Cambodia

មុខសញ្ញាប្លន់ប្រដាប់អាវុធ សកម្មក្នុងរាជធានីភ្នំពេញ និងធ្លាប់បាញ់ដើម្បីរំដោះខ្លួន ត្រូវបង្ក្រាបបាននៅស្រុកស៉ីធរកណ្ដាល ខេត្តព្រៃវែង, ជនសង្ស័យធ្លាប់ធ្វើសកម្មភាព៩ដង នៅរាជធានីភ្នំពេញ

មុខសញ្ញាប្លន់ប្រដាប់អាវុធ សកម្មក្នុងរាជធានីភ្នំពេញ និងធ្លាប់បាញ់ដើម្បីរំដោះខ្លួន ត្រូវបង្ក្រាបបាននៅស្រុកស៉ីធរកណ្ដាល ខេត្តព្រៃវែង, ជនសង្ស័យធ្លាប់ធ្វើសកម្មភាព៩ដង នៅរាជធានីភ្នំពេញ

(ភ្នំពេញ-ព្រៃវែង)៖ មុខសញ្ញាប្លន់ប្រដាប់អាវុធ សកម្មក្នុងរាជធានីភ្នំពេញ និងធ្លាប់បាញ់ដើម្បីរំដោះខ្លួនពេលជនរងគ្រោះតាមទាន់ ត្រូវកម្លាំងនាយកដ្ឋាននគរបាលព្រហ្មទណ្ឌ បង្ក្រាបបាននៅស្រុកស៉ីធរកណ្ដាល ខេត្តព្រៃវែង នាថ្ងៃទី២៣ ខែតុលា ឆ្នាំ២០២០។ ជនសង្ស័យធ្លាប់ធ្វើសកម្មភាព៩ដង នៅខណ្ឌដង្កោ ខណ្ឌពោធិ៍សែនជ័យ និងខណ្ឌសែនសុខ។

ប្រតិបត្តិការនេះធ្វើឡើងក្រោមការបញ្ជាផ្ទាល់ពីនាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ, ឧត្តមសេនីយ៍ ឯក អ៉ិន បូរ៉ា អគ្គស្នងការរងទទួលផែន, លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ ក្រោមការសម្របសម្រួលពី លោក ប្លង់ សុផល ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ។

លោកឧត្តមសេនីយ៍ទោ ជាវ វិបុល អនុប្រធាននាយកដ្ឋាននគរបាលព្រហ្មទណ្ឌ ដែលដឹកនាំប្រតិបត្តិការនេះផ្ទាល់ បានប្រាប់បណ្ដាញព័ត៌មាន Fresh News ជនសង្ស័យដែលកម្លាំងជំនាញ បង្ក្រាបបានឈ្មោះ ពេជ្រ ធា ហៅ ជា ធា ហៅ ពែ អាយុ៤០ឆ្នាំ ស្នាក់នៅភូមិយស ឃុំឬស្សីសាញ់ ស្រុកស៊ីធរកណ្តាល ខេត្តកណ្តាល ពាក់ពន្ធ័ករណី លួចមានស្ថានទម្ងន់ទោស (លួចប្រដាប់អាវុធ) ប្រព្រឹត្តនៅរាជធានីភ្នំពេញ កាលពីអំទ្បុងឆ្នាំ២០២០។

លោកឧត្តមសេនីយ៍ទោ ជាវ វិបុល បានរៀបរាប់អំពីដំណើររឿងថា កាលពីអំទ្បុងឆ្នាំ២០២០ មានករណីលួចមានស្ថានទម្ងន់ទោស ប្រដាប់ដោយអាវុធ (កាច់សោកម៉ូតូ) បង្កដោយជនល្មើស មិនស្គាល់អត្តសញ្ញាណ ប្រដាប់ដោយអាវុធខ្លីមួយដើមមិនស្គាល់ម៉ាក ជិះម៉ូតូមួយគ្រឿងម៉ាកសេ១២៥ ពណ៌ខ្មៅ បានធ្វើសកម្មភាពដើរលួចកាច់សោកម៉ូតូនៅតាមភូមិសាស្រ្តខណ្ឌដង្កោ ខណ្ឌពោធិ៍សែនជ័យ និងខណ្ឌសែនសុខ រាជធានីភ្នំពេញ យ៉ាងសកម្ម និងបានបាញ់បោះខណៈពេលជនរងគ្រោះទាន់ ដើម្បីរំដោះខ្លួន។

