Cambodia

មួយរយះពេលទឹកជំនន់នេះ ធ្វើឲ្យស្រូវ និងដំណាំរួមផ្សំជិត៧ម៉ឺនហិកតា បានខូចខាតទាំងស្រុង នៅខេត្តបន្ទាយមានជ័យ

មួយរយះពេលទឹកជំនន់នេះ ធ្វើឲ្យស្រូវ និងដំណាំរួមផ្សំជិត៧ម៉ឺនហិកតា បានខូចខាតទាំងស្រុង នៅខេត្តបន្ទាយមានជ័យ

(បន្ទាយមានជ័យ)៖ ចាប់ពីទឹកជំនន់ រហូតដល់ទឹកស្រកជាបណ្តើរៗនោះ បានបណ្តាលឱ្យស្រូវខូចខាតចំនួន៦៥,៧០០ហិកតា និងដំណាំរួមផ្សំ៦៦៦ហិកតា។ ប៉ុន្តែភ្លាមៗ សម្តេចតជោ ហ៊ុន សែន នាយករដ្ឋមន្រ្តីនៃកម្ពុជា បានបញ្ជាឲ្យក្រសួងកសិកម្ម និងអាជ្ញាធរទាំងអស់ ផ្តល់គ្រាប់ពូជ ស្រូវ ដំឡូង ដំណាំគួបផ្សំចំនួន៦មុខ ដល់ប្រជាកសិករដែលរងការខូចខាតដោយសារទឹកជំនន់។ នេះបើតាមការអះអាងរបស់លោក អ៊ុ រាត្រី អភិបាលខេត្តបន្ទាយមានជ័យ។

ការអះអាងបែបនេះរបស់អភិបាលខេត្តបន្ទាយមាជ័យ បានធ្វើឡើងនៅក្នុងកិច្ចប្រជុំពីផលប៉ះពាល់ដោយសារទឹកជំនន់ ដែលដឹកនាំដោយលោកណ្ឌិត វង់ សណ្ដាប់ រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ ជាប្រធានលេខាធិការដ្ឋានប្រព័ន្ធស្បៀងបម្រុងកម្ពុជា មន្ត្រីពាក់ព័ន្ធ និងរដ្ឋបាលក្រុងស្រុក ព្រមទាំងមន្រ្តីឃុំសង្កាត់ជាច្រើននាក់ផងដែរកាលពីថ្ងៃទី២៧ ខែតុលា។​ លោកអភិបាលខេត្ត បានអះអាងយ៉ាងដូច្នេះថា ខេត្តបន្ទាយមានជ័យ បានរងការប៉ះពាល់ដោយទឹកជំនន់និងធ្វើឲ្យលិចលង់ដំណាំស្រូវ និងដំណាំរួមផ្សំនៅស្រុកមង្គលបូរី, ក្រុងសេរីសោភ័ណ, ក្រុងប៉ោយប៉ែត និងស្រុកអូរជ្រៅ។

ថ្លែងនៅក្នុងកិច្ចប្រជុំ លោកបណ្ឌិត វង់ សណ្ដាប់ បានលើកឡើងថា ក្រោយពីទឹកជំនន់ស្រកទៅវិញអស់ មានការងារជាច្រើន ដើម្បីបន្តស្តារផលប៉ះពាល់ផ្សេងៗ។ «រឿងយើងដែលត្រូវធ្វើបន្ត ដល់ប្រជាកសិករ ដែលរងការខូចខាត និងប៉ះពាល់ផលដំណាំ គឺផ្តល់ស្រូវពូជ គ្រាប់ពូជ មានចំនួន៦មុខ ដើម្បីទុកបង្កបង្កើនផលក្រោយទឹកស្រកវិញ ថែមទាំងមានគ្រឿងចក្រកសិកម្ម មកបម្រើជូនប្រជាកសិករផងដែរ»។

ក្នុងនោះលោកបណ្ឌិត វង់ សណ្ដាប់ ក៏បានឱ្យមន្ត្រីជំនាញពាក់ព័ន្ធទាំងអស់ ត្រូវធ្វើការវាយតម្លៃនៃការខូចខាតរបស់ប្រជាពលរដ្ឋក្នុងពេលទឹកជំនន់ ជាពិសេសមន្ទីរកសិកម្មខេត្ត ត្រូវដោះស្រាយជូនតែប្រជាពលរដ្ឋណា ដែលខូចខាតស្រូវពិតប្រាកដតែប៉ុណ្ណោះ។ លោកបណ្ឌិត ក៏បានគូសបញ្ជាក់ថា ក្រៅពីការស្តារពីផលខូចខាតដោយសារតែគ្រោះទឹកជំនន់ ការងារចាំបាច់ដែលប្រជាពលរដ្ឋធ្វើបន្ថែមទៀតនោះ គឺបន្តការងារប្រយុទ្ធប្រឆាំងជាមួយនឹងជំងឺកូវីដ-១៩ ដែលបានបំផ្លាញយើងជាច្រើន។

លោកបានណែនាំឲ្យពលរដ្ឋត្រូវការពារខ្លួនពីកូវីដ ដោយអនុវត្តឱ្យបានខ្ជាប់ខ្ជួនតាមវិធានសុខាភិបាល និងការណែនាំរបស់រាជរដ្ឋាភិបាលកម្ពុជា ជាពិសេសត្រូវពាក់ម៉ាស លាងដៃជាមួយអាល់កុល ឬជែលលាងដៃ ការធ្វើអនាម័យ ការរក្សាគម្លាត និងប្រើប្រាស់ការមិនទុកចិត្តគ្នាថា អ្នកណាមានជំងឺកូវីដ-១៩ ឬអ្នកនោះមិនមានជំងឺកូវីដ-១៩ ជាដើម៕ ផ្តល់សិទ្ធដោយ៖ Freshnews

Football news:

Van Persie about meeting Maradona: he kissed my left foot and said it was the same as his
Bale doesn't need to prove anything. His presence inspires the Tottenham players. Davis on the midfielder
Pochettino and Raul can replace Zidane at Real Madrid. The club does not want to dismiss the Frenchman yet
Stefano Pioli: Milan need to take the Celtic game seriously. They always play well
Atalanta captain Gomez did not follow Gasperini's instructions in the match against Midtjylland. He was replaced at half-time
We have a big battle ahead of us. Conor and Sergio Ramos agreed to a fight
Tuchel on the match with Manchester United: Victory is mandatory. Coming to England for her is a big challenge