logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Cambodia

​នៅ​ខេត្តព្រះវិហារ​បន្ត​ដាំ​កូនឈើ​ព្រៃ​ចំនួន​១៥.០០០​ដើម​បន្ថែមទៀត​

ចែករម្លែក

ដោយៈ​សៅ​វ៉ាន់ឌី​/​ព្រះ​វិហារៈ​កាលពី​ព្រឹក​ថ្ងៃទី​២៤​ខែសីហា​ឆ្នាំ​២០១៩​នៅក្នុង​សហគមន៍​តំបន់ការពារធម្មជាតិ​ជី​ឱក​បឹង​ប្រិ​យ៍​នៃ​ដែនជម្រកសត្វព្រៃ​បឹង​ពែរ​ស្ថិតក្នុង​ភូមិសាស្ត្រ​ស្រុករ​វៀង​ខេត្តព្រះវិហារ​ក្រសួងបរិស្ថាន​បាន​បន្ត​ដាំ​កូនឈើ​ព្រៃ​ចំនួន​១៥.០០០​ដើម​បន្ថែមទៀត ។

​ពិធី​ដាំ​ស្តារ​កូនឈើ​ព្រៃ​នេះ​រៀបចំឡើង​ដោយ​អគ្គនាយកដ្ឋាន​សហគម​ន៍​មូលដ្ឋាន​អគ្គនាយកដ្ឋាន​តំបន់​ការពារ​និង​អភិរក្ស​ធនធានធម្មជាតិ​នៃ​ក្រសួងបរិស្ថាន​ដោយមាន​ការគាំទ្រ​និង​សហការ​ពី​គម្រោង​មូលនិធិ​បន្សាំ​ទៅនឹង​ការប្រែប្រួល​អាកាសធាតុ​។​ក្នុង​គោលបំណង​រក្សា​គម្រប​ព្រៃឈើ​និង​បង្កើន​ជីវៈចម្រុះ​ក៏ដូចជា​ការទប់ស្កាត់​សកម្មភាព​កាប់​ទន្ទ្រាន​យក​ដីព្រៃ​ខុសច្បាប់​។​

​លោក​ស៊ូ​សិរី​អភិបាលរង​ខេត្តព្រះវិហារ​បាន​ថ្លែងអំណរគុណ​ដល់​ក្រសួងបរិស្ថាន​ដែល​ខិតខំ​ប្រឹងប្រែង​ការពារ​និង​អភិរក្ស​ធនធានធម្មជាតិ​សម្រាប់​មនុស្ស​គ្រប់​ជំនាន់​។​ជាពិសេស​យុ​ទ្ឋ​នា​ការដាំ​កូនឈើ​ព្រៃ​នៅតាម​តំបន់ការពារធម្មជាតិ​នាពេលនេះ​មាន​សារៈសំខាន់​ណាស់​សម្រាប់​បង្កើន​គម្រប​ព្រៃ​និង​ចូ​លួ​ម​នៅក្នុង​ការឆ្លើយតប​ការ​បម្រែបម្រួល​អាកាសធាតុ​និង​លើកកម្ពស់​ជីវភាព​ប្រជា​សហគមន៍​នៅក្នុង​ខេត្តព្រះវិហារ​។​

​លោក​សៅ​សុភាព​រដ្ឋលេខាធិការ​ក្រសួងបរិស្ថាន​បានលើកឡើង​ថា​សហគម​ន៍​តំបន់ការពារធម្មជាតិ​មាន​តួនាទី​រួមចំណែក​យ៉ាងសំខាន់​ក្នុងការ​គ្រប់គ្រង​ការពារ​និង​អភិរក្ស​ធនធានធម្មជាតិ​និង​ជីវ​:​ចម្រុះ​។​ក្រសួងបរិស្ថាន​នឹង​បន្ត​ផ្តល់​ការគាំទ្រ​ដល់​សហគមន៍​ក្នុងការ​លើកកម្ពស់​ជីវ​ភាព​រស់នៅ​តាមរយ​:​ជម្រើស​មុខរបរ​ថ្មីៗ​សកម្មភាព​ទេសចរណ៍ធម្មជាតិ​និង​ការអភិវឌ្ឍ​ហេដ្ឋារចនាសម្ព័ន្ធ​មូលដ្ឋាន​នានា​។