ក្រោយចាប់ខ្លួនឈ្មោះ ពេជ្រ ធា ហៅ ជា ធា ហៅ ពែ បានសារភាពថា ខ្លួននិងបក្ខពួក ពិតជាបានធ្វើសកម្មភាពលួចកាច់សោកម៉ូតូ នៅក្នុងភូមិសាស្រ្តខណ្ឌដង្កោ, ខណ្ឌពោធិ៍សែនជ័យ និងខណ្ឌសែនសុខ ប្រាកដមែន ក្នុងនោះពួកខ្លួនបានធ្វើសកម្មភាពលួចចំនួន០៩លើក បានសម្រេច០៧លើក និងមិនសម្រេច០២លើក មានដូចខាងក្រោម៖

*ទី១៖ នៅថ្ងៃមិនចាំ ខែកក្កដា ឆ្នាំ២០២០ នៅចំណុចការ៉ាសសាំង តូតាល់ ភូមិសំបួរ សង្កាត់ដង្កោ ខណ្ឌដង្កោ បានធ្វើសកម្មភាពលួចកាច់សោកម៉ូតូ មួយគ្រឿង ម៉ាកសេ១២៥ ពណ៌ខ្មៅ មិនចាំសេរី មិនចាំស្លាកលេខ ដែលម្ចាស់ទុកចោលនៅក្នុងការ៉ាសសំាង បានសម្រេចដោយរូបខ្លួនជាអ្នកចូលកាច់កដោយផ្ទាល់។

*ទី២៖ នៅថ្ងៃមិនចាំ ខែសីហា ឆ្នាំ២០២០ នៅចំណុចផ្ទះជួល ភូមិទឹកថ្លា សង្កាត់ក្រាំងពង្រ ខណ្ឌដង្កោ បានធ្វើសកម្មភាពលួចកាច់សោកម៉ូតូមួយគ្រឿង ម៉ាកសេ១២៥ ពណ៌ខ្មៅ មិនចាំសេរី មិនចាំស្លាកលេខ ដែលម្ចាស់គេចតទុកចោលនៅមុខបន្ទប់ជួល បានសម្រេចដោយរូបខ្លួនជាអ្នកចូលលួចកាច់កដោយផ្ទាល់។

*ទី៣៖ នៅថ្ងៃមិនចាំ ខែសីហា ឆ្នាំ២០២០ នៅចំណុចភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ រាជធានីភ្នំពេញ បានធ្វើសកម្មភាពចូលទៅកាច់សោកម៉ូតូ ដែលគេចតចោលនៅមុខផ្ទះ ហើយក៏ត្រូវបានម្ចាស់គេទាន់ស្រែកចោៗ ក៏នាំគ្នាជិះម៉ូតូគេចខ្លួន។ តែពេលជិះគេចខ្លួននោះមានប្រជាពលរដ្ឋស្រែកចោៗ ហើយបក្ខពួកខ្លួន បានដកអាវុធខ្លីមួយដើមមិនស្គាល់ម៉ាក បាញ់ទៅលើចំនួន០២គ្រាប់ ដើម្បីរំដោះខ្លួន តែខ្លួនមិនបានដឹងថា ការបាញ់នោះមានត្រូវគេ ឬអត់នោះទេ។

*ទី៤៖ នៅថ្ងៃមិនចាំ ខែសីហា ឆ្នាំ២០២០ នៅចំណុចភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ បានធ្វើសកម្មភាពកាច់សោកម៉ូតូមួយគ្រឿង ម៉ាកសេ១២៥ ពណ៌ខ្មៅ មិនចាំសេរី មិនចាំស្លាកលេខ ដែលម្ចាស់គេទុកចោលក្នុងឌឿងហែម បានសម្រេចដោយរូបខ្លួនជាអ្នកចូលទៅលួចដោយផ្ទាល់។

*ទី៥៖ នៅថ្ងៃមិចាំ ខែកញ្ញា ឆ្នាំ២០២០ នៅចំណុចផ្លូវលេខ១០០៣ ភូមិទំនប់១ សង្កាត់ភ្នំពេញ ខណ្ឌសែនសុខ បានធ្វើសកម្មភាពចូលលួចកាច់សោកម៉ូតូមួយគ្រឿង ម៉ាកសេ១២៥ ពណ៌ខ្មៅ មិនចាំសេរី មិនចាំស្លាក ដែលម្ចាស់គេចតចោលបានសម្រេច ដោយរូបខ្លួនជាអ្នកចូលទៅលួចដោយផ្ទាល់។

