logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Cambodia

បន្ទាប់ពី​មាន​ជម្លោះ​អំពី​កោះ Greenland ពេលនេះ​លោក Trump បែរជា​សរសើរ​នាយក​រដ្ឋមន្ត្រី​ដា​ណឺ​ម៉ាក​វិញ

លោក​ប្រធានាធិបតី Donald Trump បាន​លើកសរសើរ​ចំពោះ​នាយករដ្ឋមន្ត្រី​ដា​ណឺ​ម៉ាក​កាលពី​ថ្ងៃ​សុក្រ​ពោលគឺ​ពីរ​ថ្ងៃ​បន្ទាប់ពី​លោក​បាន​លុបចោល​ដំណើរ​ទស្សនកិច្ច​ផ្លូវរដ្ឋ​របស់លោក​ទៅកាន់​ប្រទេស​នេះហើយ​បាន​ស្តីបន្ទោស​លោកស្រី​ចំពោះ​ការច្រានចោល​គំនិត​របស់លោក​ក្នុង​ការទិញ​កោះ Greenland​។​

​មេដឹកនាំ​អាមេរិក​រូបនេះ​បាន​និយាយថា លោក​ទទួលបាន​ការហៅ​ទូរស័ព្ទ​ពី​លោកស្រី​នាយករដ្ឋមន្ត្រី Mette Frederiksen ដែល​លោក​ធ្លាប់បាន​ហៅថា​ជា​មនុស្ស​អាក្រក់​នៅពេលដែល​លោកស្រី​ច្រានចោល​គំនិត​របស់លោក​ក្នុង​ការទិញ​កោះ Greenland​។​

​ប៉ុន្តែ​កាលពី​ថ្ងៃ​សុក្រ លោក​បាន​កែប្រែ​គំនិត​ដោយ​ហៅ​លោកស្រី​ថា​ជា “​ស្ត្រី​ដ៏​អស្ចារ្យ​” វិញ​។​

​លោក Trump បាន​ប្រាប់​អ្នកយកព័ត៌មាន​នៅពេល​លោក​ត្រៀម​ចាកចេញ​ទៅកាន់​កិច្ចប្រជុំ​កំពូល G7 ក្នុងប្រទេស​បារាំង​ថា “​យើង​មានការ​សន្ទនា​ដ៏​អស្ចារ្យ​មួយ​”​។​

​លោក Trump បាន​និយាយថា “​យើង​មាន​ទំនាក់ទំនង​ល្អ​ណាស់​ជាមួយ​ប្រទេស​ដា​ណឺ​ម៉ាក​ហើយ​យើង​បាន​យល់ព្រម​និយាយ​គ្នា​នៅពេល​ក្រោយ​។ លោកស្រី​បាន​ទូរស័ព្ទ​មក​ខ្ញុំ​ហើយ​ខ្ញុំ​ពិតជា​ពេញចិត្ត​ខ្លាំងណាស់​”​។​

​ជម្លោះ​មុននេះ​បាន​ជំរុញ​ឲ្យ​លោក Trump លុបចោល​ផែនការ​ធ្វើ​ទស្សនកិច្ច​ទីក្រុង Copenhagen នៅ​ខែក្រោយ​បន្ទាប់ពី​លោកស្រី Frederiksen និយាយថា កោះ Greenland ដែលជា​តំបន់​ស្វយ័ត​មួយ​របស់​ប្រទេស​ដា​ណឺ​ម៉ាក​គឺ​មិនមែន​សម្រាប់​លក់​ទេ​។​

​ទោះបីជា​យ៉ាងណាក៏ដោយ នៅក្នុង​សុន្ទរកថា​កាលពី​ល្ងាច​ថ្ងៃ​សុក្រ លោក Trump មិនបាន​និយាយ​អ្វី​ទាំងអស់​អំពី​ការរៀបចំ​ដំណើរ​ទស្សនកិច្ច​ឡើងវិញ​៕ AFP

វណ្ណ​វណ្ណ

ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 012 454 575 និង 012 499 114

All rights and copyright belongs to author:
Themes
ICO