Cambodia

ពិព័រណ៍​ពាណិជ្ជកម្ម​មិត្តភាព​កម្ពុជា​-​ឥណ្ឌូនេស៊ី ឆ្នាំ​២០១៩​នៅ​ខេត្តសៀមរាប​

ចែករម្លែក

ដោយ​: គូលែន​
​សៀមរាប​:
ពិព័រណ៍​ពាណិជ្ជកម្ម​មិត្តភាព​កម្ពុជា​-​ឥណ្ឌូនេស៊ី ឆ្នាំ​២០១៩ នៅ​ខេត្តសៀមរាប មាន​រយៈពេល​៣​ថ្ងៃ គឺ​ចាប់ពី​ថ្ងៃទី​១៩ ដល់​ថ្ងៃទី​២១ ខែកក្កដា ដែល​រៀបចំឡើង​ដោយ​ក្រសួងពាណិជ្ជកម្ម នៃ​ព្រះរាជាណាចក្រ​កម្ពុជា និង​ស្ថាន​ឯកអគ្គរដ្ឋទូត​ឥណ្ឌូនេស៊ី ប្រចាំ​នៅ​កម្ពុជា ត្រូវបាន​សម្ពោធ​ដាក់​ឲ្យ​ដំណើរការ​ហើយ​កាលពី​រសៀល​ថ្ងៃទី​១៩ ខែកក្កដា ឆ្នាំ​២០១៩ នៅ​សួន​សាធារណៈ ខាងមុខ​ព្រះរាជដំណាក់ ក្នុង​ក្រុង​សៀមរាប ខេត្តសៀមរាប​។​

​ពិព័រណ៍​ពាណិជ្ជកម្ម​មិត្តភាព​កម្ពុជា​-​ឥណ្ឌូនេស៊ី មានការ​ចូលរួម​ពី​លោក ប៉ាន សូរ​ស័ក្តិ រដ្ឋមន្ត្រីក្រសួង​ពាណិជ្ជកម្ម នៃ​កម្ពុជា , លោកស្រី Ina Hagningtyas Krisnamurthi ទីប្រឹក្សា​ពិសេស​ក្រសួងការបរទេស​ផ្នែក​សេដ្ឋកិច្ច​ការទូត​ឥណ្ឌូនេស៊ី និង លោក ពៅ ពិសិដ្ឋ អភិបាលរង​ខេត្ត ជា​តំណាង​ដ៏​ខ្ពង់ខ្ពស់​លោក ទៀ សីហា អភិបាលខេត្ត​សៀមរាប ។​

​លោក ពៅ ពិសិដ្ឋ អភិបាលរង​ខេត្តសៀមរាប បាន​បញ្ជាក់ថា ពិព័រណ៍​ពាណិជ្ជកម្ម​មិត្តភាព​កម្ពុជា​-​ឥណ្ឌូនេស៊ី ឆ្នាំ​២០១៩ នេះ ជា​ព្រឹត្តិការណ៍​មួយ​ដែល​បង្ហាញ​ពី​ការចូលរួម​សាមគ្គី ចំណង​មេត្រីភាព និង​កិច្ច​សហ​ប្រ​ត្តិ​ប​ត្តិ​ការល្អ ក្នុងនាម​ជា​បងប្អូន​រួម​តំបន់ និង​រួម​ភពផែនដី​។​តាមរយៈ​ព្រឹត្តិការណ៍​ដ៏​មាន​អត្ថន័យ​ថ្លៃថ្លា​នេះ វា​ពិតជា​បានបញ្ជាក់​ឱ្យ ឃើញ​អំពី​សុខសន្តិភាព សុវត្ថិភាព​ពេញ​បរិបូណ៌ និង​ការរីក ចម្រើន​ឥតឈប់ឈរ​របស់​កម្ពុ​ជា ពិសេស​នៅ​ខេត្តសៀមរាប ដែលជា​ខេត្ត​ទេសចរណ៍ ប្រវត្តិសាស្ត្រ ធម្មជាតិ​ដ៏​ល្បីល្បាញ​នៅក្នុង​តំបន់ និង ពិភពលោក ។​

