logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Cambodia

ធនាគារ​សហគ្រាស​ធុន​តូច​និង​មធ្យម​ជាមួយ​ទុន​ប្រមាណ​១០០​លាន​ដុល្លារ​នឹង​លេចចេញ​រូបរាង​

ចែករម្លែក

ដោយៈ​សុផល​/​ភ្នំពេញៈ​”​ដើម្បី​ជួយ​ទៅដល់​វិស័យ​សហគ្រាស​ធុន​តូច​និង​មធ្យម​(SMEs)​ដែល​ប្រឈម​នឹង​បញ្ហា​កង្វះ​ទុន​នោះ​រាជរដ្ឋាភិបាល​កម្ពុជា​នឹង​បង្កើត​ធនាគារ​សហគ្រាស​ធុន​តូច​និង​មធ្យម​ដោយ​ដំណាក់កាល​ដំបូង​នឹងដាក់​មូលនិធិ​ប្រមាណ​១០០​លាន​ដុល្លារ​អាមេរិក​។​ធនាគារ​នេះ​អាច​នឹង​លេចចេញ​រូបរាង​នៅ​ចុងឆ្នាំ​២០១៩​នេះ​”​។​

លោក​ហេង​សុខ​គង់​រដ្ឋលេខាធិការ​ក្រសួង​ឧស្សាហកម្ម​និង​សិប្បកម្ម​បានលើកឡើង​ដូច្នេះ​នៅក្នុង​សិក្ខាសាលា​ស្តីពី​ការលើកកម្ពស់​ការអភិវឌ្ឍ​ន៍​សហគ្រាស​ធុន​តូច​និង​មធ្យម​សិប្បកម្ម​និង​ឧស្សាហកម្ម​កាលពី​រសៀល​ថ្ងៃទី​២៣​ខែសីហា​ឆ្នាំ​២០១៩​។​

​លោក​រដ្ឋលេខាធិការ​បា​ន​បន្តថា​៖​ក្រោម​ការចង្អុលបង្ហាញ​ដ៏​ខ្ពង់ខ្ពស់​របស់​ប្រមុខ​រាជរដ្ឋាភិបាល​បានសម្រេច​ផ្តល់​ថវិកា​ចំនួន​១០០​លាន​ដុល្លារ​អាមេរិក​សម្រាប់​ការបង្កើត​ធនាគារ​អេស​អ៊ឹម​អ៊ី​ដើម្បី​គាំទ្រ​ដល់​ការអភិវឌ្ឍ​វិស័យ​SMEs​សំដៅ​ចូលរួម​ជំរុញ​កំណើនសេដ្ឋកិច្ច​ប្រកបដោយ​ចីរភាព​និង​បរិ​យា​ប័ន្ន​។

​ជារួម​មកទល់ពេលនេះ​ការសិក្សា​អំពី​សមិទ្ធិ​លទ្ធភាព​ការបង្កើត​ក្របខ័ណ្ឌ​ច្បាប់​និង​បទ​ប្បញ្ញត្តិ​ពាក់ព័ន្ធ ព្រមទាំង​ការរៀបចំ​ផែនការ អាជីវកម្ម និង​រចនាសម្ព័ន្ធ​ដឹកនាំ​របស់​ធនាគារ​។ ដើម្បី​ឈាន​ដ៏​ការបង្កើត ធនាគា​ត្រូវ​បាននិងកំពុង​រៀបចំ​ស្ទើរតែ​បញ្ចប់​ទាំងស្រុង​ដោយ​ធនាគារ​នេះ​ត្រូវបាន​រំពឹងថា​នឹង​ចាប់ដំណើរការ​នាពេល​ដ៏​ខ្លី​ខាងមុខ​។​

