logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Cambodia

ការចំណាយ​ច្រើន​សម្បើម​លើ​សព្វាវុធ​គ្រោះថ្នាក់​អាច​បង្ក​ឱ្យ​ផ្ទុះ​សង្គ្រាមលោកលើកទី​៣

ចែករម្លែក

រុស្ស៊ី​ចិន​និង​អាម៉េរិក​កំពុង​ចំណាយ​យ៉ាងច្រើន​លើ​ការផលិត​សព្វាវុធ​លឿន​ជាង​សំឡេង

​ការសិក្សា​ស្រាវជ្រាវ​ធ្វើឡើង​ដោយ​ក្រុមហ៊ុន​ស្រាវជ្រាវ IHS Markit របស់​អង់គ្លេស ដែល​ចុះផ្សាយ​ដោយ​កាសែត Jane’s បានបង្ហាញ​ពី​ការ​បូកសរុប​ទឹកប្រាក់​ដ៏​ច្រើន​សម្បើម​ដែល​ត្រូវបាន​ចំណាយ​ដោយ​ប្រទេស​រុស្ស៊ី​ចិន​និង​សហរដ្ឋ​អាម៉េរិក​លើ​សព្វាវុធ​លឿន​ជាង​សំឡេង ដោយ​សហរដ្ឋ​អាម៉េរិក​នៅតែ​ដើរ​ក្រោយ​គេ បើទោះបី​បាន​ចំណាយ​ប្រាក់​ស្មើនឹង​ប្រទេស​រុស្ស៊ី​និង​ចិន​បូក​បញ្ចូល​គ្នា​ក៏ដោយ​។

​ការសិក្សា​នេះ​បាន​បង្ហាញថា តុល្យភាព​នៃ​អំណាច​កំពុង​ខូច​ទ្រង់ទ្រាយ ព្រោះ​អាវុធ​នុយក្លេអ៊ែរ​កំពុង​តែ “​ធ្លាក់ចុះ​” ខណៈ​អាវុធ​ទូទៅ​ធម្មតា​រួមទាំង មី​ស៊ី​ល​លឿន​ជាង​សំឡេង​កាន់​តែមាន​ឥទ្ធិពល​។ លោក រ៉ា​ហ៊ុល អ៊ូ​ដូ​ស៊ី អ្នកវិភាគ​នៅ​កាសែត​ប្រចាំថ្ងៃ​របស់​អាម៉េរិក Jane’s បាន​បកស្រាយ​ថា “​ខណៈ​សព្វាវុធ​លឿន​ជាង​សំឡេង​អាច​ហោះ​ក្នុង​ល្បឿន​លឿន​សម្បើម​និង​សព្វាវុធ​ខ្លះ​អាច​បញ្ជា​កាច់​ទិស​បាន ពួកវា​ងាយ​នឹង​ធ្វើឱ្យ​អន្តរាយ​ដល់​តុល្យភាព​នៃ​បច្ចេកវិជ្ជា​ការពារជាតិ ព្រោះ​គេ​មិនដឹងថា​ជា​អាវុធ​នុយក្លេអ៊ែរ​ឬ​អាវុធ​ធម្មតា​នោះទេ​។​

​លោក​រ៉ា​ហ៊ុល​និយាយថា “​ដោយ​អាច​វាយប្រហារ​ចេញពី​ស្ទើរ​គ្រប់​ទីកន្លែង​ក្នុង​ពិភពលោក​ក្នុង​រយៈពេល​មួយ​ម៉ោង មានន័យថា អាវុធ​ទាំងនេះ​ប៉ះពាល់​ដល់​ទស្សនទាន​នៃ​ស្ថិរ​ភាពជា​យុទ្ធសាស្ត្រ​និង​ការកើនឡើង​នូវ​ហានិភ័យ​វិបត្តិ​បន្ថែមទៀត​ជុំវិញ​ភាពមិនច្បាស់លាស់​នៃ​ប្រភេទ​ក្បាល​គ្រាប់​ដែល​បាញ់​ចេញមក​”​។​

​ឧទាហរណ៍​ជាក់ស្តែង មី​ស៊ី​ល Skyfall របស់​រុស្ស៊ី ដែល​ផ្ទុះ​ខុស​បច្ចេកទេស​អំឡុងពេល​សាកល្បង​កាលពី​ដើមខែ​នេះ​ដោយ​បញ្ចេញ​នូវ​សារធាតុ​វិទ្យុសកម្ម​ផង​នោះ គឺជា​មី​ស៊ី​ល​លឿន​ជាង​សំឡេង​អាច​ដឹក​ក្បាល​គ្រាប់​នុយក្លេអ៊ែរ​ផង​និង​ក្បាល​គ្រាប់​ធម្មតា​ផង​។​

