Cambodia

ខេត្តបាត់ដំបង​បង្កើន​ការ​ទប់ស្កាត់​ការ​បំផ្លាញ​ព្រៃ​លិច​​ទឹក

ខេត្តបាត់ដំបង ៖ អាជ្ញាធរ​ និង​មន្ត្រី​ខណ្ឌ​ជលផល​ខេត្តបាត់ដំបង​ បង្កើន​ការ​ទប់ស្កាត់​ការ​បំផ្លាញ​ព្រៃ​លិច​ទឹក ក្រោម​ការ​ជំរុញ​ពី​លោក ងួ​ន រតនៈ គណ​អភិបាលខេត្ត​បាត់ដំបង បាន​ប្រកាសណែ​នាំ​មក​ថា កន្លង​មកនេះ រដ្ឋបាល​ខេត្តបាត់ដំបងបាន​ធ្វើការ​ទប់ស្កាត់ បង្ក្រាប ការ​ទន្ទ្រាន​ដី​រដ្ឋ ជា​ពិសេស​ដី​ព្រៃ​លិច​ទឹក ដែល​មាន​ជន​ឆ្លៀតឱកាស​មួយ​ចំនួន​ បាន​រំលោភ​បំពាន​យក ហើយ​រដ្ឋបាល​ខេត្ត​ក៏​បាន​ចេញ​នូវ​សេចក្ដីជូនដំណឹង អប់រំ​ផ្សព្វផ្សាយ ដើម្បី​ធ្វើការ​ហាមឃាត់​ប្រជាពលរដ្ឋ​ដែល​រំលោភ​បំពាន​ដី​រដ្ឋ​ផង​ដែរ ។ ហើយរដ្ឋបាល​ខេត្ត​បាន​បង្កើត​ទីបញ្ជាការ​ស្រាល​ប្រចាំការ ដើម្បី​កំណត់​មុខ សញ្ញា ជនល្មើស និង​បាន​កសាង​សំណុំរឿង​ជនល្មើស​បញ្ជូន​ទៅ​តុលាការ​មួយ​ចំនួន​ផង​ដែរ ។

Picture

រាល់​ការ​បង្ក្រាប​បទល្មើស​ទាំងអស់​នេះ រដ្ឋបាល​ខេត្ត​ក៏មានការលំបាក និង​ជួប​បញ្ហា​ប្រឈម​មួយ​ចំនួន​ទៀត ដោយសារ​ទីតាំង​ដី​ព្រៃ​លិច​ទឹក និង​ដែន នេសាទ​មាន​ទំហំ​ធំ ហើយ​មន្ដ្រី​មាន​ចំនួន​តិច ខ្វះខាត​ធនធាន​មធ្យោបាយ ថវិកា និង​សម្ភារ ក្នុង​ការ​ចុះ​ទប់ស្កាត់​ជាដើម​។ លោក ម៉ឹ​ល សុផល អភិបាលស្រុក​ឯក​ភ្នំ បាន​ឲ្យ​ដឹង​កាលពី​ថ្ងៃ​ទី​១២ ​មិថុនា ​ថា លោក​តែងតែ​ដឹកនាំ​ផ្សព្វផ្សាយ​ដល់ប្រជាពលរដ្ឋនៅ​មូលដ្ឋាន​ឲ្យ​យល់​ដឹង​ពី​ផ្លូវច្បាប់​ទាក់ទង​និង​ព្រៃ​លិច​ទឹក​នេះ និង​បាន​ដឹកនាំ ចុះ បង្ក្រាប​និង​កំណត់​មុខសញ្ញា​មេ​ក្លោ​ង​ជា​ច្រើន ដើម្បី​រៀបចំ​បញ្ជូន សំណុំរឿង​ទៅ​តុលា​ការ ។

អាជ្ញាធរ​ស្រុក ឃុំ ភូមិ ក៏​បាន​សហការ​ជាមួយ​មន្ត្រី​ជលផល សហគមន៍​នេសាទ និង​កងកម្លាំង តាម​ឃ្លាំមើល​ជា​ប្រចាំ នៅ​តំបន់​ព្រៃ​លិច​ទឹក ដើម្បី​ការពារ​មិន​ឲ្យ​ជនល្មើស​រុករាន​ថ្មី​ៗ​បន្ត​ទៀត ហើយ​អាជ្ញាធរ​ខេត្តបាត់ដំបង​ និង​មន្ត្រី​ជំនាញ​បាន​បង្កើន​ការ យកចិត្តទុកដាក់​ដោយ​សហការ​ជាមួយ​សហគមន៍​នេសាទ កងកម្លាំង​និង​ង​ស្ថាប័ន​ពាក់ព័ន្ធ ក្នុង​ការ​ទប់ស្កាត់​ការ​រុករាន​ព្រៃ​លិច ទឹក​ដើម្បី​បង្កបង្កើន​ផល ដែល​ធ្វើ​ឲ្យ​ប៉ះពាល់​ដល់​ហ្វូង​មច្ឆា​ជាតិ និងជីវៈចម្រុះ ។

