Cambodia

នគរបាលកម្ពុជា បំបែកសំណុំរឿងសម្អាតប្រាក់ធំមួយ ចាប់ខ្លួនជនជាតិនីហ្សេរីយ៉ា៤នាក់ និងខ្មែរម្នាក់, តុលាការចេញដីកាឃុំខ្លួនដាក់ពន្ធនាគារ

នគរបាលកម្ពុជា បំបែកសំណុំរឿងសម្អាតប្រាក់ធំមួយ ចាប់ខ្លួនជនជាតិនីហ្សេរីយ៉ា៤នាក់ និងខ្មែរម្នាក់, តុលាការចេញដីកាឃុំខ្លួនដាក់ពន្ធនាគារ

(ភ្នំពេញ)៖ សំណុំរឿង ឆបោក និងសម្អាតប្រាក់ដ៏ធំមួយនៅរាជធានីភ្នំពេញ ត្រូវកម្លាំងនគរបាលស្រាវជ្រាវ និងឈានការចាប់ខ្លួនជនជាតិបរទេស៤នាក់ និងស្ដ្រីខ្មែរម្នាក់។ ប្រតិបត្តិការនេះធ្វើឡើងក្រោមការបញ្ជាផ្ទាល់ពី នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ និងលោកឧត្តមសេនីយ៍ឯក ឌី វិជ្ជា អគ្គស្នងការរង និងជាប្រធាននាយកដ្ឋានកណ្ដាលនគរបាលសន្ដិសុខ និងលោកឧត្តមសេនីយ៍ឯក សៀន សេន ប្រធាននាយកដ្ឋានប្រឆាំងបទល្មើសល្បែងពាណិជ្ជកម្ម។

របាយការណ៍របស់នាយកដ្ឋានប្រឆាំងបទល្មើសល្បែងពាណិជ្ជកម្ម ដែលបណ្ដាញព័ត៌មាន Fresh News ទទួលបាននៅថ្ងៃទី១៦ ខែកញ្ញា ឆ្នាំ២០២០នេះ បានឲ្យដឹងថា នៅថ្ងៃទី១៥ ខែកក្កដា ឆ្នាំ២០២០កន្លងទៅ កម្លាំងជំនាញបានទទួលព័ត៌មានអំពីប្រតិបត្តិការក្លែងបន្លំ (Fraud) និងទទួលការវេរប្រាក់ចូលគណនីខុសប្រក្រតី ដោយមានប្រតិបត្តិការការចេញពីគណនីធនាគារមួយ ដែលមានប្រភពពីសហរដ្ឋអាមេរិក ចូលគណនីធនាគារមួយចំនួន នៅប្រទេសកម្ពុជា។

បន្ទាប់ពីទទួលបានព័ត៌មានខាងលើ សមត្ថកិច្ចពាក់ព័ន្ធបានបន្តស្រាវជ្រាវប្រមូព័ត៌មានរហូតឈានដល់បំបែកសំបុកក្រុមឆបោក និងសម្អាតប្រាក់ ដ៏ធំមួយនៅរាជធានីភ្នំពេញ កាលពីថ្ងៃទី១១-១៣ ខែកញ្ញា ឆ្នាំ២០២០ នឹងបានធ្វើការឃាត់ខ្លួនជនសង្ស័យជាបន្តបន្ទាប់សរុបចំនួន០៥នាក់ ក្នុងនោះមានជនជាតិ នីហ្សេរីយ៉ា ចំនួន០៤នាក់ និងស្រ្តីជនជាតិខ្មែរម្នាក់ ហើយបានកសាងសំណុំរឿងបញ្ជូនទៅកាន់សាលាដំបូង រាជធានីភ្នំពេញ ដើម្បីចាត់ការតាមនីតិវិធី។

ប្រភពព័ត៌មានដដែល បានបញ្ជាក់ទៀតថា ក្រុមជនសង្ស័យខាងលើ បានប្រើល្បិចកលរូបភាពអូសទាញប្រជាពលរដ្ឋខែរ ឲ្យបើកគណនីធនាគារ ដើម្បីទទួលការវេរប្រាក់ចូលពីក្រៅប្រទេស ហើយផ្តល់កម្រៃជើងសារជូនពួកគាត់។

ហេតុដូចនេះប្រសិនពលរដ្ឋ ត្រូវបានគេទំនាក់ទំនងពឹងពាក់ឲ្យ បើកគណនីធនាគារ ឬក៏ជួយបើកប្រាក់ពីកន្លែងផ្តល់សេវាវេរប្រាក់គ្រប់ប្រភេទនៅប្រទេសកម្ពុជា ដើម្បីឲ្យជៀសផុតពីការចាញ់បោកក្រុមនេះ សូមមានការប្រុងប្រយ័ត្ន កុំជឿការអូសទាញ ឬលួងលោមគ្រប់រូបភាព ហើយរាយការណ៍ជូនសមត្ថកិច្ចដែលជិតបំផុត ដើម្បីមានវិធានការទាន់ពេលវេលា។

សម្រាប់ជនត្រូវចោទទាំង៥នាក់ ត្រូវបានតុលាការចេញដីកាឃុំខ្លួនដាក់ពន្ធនាគារកាលពីល្ងាចថ្ងៃទី១៧ ខែកញ្ញា ឆ្នាំ២០២០៕ ផ្តល់សិទ្ធិដោយ៖ Freshnews

Football news:

Dmitry Sennikov: Lokomotiv will have opportunities to score against Bayern. Its defense is not perfect
De Bruyne and Villas-Boas have known each other for 10 years: they barely missed each other at Chelsea, Andre's assistant asked Kevin for a t-shirt
Andrea Pirlo: Messi is still on top. With such players, we must hope that they do not have the best day
The figures of Robert Lewandowski, which frightens not only the locomotive
Who will be the top scorer in the Champions League?
La Liga President on the departure of Ronaldo and Neymar: it is better to leave because of taxes than because of anything else
Kane and Son gave each other 29 assists in the Premier League. Only Lampard and Drogba (36) did it more often