​ការវិភាគ​នេះ​ព្រមាន​ថា មហាអំណាច​ទាំងបី​កំពុង​វិនិយោគ​យ៉ាងខ្លាំង​ក្លា​ទៅលើ​សព្វាវុធ​លឿន​ជាង​សំឡេង​។​

​រហូតមកទល់​ពេលនេះ កាសែត Jane’s បាន​ប៉ាន់ប្រមាណ​ថា សហរដ្ឋ​អាម៉េរិក​បាន​ចំណាយ​ប្រា​ក់ជាង ៣,៣ ពាន់​លាន​ដុល្លារ​សម្រាប់​ការស្រាវជ្រាវ​និង​ការអភិវឌ្ឍ​បច្ចេកវិជ្ជា​និង​សព្វាវុធ​លឿង​ជាង​សំឡេង ជាមួយ​សំណើ​ថវិកា​បន្ថែមទៀត​នៅ​ឆ្នាំ ២០២០ គឺមាន​ចំនួន ២,៦ ពាន់​លាន​ដុល្លារ​។​

​រុស្ស៊ី​តាម​ដឹងបាន​ចំណាយ​ថវិកា​ជាង ១,១ ពាន់​លាន​ដុល្លារ​សម្រាប់​គ្របដណ្តប់​លើ​កម្មវិធី​មី​ស៊ី​ល Avangard, 3M22 Tsirkon និង Kinzhal ។​

​ទោះយ៉ាងណា ការចំណាយ​របស់​រុស្ស៊ី​ទៅលើ​សព្វាវុធ​លឿន​ជាង​សំឡេង​មិន​រំពឹង​កើនឡើង​ខ្លាំង​នោះទេ​ព្រោះ​មី​ស៊ី​ល​ឆ្លង​ទ្វីប​បំពាក់​ក្បាល​គ្រាប់​នុយក្លេអ៊ែរ Kinzhal ដែល​មូ​ស្គូ​អះអាងថា​អាច​ហោះ​បាន​ចម្ងាយ ១.៩៣១ គីឡូម៉ែត្រ​នោះ បានដាក់​ឱ្យប្រើ​ការ​រួចទៅហើយ ខណៈដែល​មី​ស៊ី​ល Tsirkon និង Avangard កំពុង​ជិត​ដាក់ឱ្យ​ប្រើ​ដែរ​។​

​ទន្ទឹមនឹងនេះ​មូលនិធិ​របស់​ចិន​សម្រាប់​សព្វាវុធ​លឿន​ជាង​សំឡេង​ត្រូវបាន​គេ​ប៉ាន់ប្រមាណ​ថា​មាន​ច្រើនជាង​រុស្ស៊ី គឺ​ជាង ១,៥ ពាន់​លាន​ដុល្លារ ដែល​ចំណាយ​ទៅលើ​កម្មវិធី​អាវុធ DF-ZF និង Starry Sky-2 ។​

DF-ZF ដែលជា​យានអវកាស​ប​ញ្ជា​ទិស​លឿន​ជាង​សំឡេង​មាន​សមត្ថភាព​ផ្ទុក​ក្បាល​គ្រាប់​នុយក្លេអ៊ែរ ត្រូវបាន​គេ​រំពឹងថា​នឹង​ដំណើរការ​នៅ​ឆ្នាំក្រោយ ខណៈដែល Starry Sky ដែលជា​យន្តហោះ​ប្រតិកម្ម​អាច​ក្បាល​គ្រាប់​នុយក្លេអ៊ែរ​ក្នុង​ល្បឿន​លឿន​ជាង​សំឡេង​ដល់​ទៅ ៦ ដង នឹងត្រូវ​ដាក់ឱ្យ​ប្រើ​នៅ​ឆ្នាំ ២០២៥​។​