​លោក​បាន​បន្តថា ក្នុង​ឆ្នាំ​២០១៨ កន្លងទៅនេះ ភ្ញៀវទេសចរ​ជាតិ និង​អន្តរជាតិ​ចូលមក​ទស្សនា​ខេត្តសៀមរាប មាន​ចំនួន ៥.៨៤០.៥៦២​នាក់ មានការ​កើន ឡើង ៥,៣៦​ភាគរយ បើ​ប្រៀបធៀប​ទៅនឹង​រយៈពេល​ដូចគ្នា​ក្នុង​ឆ្នាំ​២០១៧ ។​

​លោក ប៉ាន សូរ​ស័ក្តិ រដ្ឋមន្ត្រីក្រសួង​ពាណិជ្ជកម្ម មាន ប្រសាសន៍ថា ឆ្នាំនេះ គឺជា​ឆ្នាំ​ខួប​លើក​ទី ៦០ នៃ​ទំនាក់ទំនង​ការទូត​រវាង​ព្រះរាជាណាចក្រ​កម្ពុជា និង​សាធារណរដ្ឋ​ឥណ្ឌូនេស៊ី ហើយ​រដ្ឋាភិបាល​នៃ​ប្រទេស​ទាំងពីរ បាន​ឯកភាព​រួមគ្នា រៀបចំ​សកម្មភាព និង​ព្រឹត្តិការណ៍​សំខាន់ៗ​ជាច្រើន​ដើម្បី​លើកកម្ពស់​ចំណងមិត្តភាព និង​ពង្រឹង​កិច្ចសហប្រតិបត្តិការ​បន្ថែម​ទៀត ខណៈ​ក្នុង​ឆ្នាំ​២០១៨​កន្លងទៅ ទំហំ​ពាណិជ្ជកម្ម​រវាង​ប្រទេស​ទាំង​២ មានតម្លៃ​ជាង ៥៥៨.៦២ លាន​ដុល្លារ ក្នុងនេះ កម្ពុជា​នាំចូល​មកពី​ឥណ្ឌូនេស៊ី​មាន​ទំហំ​ទឹកប្រាក់​ប្រមាណ ៥២៥.៦​លាន​ដុល្លារ កើនឡើង ៦,៦៩​ភាគរយ និង​នាំចេញ​ទៅកាន់​ឥណ្ឌូនេស៊ី​វិញ មាន​ទំហំ​ទឹកប្រាក់​ប្រមាណ ៣៣ លាន​ដុល្លារ កើនឡើង ១៥.៣៨​ភាគរយ ។​

​លោក​បាន​បន្តថា ផលិតផល​ដែល​កម្ពុជា​នាំចូល​មកពី​ឥណ្ឌូនេស៊ី រួមមាន : ផលិតផល​ថ្នាំជក់ , ប្រេងឥន្ធនៈ​ធម្មជាតិ , ហ្គាស​ធម្មជាតិ , គ្រឿងយន្ត , គ្រឿង ម៉ាស៊ីន , ផលិតផល​ថ្នាំពេទ្យ , ឱសថ , ម្ហូបអាហារ និង​ភេសជ្ជៈ ។​ល​។ ហើយ​កម្ពុជា បាន​នាំ​ផលិតផល​មួយចំនួន​ទៅ​ឥណ្ឌូនេស៊ី​វិញ មានដូចជា ផលិតផល​បំពេញ​ឱ្យ​ការផលិត​សម្លៀកបំពាក់​កាត់ដេរ , ស្បែកជើង , ផលិតផល​ផ្លា​ស្ទីក ផលិតផល​បន្ទាប់បន្សំ​បម្រើឱ្យ​ការផលិត​ផ្សេងៗ​។​ល​។​

