Cambodia

Arsenal នឹង​ប្រកាស​កិច្ចព្រម ព្រៀង​ថ្មី​យូរអង្វែង​ជាមួយ​កីឡាករ ប៊ូ​កា​យ៉ូ សា​កា

ចែករម្លែក

តាម​ព័ត៌មាន​ថា ក្លឹប Arsenal នឹង​ប្រកាស​ពី​ការសម្រេច​កិច្ចព្រមព្រៀង​រយៈពេល​វែង​ជាមួយ កីឡាករ​វ័យក្មេង ប៊ូ​កា​យ៉ូ សា​កា (Bukayo Saka) នៅ​សប្តាហ៍​នេះ​។​

​កីឡាករ​វ័យ​១៨​ឆ្នាំ​រូបនេះ​បាន​ក្លាយជា​កីឡាករ​ម្នាក់​ក្នុងចំណោម​កីឡាករ​ឆ្នើម​របស់​ក្រុម Arsenal នៅ​រដូវ​កាល​នេះ ដោយ​លេង​បាន​៣៣​លើក​នៅ​គ្រប់​ការប្រកួត​។​

​ស្របពេល​កិច្ចសន្យា​ជិត​នឹង​ផុតកំណត់ លោក មី​គែល អា​តេ​តា (Mikel Arteta) អន្ទះសា​ចង់​រក្សា ទុក​កីឡាករ សា​កា ហើយ​ក្លឹប​កំពុង​ព្យាយាម​សម្រេច​កិច្ចព្រមព្រៀង​មុន​មានការ​ប្រកាស ជា​ផ្លូវការ​។​

​លោក អា​តេ​តា ក៏​កំពុង​ដោះស្រាយ​ភាពមិនប្រាកដប្រជា​ជុំវិញ​អនាគត​របស់​កីឡាករ​កំពូល ព្យែ​រ អេ​មឺ​រិ​ក អូ​បា​ម៉េ​យ៉ាំង (Pierre-Emerick Aubameyang) ផងដែរ ដែល​គ្រោង​នឹង​ចប់​កិច្ច សន្យា​នៅ​រដូវក្តៅ​ឆ្នាំក្រោយ​។​

​ក្លឹប Barcelona និង Inter Milan ចាប់អារម្មណ៍​លើ​ខ្សែប្រយុទ្ធ​រូបនេះ ហើយ​ក្រុម​កាំភ្លើង​ធំ​ស្ទាក់ ស្ទើរ​មិន​ចង់​បាត់បង់​កីឡាករ​រូបនេះ​ដោយ​ឥត​តម្លៃ​ខ្លួន​ក្នុង​រយៈពេល​១២​ខែ​ទៀត​នោះទេ​។ ដោយឡែក​រឿង​កីឡាករ សា​កា លោក អា​តេ​តា បញ្ជាក់ថា លោក​មាន​ទំនុកចិត្ត​លើ​ការ ពន្យារ​កិច្ចព្រមព្រៀង​នេះ​។

​លោក​បាន​និយាយថា “​ខ្ញុំ​រីករាយ​មែនទែន​ជាមួយនឹង​កីឡាករ​វ័យក្មេង​ដែល​យើង​មាន​។ ពួកគេ​គ្រាន់តែ​ត្រូវការ​បរិយាកាស​ត្រឹមត្រូវ​នៅ​ជុំវិញ​ពួកគេ ហើយ សា​កា កំពុងតែ​ធ្វើ​រឿង បែបនេះ ទោះបីជា​ស្ថិតក្នុង​បរិយាកាស​លំបាក​ក៏ដោយ​”៕ ប្រែ​សម្រួល​: ពិសិដ្ឋ​

កីឡាករ ប៊ូ​កា​យ៉ូ សា​កា (Bukayo Saka)

Football news:

Liverpool are close to buying a defender for Olympiakos Tsimikas. Medical check-up-this week
Barcelona intends to sign Bernardo Silva. City can get Semeda
Real are planning to buy Dybala and are ready to include Kroos or ISCO in the deal (Sport Mediaset)
Conte about Inter before the 1/4 Europa League: we Continue to progress, we become stronger
Piontek is Interesting to Fiorentina. Herta wants just over 20 million euros
Barzagli or Grosso will replace Pirlo in Juventus U23
Daudov about Akhmat: I am Sure that the team will Interact better with each new game