​លោក​រដ្ឋលេខាធិការ​បា​ន​ឱ្យដឹងទៀតថា​ពាក់ព័ន្ធ​នឹង​វិស័យ​សហគ្រាស​ធុន​តូច​និង​មធ្យម​នៅក្នុង​វេទិកា​រាជរដ្ឋាភិបាល​-​ផ្នែក​ឯកជន​លើក​ទី​១៨ កាលពី​ចុង​មីនា កន្លងទៅនេះ រាជរដ្ឋាភិបាល​បានរៀបចំ​វិធាន និង​នីតិវិធី​លម្អិត​ដើម្បី​អនុវត្តន៍​តាមដាន​វឌ្ឍន​ភាព​និង​វាយតម្លៃ​ប្រសិទ្ធភាព​នៃ​ការអនុវត្តន៍​និង​រៀបចំ​ស្នើ​នូវ​វិធាន​ការបន្ថែម​ក្នុងករណី​ចាំបាច់​ដើម្បី​ដោះស្រាយ​នូវ​បញ្ហា​ប្រឈម​ក្នុង​វិស័យនេះ ។​

​លោក​បាន​គូសបញ្ជាក់ថា​៖​វិស័យ​SME​ជា​វិស័យ​អាទិភាព​និង​ជា​ឆ្អឹងខ្នង​នៃ​សេដ្ឋកិច្ច​ដែលមាន​តួនាទី​យ៉ាងសំខាន់ ដើម្បី​ជួយ​វិស័យនេះ អាចធ្វើ​ទំនើបកម្ម និង​ដើរ​ឲ្យ​ទាន់​សង្វាក់​ផលិតកម្ម​ពិភពលោក ព្រោះ​វិស័យ​SME​គឺជា​ផ្នែក​មួយ​ជួយ​ដល់​ផលិតផល​សរុប​ក្នុងស្រុក​មាន​កំណើន​ល្អជា​ពិសេស​ជួយ​បង្កើន​ដល់​កំណើន​សេដ្ឋកិច្ចជាតិ​ប្រមាណ​ជាង​៣២,៨​ភាគរយ​នៅ​ឆ្នាំ​២០១៨​ពោលគឺ​លឿន​ជាង​ផែនការ​រហូតដល់​ទៅ​៥​ឆ្នាំ​។​

សូម​ជម្រាប​ផងដែរ​ថា​នៅក្នុង​សិក្ខាសាលា​ស្តីពី​ការលើកកម្ពស់​ការអភិវឌ្ឍ​ន៍​សហគ្រាស​ធុន​តូច​និង​មធ្យម សិប្បកម្ម និង​ឧស្សាហកម្ម​នោះ លោក ឈា ឡាយ​ហ៊ី​ប្រធាន​នាយកដ្ឋាន​សហគ្រាស​ធុន​តូច និង​មធ្យម​នៃ​ក្រសួង​ក្រសួង​ឧស្សាហកម្ម​និង​សិប្បកម្ម​។​ក៏បាន​ចែករម្លែក​ចំណេះដឹង​និង​ពត៌មាន​អំពី​ការអភិវឌ្ឍន៍​សហគ្រាស​ធុន​តូច​និង​មធ្យម​សិប្បកម្ម​នៅ​កម្ពុជា​។

​ចំណែក​លោក​ហ៊ឹម​ផានិត​ប្រធាន​មជ្ឈមណ្ឌល​ផលិតភាព​ជាតិ បានធ្វើ​បទ​បង្ហាញ​ពី​ការអភិវឌ្ឍន៍​វិស័យ​ឧស្សាហកម្ម ខណៈ​លោក Stepan Vojnar ភារៈធារី​ស្ថានទូត​សាធារណរដ្ឋ​ឆេ​ក បានធ្វើ​បទ​បង្ហាញ​អំពី​ផលិតផល​របស់​ឆេ​កនៅ កម្ពុជា​៕S/

​ចំណងជើង​រូបថត​៖​សិក្ខាសាលា​ស្តីពី ការលើកកម្ពស់​ការអភិវឌ្ឍ​ន៍​សហគ្រាស​ធុន​តូច និង​មធ្យម សិប្បកម្ម និង​ឧស្សាហកម្ម កាលពី​រសៀល​ថ្ងៃទី​២៣ ខែសីហា ឆ្នាំ​២០១៩​នៅ​កោះ​ពេជ្រ​(​រូប ៖​សុផល​)

All rights and copyright belongs to author:
Themes
ICO