​មន្ត្រី​យោធា​ជាន់ខ្ពស់​អាម៉េរិក​ឈ្មោះ រ៉ា​យ​អែន ឌី​ម៉ាក​កា​ធី បាន​និយាយ​យោងទៅលើ​ការសម្រេចចិត្ត​របស់​ប្រធានាធិបតី​ដូ​ណា​ល់ ត្រាំ​ក្នុង​ការដក​អាមេរិក​ចេញពី​សន្ធិសញ្ញា INF ដ៏​សំខាន់​ជាមួយ​រុស្ស៊ី យ៉ាង​ដូច្នេះ​ថា “​ទាក់ទង​ទៅនឹង​ចម្ងាយ​មី​ស៊ី​ល​នៅក្នុង​សន្ធិសញ្ញា INF យើង​កំពុង​ពិនិត្យ​មើលថា​តើ​កន្លែង​ណា​ដែល​យើង​អាច​ស្វែងរក​ឱកាស​ដំបូង​គេ​។ ច្បាស់​ណាស់ គឺ​សព្វាវុធ​លឿន​ជាង​សំឡេង ប្រសិនបើ​អ្នក​ចាំបាច់​ត្រូវដាក់​ក្បាល​គ្រាប់​មី​ស៊ី​ល​ឆ្លង​ទ្វីប​លឿន​ជាង​សំឡេង​នោះ​”​។​

​ថ្លែង​នៅក្នុង​ខែមិថុនា លោក ហ្វ្រែ​ង សេន​ច​ន អនុប្រធាន​ប្រតិបត្តិ​នៅ​ផ្នែក​គ្រប់គ្រង​អគ្គីភ័យ​និង​មី​ស៊ី​ល​របស់​ក្រុមហ៊ុន Lockheed Martin បាន​និយាយថា “​ជាមួយ​សមត្ថភាព​អាវុធ​លឿន​ជាង​សំឡេង​ជា​អាទិភាព​ផ្នែក​សន្តិសុខ​ជាតិ ក្រុមហ៊ុន Lockheed Martin និង​កងទ័ពអាកាស​អា​ម៉េ​រិ​ក​កំពុង​បង្កើនល្បឿន​និង​ដាក់ពង្រាយ​នូវ​ប្រព័ន្ធ​អាវុធ​លឿន​ជាង​សំឡេង​។ ក្រុមហ៊ុន Lockheed Martin មាន​មោទនភាព​ដែល​បាន​ចូលរួម​ជាមួយ​កងទ័ព​អាកាស​អាម៉េរិក​លើ​គំនិត​ផ្តួចផ្តើម​ដ៏​សំខាន់​នេះ​”​។​

​របាយការណ៍​កាសែត​ខាងលើ​បាន​និយាយថា ខុសពី​រុស្ស៊ី ចិន​នឹង​រក្សា​ការចំណាយ​ខ្ពស់​លើ​បច្ចេកវិជ្ជា​អាវុធ​លឿន​ជាង​សំឡេង ខណៈ​ចិន​កំពុង​ជិត​សម្រេចបាន​នូវ​កម្មវិធី​សព្វាវុធ​លឿន​ជាង​សំឡេង​របស់ខ្លួន​។​

​លោក​អ៊ូ​ដូ​ស៊ី​បាន​និយាយថា “​បច្ចុប្បន្ននេះ​យើង​មើលឃើញថា​ប្រទេស​រុស្ស៊ី​និង​ចិន​នាំមុខគេ​ក្នុង​ការងារ​ស្រាវជ្រាវ​និង​អភិវឌ្ឍន៍​ជាមួយ​មូលនិធិ​យ៉ាងច្រើន​សម្បើម ដែល​នេះ​សបញ្ជាក់​ថា​សហរដ្ឋ​អាម៉េរិក​បាន​ដើរ​ពីក្រោយ​ប្រទេស​ទាំងពីរ​។ ទោះយ៉ាងណា នេះ​អាច​ផ្លាស់ប្តូរ​ក្នុង​រយៈពេល​ដ៏​ខ្លី ដោយសារ​អាទិភាព​និង​ការប្តេជ្ញាចិត្ត​របស់​អាម៉េរិក​លើ​កម្មវិធី​សព្វាវុធ​លឿន​ជាង​សំឡេង​”​។​

​កាលពី​សប្តាហ៍​មុន​មាន​សេចក្តីរាយការណ៍​ថា សហរដ្ឋ​អាម៉េរិក​កំពុង​អភិវឌ្ឍ​សព្វាវុធ​លឿន​ជាង​សំឡេង​ចម្ងាយ​ឆ្ងាយ (LRHW) ខណៈដែល​រដ្ឋមន្ត្រី​ការពារជាតិ​លោក ម៉ាក អេ​ស្ពើ បាន​ប្រាប់​ទូរទស្សន៍ Fox News ថា​លោក​រំពឹងថា​ប្រទេស​នេះ​នឹង​ត្រៀម​ដាក់ពង្រាយ​អាវុធ​បែបនេះ​ក្នុង​រយៈពេល​ពីរ​បី​ឆ្នាំ​ទៀត​៕ ដោយ៖ កញ្ញាដាលីស

​ប្រភព​៖ express.co.uk

All rights and copyright belongs to author:
Themes
ICO