​ក៏ដូចជា​ការពង្រឹង​សមត្ថភាព​សហគមន៍​ក្នុងការ​គ្រប់គ្រង​តំបន់ការពារធម្មជាតិ​ដើម្បី​ធានាឱ្យមាន​ការប្រើប្រាស់​ធ​ន​ធាន​ធម្មជាតិ​ប្រកបដោយ​និរន្តរភាព​និង​រក្សាបាន​នូវ​តម្លៃ​និង​មុខងារ​នៃ​ប្រព័ន្ធ​អេកូឡូស៊ី​នៅក្នុង​តំបន់ការពារធម្មជាតិ​។

​លោក​រដ្ឋលេខាធិការ​បា​ន​ចាត់ទុកថា​ការចូលរួម​ដាំ​ស្តារ​ឈើ​ព្រៃ​នេះ​គឺជា​ការប្តេជ្ញាចិត្ត​រួមគ្នា​ក្នុងការ​ការពារ​និង​អភិរក្ស​ធនធានធម្មជាតិ​ដើម្បី​ជា​ប្រយោជន៍​ដល់​សហគមន៍​មូលដ្ឋាន​ដោយផ្ទាល់​និង​សង្គមជាតិ​យើង​ទាំងមូល​។​ជាមួយគ្នានេះដែរ​លោករ​ដ្ឋ​លេខាធិការ​ក្រសួងបរិស្ថាន​បាន​លើកទឹកចិត្ត​ឱ្យ​ប្រជាពលរដ្ឋ​ដែល​បាន​ចូលរួម​ដាំ​កូនឈើ​ព្រៃ​នៅថ្ងៃនេះ​បន្ត​ថែរក្សា​ការពារ​កូនឈើ​ឱ្យបាន​លូតលាស់​ល្អ​និង​ចូលរួម​កាត់បន្ថយ​ការដាក់​សម្ពាធ​ទៅលើ​ធនធានធម្មជាតិ​និង​ផ្លាស់ប្តូរ​គំនិត​ចូលរួម​ថែរក្សា​ធនធាន​នេះ​ឱ្យបាន​គង់វង្ស​។​

​សូមបញ្ជាក់ថា​ព្រឹត្តិការណ៍​ដាំ​កូនឈើ​ព្រៃ​នៅថ្ងៃនេះ​រៀបចំឡើង​បន្ទាប់ពី​ការដាំ​ស្តារ​ព្រៃ​ធម្មជាតិ​ចំនួន​២៥.០០០​ដើម​នៅ​ខេត្តសៀមរាប​ក្រោម​អធិបតីភាព​លោក​សៅ​សុភាព​រដ្ឋលេខាធិការ​ក្រសួងបរិស្ថាន​និង​មានការ​អញ្ជើញ​ចូលរួម​ពី​លោក​ស៊ូ​សិរី​អភិបាលរង​ខេត្តព្រះវិហារ​ថ្នាក់ដឹកនាំ​មន្ត្រីរាជការ​ក្រសួងបរិស្ថាន អាជ្ញាធរ​មូលដ្ឋាន មន្ត្រី​ឧ​ទ្យា​នុ​រក្ស ព្រះសង្ឃ និង​ប្រជា​សហគមន៍​ជាច្រើន​។​

​រយៈពេល​២​ថ្ងៃ​ចាប់ពី​ថ្ងៃទី​២៣​ដល់​ថ្ងៃទី​២៤​ខែសីហា​ឆ្នាំ​២០១៩​កន្លងមកនេះ​ក្រសួងបរិស្ថាន​បាន​ដាំ​កូនឈើ​ព្រៃ​ចំនួន​៤០.០០០​ដើម​ដើម្បី​ស្តារ​ព្រៃឈើ​ឡើងវិញ​នៅក្នុង​តំបន់ការពារធម្មជាតិ​ចំនួន​ពីរ​គឺ​នៅ​ឧទ្យាន​ជាតិ​ព្រះ​ជ័យវរ្ម័ន​-​នរោត្តម​ភ្នំ​គូលែន​ខេត្តសៀមរាប​និង​នៅ​តំបន់​ដែនជម្រកសត្វព្រៃ​បឹង​ពែរ​ខេត្តព្រះវិហារ​លើ​ផ្ទៃដី​ចំនួន​១៦​ហិកតា​ដែល​បាន​ដកហូត​ពី​ការកាប់​ទន្ទ្រាន​ដីព្រៃ​ដោយ​ជនល្មើស​នៅតាម​តំបន់ការពារធម្មជាតិ​ទាំងនោះ​៕S/

All rights and copyright belongs to author:
Themes
ICO