Picture

លោក កក អ៊ី​ឡែ​ន នាយ​រង ខណ្ឌ​រដ្ឋបាល​ជលផល​ខេត្តបាត់ដំបង​បាន​ឲ្យ​ដឹង​ថា ព្រៃ​លិច​ទឹក ដែលក្រុម​ល្មើស រុករាន ភាគច្រើន​នៅ​តំបន់​ពីរ​និង​តំបន់​បី ដែល​ក្រុម​ជនល្មើស​បាន ប្រើ​ល្បិច​ផ្សេង​ៗ ដើម្បី​រុករាន​យក​ដី​មក​បង្កបង្កើន​ផល ។ ​ដោយ​ជនល្មើស​ខ្លះ​បាន​ប្រើ​ល្បិច​ដុត​ព្រៃ ហើយ​បាន​យក ស្រូវ​ទៅ​ព្រួស​នៅ​ពេល​យប់​ដោយ​បន្លំ​ថា​ជា​ដីស្រែ​ចាស់ ខ្លះ​ទៀត​បាន ប្រើប្រាស់​គ្រឿងចក្រ​រុករាន​ពី​ខាងក្នុង​ដោយ​ទុក​ព្រៃ នៅ​សងខាង បន្លំ​ភ្នែក​មន្ត្រី​ជំនាញ​និង​អាជ្ញាធរជាដើម ។ មន្ត្រី​ខណ្ឌ​រដ្ឋបាល​ជលផល​ខេត្តបាត់ដំបង​បាន​បញ្ជាក់​ថា រយៈកាល​ចុង​ក្រោយ​នេះ​សកម្មភាព​រុករាន​ព្រៃ​លិច​ទឹក យក​ធ្វើស្រែ​ពី​សំណាក់​ជនខិលខូច​នៅ​តែ​ផុលផុស ដោយ​ប្រើប្រាស់​រូបភាព​ផ្សេង​ៗ បើ​ទោះបីជា អាជ្ញាធរ​និង​មន្ត្រី​ពាក់ព័ន្ធ​ខិតខំ​ប្រឹង​ប្រែង​ទប់ស្កាត់​យ៉ាង ណា​ក៏​ដោយ​។

លោក​បន្ត​ទៀត​ថា តាម​តួលេខ​ដែល​ចុះ​ស្រាវជ្រាវ​គិត​ត្រឹម​ខែកក្កដា​ឆ្នាំ​២០២០ ក្រុម​ជនល្មើស​បាន រុករាន​នៅ​ស្រុក​ចំនួន​បួន ដែល​មាន ភូមិសាស្ត្រ​ជាប់​បឹង​ទន្លេសាប មានស្រុក​មោងឫស្សី ស្រុក​សង្កែ ស្រុក​ឯក​ភ្នំ និង ស្រុក​ថ្មគោល អស់​ព្រៃ​លិច​ទឹក​ចំនួន ១០ ៩៩២ ហិ​កតា នៅ​ក្នុង​តំបន់​ពីរ​និង​តំបន់​បី និង ភ្លើង​ឆេះ​ព្រៃ អស់​ចំនួន ជាង​៨​ពាន់​ហិ​កតា​។ លោក កក អ៊ី​ឡែ​ន​បាន​បញ្ជាក់​បន្ថែម​ទៀត​ថា ដោយសារ​តែ​ការ​រុករាន​ទន្ទ្រានព្រៃ​លិច​ទឹក​មាន​សកម្មភាព​ផុលផុស អាជ្ញាធរ​ខេត្ត​និង​ស្ថាប័ន​ពាក់ព័ន្ធ​បាន​យកចិត្តទុកដាក់​ក្នុង​ការ​បង្ក្រាប​និង​ទប់ស្កាត់​ចំពោះ​សកម្មភាព​នេះ​យ៉ាង​ខ្លាំង​ផង​ដែរ ។