*ទី៦៖ នៅថ្ងៃមិនចាំ ខែកញ្ញា ឆ្នាំ២០២០ នៅចំណុចការដ្ឋានសំណង់ ក្រុមទី៤ ភូមិថ្មគោល២ សង្កាត់ចោមចៅ២ ខណ្ឌពោធិ៍សែនជ័យ បានធ្វើសកម្មភាពលួចកាច់សោកម៉ូតូ មួយគ្រឿង ម៉ាកសេ១២៥ ពណ៌ខ្មៅ មិនចាំសេរី មិនចាំស្លាកលេខ បានសម្រេច។

*ទី៧៖ នៅថ្ងៃមិនចាំ ខែកញ្ញា ឆ្នាំ២០២០ នៅចំណុចក្នុងវត្តជម្ពូវន្ត័ ផ្លូវជាតិលេខ៤ ភូមិជម្ពូវ័ន្ត សង្កាត់ចោមចៅ៣ ខណ្ឌពោធិ៍សែនជ័យ បានធ្វើសកម្មភាពលួចកាច់សោកម៉ូតូមួយគ្រឿងម៉ាក សេ១២៥ ពណ៌ខ្មៅ មិនចាំសេរី មិនចាំស្លាកលេខ បានសម្រេច ដោយរូបខ្លួនជាអ្នកចូលលួចដោយផ្ទាល់។

*ទី៨៖ នៅថ្ងៃមិនចាំ ខែកញ្ញា ឆ្នាំ២០២០ នៅចំណុចមុខផ្សារត្រពាំថ្លឹង ក្រុម៦ ភូមិត្រពាំងថ្លឹង៤ សង្កាត់ចោមចៅ ខណ្ឌពោធិ៍សែនជ័យ បានធ្វើសកម្មភាពលួចកាច់សោកម៉ូតូ ម៉ាកសេ១២៥ ពណ៌ខ្មៅ តែមិនបានសម្រេច ដោយម្ចាស់គេទាន់ហើយឈ្មោះ ទូច ប៊ុនហាន ហៅ ហុង បានបាញ់ចំនួន០២គ្រាប់ ដើម្បីរំដោះខ្លួន។

*ទី៩៖ នៅថ្ងៃមិនចាំ ខែតុលា ឆ្នាំ២០២០ នៅចំណុចត្រពាំងថ្លឹង៣ ភូមិត្រពាំងថ្លឹង៣ សង្កាត់ចោមចៅ១ ខណ្ឌពោធិ៍សែនជ័យ បានធ្វើសកម្មភាពលួចកាច់សោកម៉ូតូ ម៉ាកសេ១២៥ ពណ៌ខ្មៅ មិនចាំសេរី មិនចាំស្លាកលេខ បានសម្រេច។ រាល់ពេលលួចម៉ូតូបានសម្រេចម្តងៗ ពួកខ្លួនបានជិះទៅឈប់នៅម្តុំលូ៥ ហើយបក្ខពួកជាអ្នកយកទៅលក់ភ្លាមៗ ដោយឲ្យខ្លួនអង្គុយចាំលើម៉ូតូនៅតាមដងផ្លូវ តែមិនដឹងថាយកទៅលក់កន្លែងណាទេ។

ក្រោយចាប់ខ្លួនជនសង្ស័យត្រូវបានបញ្ជូនទៅនាយកដ្ឋាននគរបាលព្រហ្មទណ្ឌ ដើម្បីកសាងសំណុំរឿងចាត់ការបន្ដតាមនីតិវិធី៕ ផ្តល់សិទ្ធិដោយ៖ Freshnews

Football news:

Soboslai could move to Leipzig in the winter if Salzburg fail to qualify for the Champions League play-offs. The midfielder is also of Interest to Bayern
Bale has 200 career goals. He hasn't scored in European competition for 2 years
Fati became socio of Barca, but will not be able to vote in the next election
Jose Mourinho: some Tottenham players coming to visit LASK, Ludogorets, think they don't belong there
Pioli on 4:2 with Celtic: Milan did not lose their head at 0:2 and continued to play as a team
Messi will be at PSG next year. RMC Sport journalist on Barca forward
Suarez passed a negative test for coronavirus and will return to the General group of Atletico tomorrow