​លោក​បាន​បន្តទៀតថា គិត​មក​ត្រឹម​ខែមេសា ឆ្នាំ​២០១៩ ទំហំ​ពាណិជ្ជកម្ម​ទ្វេភាគី​មាន​ចំនួន ១៩៦.២៦ លាន​ដុល្លារ កើនឡើង​១០.៤៨​ភាគរយ បើ ប្រៀបធៀប​រយៈពេល​ដូចគ្នា​ក្នុង​ឆ្នាំ​២០១៨ ដែល​ក្នុងនោះ ឥណ្ឌូនេស៊ី​ចេញ​កើនឡើង ៧,៧៥​ភាគរយ និង​កម្ពុជា​នាំចូល​កើនឡើង ៥៤.១៨​ភាគរយ ហើយ​ភាគី​ទាំងពីរ​បាន​ព្រមព្រៀងគ្នា ស្តីពី​ការចៀសវាង​ការយកពន្ធ​ត្រួតគ្នា ការកសាង​សមត្ថភាព​លើ​វិស័យ​កសិកម្ម និង​សេដ្ឋកិច្ច ។​

ពិព័រណ៍​ពាណិជ្ជកម្ម​មិត្តភាព​កម្ពុជា​-​ឥណ្ឌូនេស៊ី ឆ្នាំ​២០១៩​នៅ​ខេត្តសៀមរាប​៕​គូលែន​

​លោក​រដ្ឋមន្ត្រី​ក្រសួងពាណិជ្ជកម្ម បាន​បន្តទៀតថា ពិព័រណ៍​នេះ គឺជា​ការចូលរួម​សកម្មភាព​ជំរុញ​ពាណិជ្ជកម្ម​រួមគ្នា រវាង​ក្រសួងពាណិជ្ជកម្ម​កម្ពុជា ជាមួយ​ស្ថានទូត​ឥណ្ឌូ​ន​សេ​ស៊ី ហើយ​ស្ថានទូត​ឥណ្ឌូណេស៊ី គ្រោង​នឹង​រៀបចំ​បេសកកម្ម​ពាណិជ្ជកម្ម ដឹកនាំ​ពាណិជ្ជករ​កម្ពុ​ជា ប្រមាណ ៣០​ក្រុមហ៊ុន ទៅ​ចូលរួម​ជំនួប​ស្វែងរក​ដៃគូ​ពាណិជ្ជកម្ម ជាមួយ​ពាណិជ្ជករ​ឥណ្ឌូនេស៊ី និង​ចូលរួម​ពិព័រណ៍​ពាណិជ្ជកម្ម ឆ្នាំ​២០១៩ នៅ​ទីក្រុង​ហ្សា​កាតា នា​ចុងឆ្នាំ​២០១៨​នេះ ពិសេស​ស្ថានទូត នឹង​កៀរគរ​ក្រុមហ៊ុន​មកពី​ឥណ្ឌូនេស៊ី ប្រមាណ ៣០ ក្រុមហ៊ុន ដើម្បី​ចូលរួម​ពិព័រណ៍​ផលិតផល នាំចេញ​-​នាំចូល​កម្ពុជា ឆ្នាំ​២០១៩ ដែល​នឹង​ប្រព្រឹត្តទៅ ចាប់ពី​ថ្ងៃទី​១៥ ដល់​ថ្ងៃទី​១៨ ខែធ្នូ ឆ្នាំ​២០១៩ នៅ​រាជធានី​ភ្នំពេញ​ផងដែរ​៕ ល​

Football news:

Barcelona is demanding compensation from Nike. The company had previously withdrawn the form from stores due to poor quality
Pogba posted a photo with a hairstyle in support of BLM: ✊🏾✊🏾✊🏾✊🏾✊🏾✊🏾✊🏾
Borussia have notified Manchester United that they will not release Sancho for less than 120 million euros. There are no other candidates
Agent Hakimi: Zidane is the reason for moving to Inter. He did not call Ashraf, but Conte spoke about the project
Neymar has agreed with PSG that he will be released if Barcelona make an offer (As)
Wigan collapsed under external control. Perhaps all because of the murky betting in the Philippines
Pep on Manchester City's European Cup ban: I'm Sure we will be allowed to play in the Champions League