Cambodia

ខេត្តព្រៃវែង​បន្ត​រក​ឃើញ​អ្នក​ឆ្លង​កូ​វី​ដ​ថ្មី​៣៩​នាក់​ទៀត ខណៈ​អ្នក​ស្លា​.​ប់​សរុប​មាន​១០​នាក់​ហើយ

រាជធានី​ភ្នំពេញ ៖ រដ្ឋបាល​ខេត្តព្រៃវែង បាន​បញ្ជាក់​ថា បាន​រក​ឃើញ​អ្នក​ឆ្លង​ជំងឺ​កូ​វី​ដ​១៩ ចំនួន​៣៩​នាក់​បន្ថែម​ទៀត ដែល​ជា​ករណី​ឆ្លង​ពី​ព្រឹត្តិការណ៍​សហគមន៍​២០​កុម្ភៈ និង​មក​ពី​តាម​បណ្តា​រាជធានី​-​ខេត្ត និង​មក​ពី​ប្រទេស​ក្រៅ​។

រដ្ឋបាល​ខេត្ត​បាន​លើក​ឡើង​ថា យោង​តាម​លទ្ធផល​ពិនិត្យ​រកមុខ​សញ្ញា​វីរុស​កូ​វី​ដ​១៩ តាម​រយៈ​ការ​ធ្វើតេស្ត​រហ័ស (Rapid Test) នៅ​ថ្ងៃ​ទី​១៣ ខែមិថុនា ឆ្នាំ​២០២១​នេះ បាន​រក​ឃើញ​អ្នក​វិជ្ជមាន​កូ​វី​ដ​១៩ ចំនួន​៣៩​នាក់ (​ស្រី​២២​នាក់​) បន្ថែម​ទៀត ដែល​ជា​ករណី​ឆ្លង​ពី​ព្រឹត្តិការណ៍​សហគមន៍ ២០​កុម្ភៈ និង​មក​ពី​តាម​បណ្តា​រាជធានី ខេត្ត និង​មក​ពី​ប្រទេស​ថៃ​។ ជាមួយ​គ្នា​នោះ​ដែរ រដ្ឋបាល​ខេត្ត​ក៏​បាន​ឲ្យ​ដឹង​ថា គិត​ត្រឹម​ថ្ងៃ​ទី​១២ ខែមិថុនា ឆ្នាំ​២០២១ ខេ​ត្ព​ព្រៃវែង​មាន​អ្នក​ឆ្លង​ជំងឺ​កូ​វី​ដ​១៩ សរុប​ចំនួន​៩២៣​នាក់ បាន​ព្យាបាល​ជា​សះស្បើយ​៤៤ ៤​នាក់ កំពុង​សម្រាក​ព្យាបាល​ចំនួន​៤៦៩​នាក់ និង​ស្លា​.​ប់​១០​នាក់ ។

រូបភាពតំណាង
Picture

រដ្ឋបាល​ខេត្ត​ក៏​បាន​លើក​ឡើង​ថា ដើម្បី​បង្ការ និង​ទប់ស្កាត់​ការ​ឆ្លង​រាលដាល​ជំងឺ​កូ​វី​ដ​១៩ និង​កាត់​ផ្តាច់​ការ​ចម្លង​ចូល​ក្នុង​សហ​គមន៍ រដ្ឋបាល​ខេត្តព្រៃវែង សូម​អំពាវនាវ​ដល់​បងប្អូន​ប្រជាពលរដ្ឋ ដែល​ធ្លាប់​បាន​ប្រាស្រ័យ​ទាក់ទង​ជាមួយ​អ្នក​វិជ្ជមាន​កូ​វី​ដ​-១៩​ខាងលើ ត្រូវ​រាយការណ៍​ជូន​អាជ្ញាធរ​ជា​បន្ទាន់ និង​ប្រញាប់​រួសរាន់​ទៅ​ផ្តល់​វត្ថុ​សំណាក ដើម្បី​វិភាគ​រក​វីរុស​កូ​វី​ដ​-១៩ នៅ​មន្ទីរពេទ្យ​បង្អែក​ស្រុក​រៀង​រាល់​ម៉ោង​ធ្វើការ (​រួម​ទាំង​ថ្ងៃ​ឈប់​សម្រាក​) ហើយ​ត្រូវធ្វើ​ច​ត្តា​ឡី​ស័ក​នៅផ្ទះ​របស់​ខ្លួន​ឲ្យ​បាន​ត្រឹមត្រូវ​តាម​បទបញ្ជា​ផ្ទៃ ក្នុង​សម្រាប់​អ្នក​ធ្វើ​ច​ត្តា​ឡី​ស័ក​រយៈពេល​១៤​ថ្ងៃ​។

រូបភាពតំណាង
Picture

ចំពោះ​អ្នក​ដែល​ពាក់ព័ន្ធ​ដទៃ​ទៀត ត្រូវ​តាមដាន​សុខភាព​ផ្ទាល់ខ្លួន​ជា​ប្រចាំ ត្រូវ​ពិនិត្យ​កម្ដៅ​យ៉ាងតិច ២(​ពីរ​)​ដង​ក្នុង​មួ​សយ​ថ្ងៃ ត្រូវ​សម្រាក​នៅផ្ទះ​បន្ទប់​ដាច់​ដោយឡែក​តែឯង និង​ត្រូវ​អនុវត្ត​កាតព្វកិច្ច​រក្សា​គម្លាត​សុវត្ថិភាព​ឲ្យ​បាន​ម៉ឺងម៉ាត់​បំផុត ជា​ពិសេស​អនុវត្ត​ឲ្យ​បាន​ខ្ជាប់ខ្ជួន​នូវ​វិធានការ «៣​ការពារ និង​៣​កុំ​» របស់​សម្តេច​តេ​ជោ ហ៊ុន សែន នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​៕

PicturePicture

Football news:

Mkhitaryan on relations with Mourinho: What happened in Manchester remains in Manchester
FIFA and UEFA rejected the request of the Basque Country Football Federation for recognition as an independent member of organizations from Spain
Belarus will host the 2022 World Cup qualification matches at the Tsentralny Stadium in Kazan
Gerard Pique: We are waiting for Messi to sign a new contract. We want him to be with us
Shomurodov flew to Rome. Today he will undergo a medical examination for Roma
Arsenal discussed the deal for Lautaro, communicating with Inter on Bellerin. The striker is Interested in the transfer
Arsenal bought defender White from Brighton for 50 million. This is a logical increase, although the club, of course, overpaid