Cambodia

ជំងឺ​ប៉េ​ស​ជ្រូក ​ធ្វើឱ្យ​តម្លៃ​សាច់​ជ្រូក ​និង​ការនាំចេញ​កើន​ឡើង​កប់​ពពក

Cambodia Breaking News Cambodia Entertainment News Cambodia Sport News Cambodia

តម្លៃ​សាច់ជ្រូក​បាន​កើនឡើង​យ៉ាងខ្លាំង​ហើយ​ហ្វូង​សត្វ​ជ្រូក​ត្រូវ​ងាប់​ហិនហោច​ព្រោះតែ​ជំងឺ​ប៉េ​ស​ជ្រូក​បាន​រីក​រាលដាល​ពាសពេញ​ឧស្សាហកម្ម​ចិញ្ចឹម​ជ្រូក​របស់​ប្រទេស​ចិន​ដែល​បាន​បង្ខំ​ឱ្យ​ប្រទេស​នេះ​ត្រូវការ​ការនាំ​ចូល​សាច់​បន្ថែម​ដើម្បី​ផ្គត់ផ្គង់​តម្រូវការ​ក្នុងស្រុក​បាន​គ្រប់គ្រាន់​។​

​សត្វ​ជ្រូក​ជាង​១,​​១​លាន​ក្បាល​ត្រូវបាន​សម្លាប់ចោល​ព្រោះតែ​អាជ្ញាធរ​ត្រូវ​ញាប់ដៃ​ញាប់ជើង​ដើម្បី​ទប់ស្កាត់​វីរុស​មួយ​នេះ​ដែល​បាន​ឆ្លង​រាតត្បាត​ទៅដល់​ប្រទេសជិតខាង​ចាប់តាំងពី​ករណី​ផ្ទុះឡើង​ដំបូង​ក្នុង​ខែសីហា​ឆ្នាំ​២០១៨​ហើយ​ជំងឺ​នេះ​មិនមាន​វ៉ាក់សាំង​ការពារ​ឡើយ​។​

​ទោះជា​យ៉ាងណា​តួលេខ​នេះ​ត្រូវបាន​គេ​ជឿថា​អាច​នឹង​ច្រើនជាង​នេះ​ដោយ​ទិន្នន័យ​ផ្លូវការ​បានបង្ហាញ​ថា​ចំនួន​សត្វ​ជ្រូក​របស់​ប្រទេស​ចិន​ដែលមាន​សរុប​៣៤៧,៦​លាន​ក្បាល​ក្នុង​ឆមាស​ទីមួយ​ឆ្នាំនេះ​ពោលគឺ​ធ្លាក់ចុះ​៦០​លាន​ក្បាល​ធៀប​នឹង​រយៈពេល​ដូចគ្នា​កាលពី​ឆ្នាំមុន​។​ហេតុនេះ​ទើប​តម្លៃ​សាច់ជ្រូក​បាន​កើន​ឡើងដល់​៥​ដង​ក្នុង​ខែមិថុនា​។​

​លោក Jan-Peter Van Ferneij​ដែលជា​អ្នកគ្រប់គ្រង​ទីផ្សារ​បរទេស​នៅ​វិទ្យាស្ថាន​សាច់ជ្រូក​បារាំង​បាន​លើកឡើងថា “​ស្ថានភាព​អាក្រក់​បំផុត​នោះ​នៅ​មិនទាន់​មកដល់​នៅឡើយ​ទេ​។​ពេលនេះ​មានតែ​តួលេខ​នៃ​ការធ្លាក់ចុះ​ចំនួន​សត្វ​ជ្រូក​។​ហើយ​ពេល​បន្តិចទៀត​នឹង​ឈានទៅដល់​ការធ្លាក់ចុះ​នៃ​ការផលិត​… ហើយ​ការប្រើប្រាស់​ក៏​កាន់តែ​ធ្លាក់​។​”

​គួរបញ្ជាក់​ថា​ជំងឺ​គ្រុនផ្ដាសាយ​ជ្រូក​នេះ​មិន​បង្ក​គ្រោះថ្នាក់​ដល់​មនុស្ស​ឡើយ​ហើយ​អ្នករកស៊ី​ចិញ្ចឹមសត្វ​បាន​ព្យាយាម​ធានា​ដល់​អ្នកប្រើប្រាស់​ហើយ​ថា​សាច់សត្វ​របស់​ពួកគេ​មាន​សុវត្ថិភាព​ក្នុងប្រទេស​ដែល​ផលិត​និង​បរិភោគ​សាច់ជ្រូក​ច្រើនជាង​កន្លែង​ផ្សេងៗ​ទៀត​ក្នុង​ពិភពលោក​៕AFP

ដោយ ៖ តរុណី

មនោ

ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 012 454 575 និង 012 499 114

Football news:

Jurgen Klopp: We are not thinking about next season, but about this one. There is much more to come
Inter is ready to buy out Sanchez from Manchester United for 20 million euros (Goal)
Werder fans are the best: they supported the team with a tractor emblem and thanked the Union with a hundred cases of beer
Flick about the Cup final with Bayer: It will not be like in the championship. They can hurt us
Holland will play in Dortmund and under 9-m number from the next season
Solskjaere and Lampard are among the contenders for the title of best coach in June in the Premier League
Umtiti injured his left knee. He won't have surgery