Cambodia

ប្រធានាធិបតីតួកគីអំពាវនាវឱ្យធ្វើពហិការទំនិញបារាំងនិងចោទអឺរ៉ុបថាប្រព្រឹត្តដាក់ប្រជាជនមូស្លីមដូចរបៀបដែលខ្លួនប្រព្រឹត្តដាក់ជនជាតិជ្វីហ្វមុនសង្គ្រាមលោកលើកទី២

ចែករម្លែក

ប្រែសម្រួល : កញ្ញាដាលីស៖ ប្រធានាធិបតីតួកគីលោក រីស៊ីប ថាយយីប អឺដូហ្គាន បានអំពាវនាវឱ្យធ្វើពហិការទំនិញបារាំងនិងប្រៀបធៀបការប្រព្រឹត្តរបស់អឺរ៉ុបទៅលើជនមូស្លីមទៅនឹងរបៀបដែលពួកគេបានប្រព្រឹត្តលើជនជាតិជ្វីហ្វនៅមុនសង្គ្រាមលោកលើកទី២។

លោកអឺដូហ្គានបានចាត់ទុកពួកមេដឹកនាំអឺរ៉ុបជា “ពួកហ្វាស៊ីស” និង “មានទំនាក់ទំនងនៅក្នុងខ្សែសង្វាក់នៃពួកណាស៊ីនិយម” ខណៈដែលគាត់និយាយថា ប្រជាជនមូស្លីមនៅទ្វីបនេះឥឡូវនេះក្លាយជាប្រធានបទនៃយុទ្ធនាការកាត់ទោសក្រៅផ្លូវច្បាប់ស្រដៀងទៅនឹងការប្រឆាំងនឹងពួកជ្វីហ្វនៅអឺរ៉ុបមុនសង្គ្រាមលោកលើកទី ២ ។

នេះគ្រាន់តែជាការវាយប្រហារចុងក្រោយពីបុរសខ្លាំងមេដឹកនាំតួកគីប៉ុណ្ណោះបន្ទាប់ពីគាត់បានចំណាយពេលចុងសប្តាហ៍និយាយវាយប្រហារលើប្រធានាធិបតីបារាំងលោកអេមម៉ានូអែល ម៉ាក្រុងជុំវិញជំហរដ៏តឹងរ៉ឹងរបស់គាត់ទៅលើពួកអ៊ីស្លាមជ្រុលនិយម។

ថ្លែងក្រោយពេលគ្រូបង្រៀនជនជាតិបារាំងម្នាក់ត្រូវគេកាត់ក្បាលដោយសារតែបង្ហាញរូបតុក្កតារបស់ព្យាការីម៉ូហាម៉េតក្នុងថ្នាក់រៀនរបស់គាត់ លោកម៉ាក្រុងបាននិយាយការពាររូបតុក្កតានោះ ហើយចោទប្រកាន់ “ពួកអ៊ីស្លាមជ្រុលនិយម” ថាព្យាយាមលួចអនាគតរបស់ប្រជាជនបារាំង។

លោកម៉ាក្រុងក៏ហៅសាសនាអ៊ីស្លាមថាជា “សាសនាកំពុងមានវិបត្តិ” ផងដែរ ហើយបានសន្យាថានឹងបង្កើតច្បាប់ថ្មីដើម្បីបង្ក្រាបអ្វីដែលគាត់ហៅថា “ការបំបែកខ្លួនរបស់ពួកអ៊ីស្លាមជ្រុលនិយម” ដែលគាត់និយាយថាបានបង្កើត “វប្បធម៌ស្របគ្នាមួយ” នៅប្រទេសបារាំង។

ចំណាត់ការនេះបានញ៉ាំងឱ្យមានការជជែកអំពី “ការបង្ក្រាបលើបុគ្គលនិងក្រុមមូស្លីម” នៅប្រទេសបារាំង និងបង្កកំហឹងពេញពិភពអ៊ីស្លាម។

ក្រោយការវាយប្រហារដោយពាក្យសម្តីកាលពីចុងសប្តាហ៍ទៅលើលោកម៉ាក្រុង លោកអឺដូហ្គានបានបង្កើនវោហាសាស្ត្រកាលពីថ្ងៃចន្ទទី២៦តុលា ដោយអំពាវនាវឱ្យមេដឹកនាំអឺរ៉ុប “បញ្ចប់” នូវអ្វីដែលគាត់ហៅថា របៀបវារៈ “ប្រឆាំងអ៊ីស្លាម” របស់លោកម៉ាក្រុង៕

ទីតាំងផ្សាយពាណិជ្ជកម្ម

Football news:

Joan Laporta: Barcelona and the Champions League are a shattered success story. I want to return the club to the top of world football
Cavani apologized for the word Negrito on instagram: I am against racism. The last thing I wanted to offend anyone
Loew will lead the German national team at the Euro
Klopp on van Dijk: His knee doesn't look good, but it looks good for the knee that was recently operated on
Pirlo does not discuss tactics with Juve players. Interesting and Kolisevski do not understand their problems on the field (Corriere della Serra)
It looks like Cavani is being disqualified for the word Negrito. He didn't mean anything bad, but it's still racist
Juventus renewed Interest in Atletico defender Savic