករណីឆ្លងអេបូឡាដែលបានបញ្ជាក់ចំនួន៦៣ត្រូវបានរាយការណ៍នៅក្នុងការផ្ទុះឡើងនៃមេរោគអេបូឡាក្នុងប្រទេសអ៊ូហ្គង់ដា រួមទាំងអ្នកស្លាប់ចំនួន ២៩ នាក់។
ប្រធាន WHOលោក តេត្រូស អាដាណុម ហ្គេប្រេយ៉េស៊ូស សម្តែងការសោកស្ដាយថា ការផ្ទុះមេរោគអេបូឡា ដែលបានប្រកាសកាលពីពីរសប្តាហ៍មុនកំពុងដាក់បន្ទុកយ៉ាងធ្ងន់ធ្ងរដល់បុគ្គលិកសុខាភិបាលក៏ដូចជាអ្នកជំងឺ។
មេរោគអេបូឡាមានពូជចំនួនប្រាំមួយប្រភេទ ហើយប្រភេទដែលកំពុងចរាចរក្នុងប្រទេសអ៊ូហ្គង់ដា គឺមេរោគអេបូឡាស៊ូដង់ (Sudan ebolavirus) ដែលបច្ចុប្បន្នមិនមានវ៉ាក់សាំងទេ។
លោកតេត្រូសបានប្រាប់សន្និសីទសារព័ត៌មាននៅទីក្រុងហ្សឺណែវថា “រហូតមកទល់ពេលនេះ ករណីដែលបានបញ្ជាក់និងប្រហែលចំនួន ៦៣ ត្រូវបានរាយការណ៍ រួមទាំងអ្នកស្លាប់ចំនួន ២៩ នាក់”។
“បុគ្គលិកសុខាភិបាល ១០ នាក់បានឆ្លងមេរោគ និង៤ នាក់បានស្លាប់។ មនុស្ស ៤ នាក់បានជាសះស្បើយហើយកំពុងទទួលបានការថែទាំជាបន្ត”។
រដ្ឋមន្ត្រីសុខាភិបាលរបស់ប្រទេសអាហ្វ្រិកខាងកើតនេះ គឺលោកស្រី ជេន រូត អាសេង អូសេរ៉ូ (Jane Ruth Aceng Ocero) បាននិយាយថា អ្នកជំនាញខាងថ្នាំស្ពឹកអាយុ ៥៨ឆ្នាំបានស្លាប់ដោយសារជំងឺអេបូឡាកាលពីព្រឹកថ្ងៃពុធ បន្ទាប់ពីការស្លាប់របស់វេជ្ជបណ្ឌិតជនជាតិតង់ហ្សានី ជំនួយការផ្នែកសុខភាព និងពេទ្យឆ្មប៕
បុគ្គលិកសុខាភិបាល ១០ នាក់បានឆ្លងមេរោគ និង ៤ នាក់បានស្លាប់