Picture

នៅ​ដើមឆ្នាំ​២០២១​នេះ បង្ក្រាប​បាន​១១​ករណី ឃាត់ខ្លួន​ជនល្មើស​១៦​នាក់ និង​គ្រឿងចក្រ​៥​គ្រឿង​ព្រមទាំង​សម្ភារ​ជា​ច្រើន​ទៀត​បញ្ជូន​ទៅ​កាន់​តុលាការ​ចាត់ការ​តាម​ច្បាប់ ។ លោក​បញ្ជាក់​ថាបើ​គិត​តាំងពី​ឆ្នាំ​២០១៥​មក មន្ត្រី​ខណ្ឌ​រដ្ឋបាល​ជលផល​និង​ស្ថាប័ន​ពាក់ព័ន្ធ​រួម​គ្នា ឃាត់ខ្លួន​ជនល្មើស​ដែល​រុករាន​ទន្ទ្រានព្រៃ​លិច​ទឹក បាន​៨០ នាក់ និង​គ្រឿងចក្រ ព្រមទាំង សម្ភារ​ជា​ច្រើន បញ្ជូន​ទៅ​កាន់​តុលាការ ដើម្បី​ចាត់ការ​តាម​ច្បាប់​។

ទោះបី​យ៉ាងណា​មន្ត្រី​រដ្ឋបាល​ជលផល​ខាងលើ​បាន​ឲ្យ​ដឹង​ថា ការ​បង្ការ​ទប់ស្កាត់​ការ​រុករាន ព្រៃ​លិច​ទឹក មានការ​លំបាក​ផង​ដែរ​ដោយសារ​ទំហំ​ព្រៃ​លិច​ទឹក​នៅ​ខេត្តបាត់ដំបង​មាន​រហូត​ដល់​ជាង​២០​ម៉ឺន​ហិ​កតា ចំណែក​មន្ត្រី​ខណ្ឌ​រដ្ឋបាល​ជលផល​មាន​តែ​ជាង​២០​នាក់ កំពុងធ្វើការ​លើ​ផ្នែក​ផ្សេង​ៗ​ទៀត​ផង​ដែរ ដូច​ជា រដ្ឋបាល​, វា​រីរ​ប្ប​កម្ម និង ទប់ស្កាត់​បទល្មើស​ជាដើម ។​លោក​បន្ថែម​ថា​ក្រៅពី​នោះ​មន្ត្រី​នៅ​ខ្វះខាត មធ្យោបាយ សម្ភារ ថវិកា​ក្នុង​ការ​ចុះ​បង្ក្រាប​ផង​ដែរ​។

លោក​បញ្ជាក់​ថា​ដូច្នេះ ទាមទា​ឲ្យ​មានការ​ចូលរួម​សហការ​យ៉ាង​សកម្ម​ពី អាជ្ញាធរ កងកម្លាំង ប្រដាប់​អាវុធ មន្ត្រី​សហគមន៍ និង មន្ត្រី​ជំនាញ​ពាក់ព័ន្ធ​ផ្សេង​ទៀត រួម​គ្នា​ទប់ស្កាត់​ទាំងអស់​គ្នា​។ ក្នុង​អនុក្រឹត្យ​របស់​រាជរដ្ឋាភិបាល​នៅ​ឆ្នាំ​២០១១ បាន​កំណត់​ដី​ព្រៃ​លិច​ទឹក​នៅ​៦​ខេត្ត​ជុំវិញ បឹង​ទន្លេសាប មាន​ចំនួន ៦៤៧ ៤០៦​ហិ​កតា ដោយឡែក​ខេត្តបាត់ដំបង​មានព្រៃ​លិច​ទឹក​ចំនួន ២០៦ ៩៥៣​ហិ​កតា ។ ​

Picture

Football news:

The Premier League referees were advised not to award dubious penalties, as on Sterling in the Euro 2020 semi-final
Chelsea offered more than 100 million euros and Marcos Alonso for Lukaku. Inter refused to sell the Belgian
Shomurodov on moving to Roma: I will do everything possible to show my abilities in one of the biggest clubs in the world
Roma bought Shomurodov for 17.5 million euros from Genoa
Monaco bought the midfielder Lyon Lucas for 12 million euros
Aldridge on the new contract of Manchester United and Sulscher: Fans of Liverpool, Chelsea and City are rejoicing
Mbappe will not leave PSG this summer, but he is also not negotiating a new contract (Le Parisien)