logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Cambodia

អាជ្ញាធរ​និង​ម្ចាស់​រោងចក្រ​ផលិត​ពូក​កំពុង​យក​គ្រឿងចក្រ​មក​ផ្តួល​រំលំ​អគារ​ដែល​រង​ការ​ឆេះ​បំផ្លាញ​

​ភ្នំ​ពេ​ញ ៖ លោក​ឃួ​ង ស្រេង អភិបាល​នៃ​គណៈ​អភិបាល​រាជធានី​ភ្នំពេញ​បាននិងកំពុង​សហការ​ជាមួយ​លោក​កាន់ ចន្ថា អាយុ​៦៣​ឆ្នាំ​ ដែល​ជា​ម្ចាស់​រោងចក្រ​ផលិត​ពូក​ដើម្បី​យក​គ្រឿងចក្រ​មក​ផ្តួលរំលំ​អគារ​ដែល​រង​ការឆេះ​បំផ្លាញ​។

យោង​តាម​ប្រភព​ពី​លោក​ពេជ្រ កែវ​មុនី អភិបាល​នៃ​គណៈ​អភិបាលខណ្ឌ​មានជ័យ​បាន​មានប្រសាសន៍ថា ​នៅ​ព្រឹក​ថ្ងៃទី​២៤​ខែសីហា​នេះ​ លោក​អភិបាល​រាជធានី​ភ្នំពេញ​បាន​អញ្ជើញ​ចុះមក​ពិនិត្យមើល​ទីតាំង​រោងចក្រ​ដែល​រង​ការបំផ្លាញ ​ដោយ​អគ្គិភ័យ​ចាប់ពី​១៣​និង​២០​នាទី​រសៀល​ ថ្ងៃ​ទី​២៣​រហូតដល់​ព្រឹក​ថ្ងៃ​ទី​២៤​ ខែសីហា​នេះ​ ដោយ​ក្នុង​នោះ​អភិបាល​បានសម្រេច​ឲ្យ​វាយកំទេច​អគារ​នោះ​ចោល​ព្រោះ​មិនអាច​ជួសជុល​ប្រើប្រាស់​បានឡើយ​ដោយសារតែ​ជញ្ជាំង​អគារ​ត្រូវ​ប្រេះស្រាំ​អស់​ទៅហើយ​។

លោក​អភិបាលខណ្ឌ​បាន​បន្ត​ថា ​ក្នុង​ព្រឹក​នេះ​ក៏​មាន​ការ​អញ្ជើញ​ចុះ​ពិនិត្យ​ដោយ​លោកនាយ​ឧ​ត្ត​ម​សេនីយ៍ គន់ គីម មក​ពិនិត្យ​និង​សម្រេច​ផងដែរ​។

ទាក់ទិន​ករណី​គ្រោះ​អគ្គិ​ភ័យ​នេះ​ គឺ​នគរបាល​មូលដ្ឋាន​បានធ្វើ​របាយការណ៍​ជូនទៅ​ថ្នាក់លើ​ថា​កំពុងតែធ្វើការ​ស្រាវជ្រាវ​រក​មូលហេតុ​ប៉ុណ្ណោះ​។​

បើ​តាម​ប្រភព​ពី​លោក​ជា វង្ស​ចិន្តា ប្រធាន​ការិយាល័យ​ភូមិបាល​ខណ្ឌមានជ័យ​បាន​ប្រាប់​កម្ពុ​ជាថ្មី​ថា​អគារ​ដែល​ឆេះ​នេះ​គឺ​ត្រូវតែ​វាយ​កំទេច​ចោល ​ព្រោះ​ជញ្ជាំង​អគារ​ត្រូវ​ប្រេះស្រាំ​អស់ហើយ​។ ​លោក​បន្ត​ថា ​រោងចក្រ​នេះ​ធ្លាប់​ជួប​គ្រោះ​អគ្គិភ័យ​នៅ​អំឡុង​ឆ្នាំ​២០០៩ ​ប៉ុន្តែ​មិន​ធ្ងន់ធ្ងរ​ដូច​ថ្ងៃនេះ​ទេ​។

លោក​ជា វង្ស​ចិន្តា បន្ត​ទៀត​ថា ​ផ្ទៃដី​រោងចក្រ​ផលិត​ពូក​នេះ​មាន​ទំ​ហ៊ុំ​១០៤៧៥​ម៉ែត្រការ៉េ​។​ហើយ​ទីតាំង​នេះ​ជា​កម្ម​សិទ្ធ​របស់លោក កាន់ ចន្ថា ភេទ​ប្រុស​អាយុ​៦៣ឆ្នាំ​ ស្ថិត​ក្នុង​ដីឡូត៍​គ្មាន​លេខ​ភូមិ​ចំរើន​ផល​ទី​១​ សង្កាត់​បឹងទំពន់​ទី​១ ​ខណ្ឌមានជ័យ​ រាជធានី​ភ្នំពេញ​។

គួរ​បញ្ជាក់​ថា​ អគារ​នេះ​ត្រូវ​បាន​គ្រឿងចក្រ​មក​ផ្តួល​រំលំ​ចាប់ពី​ម៉ោង​១២​និង​២០​នាទី​រសៀល​ ថ្ងៃ​ទី​២៤​ខែសីហា​ ដោយ​ផ្នែក​ជំនាញ​មានការ​យកចិត្តទុកដាក់​បំផុត​ព្រោះ​ខ្លាច​ប៉ះពាល់​ដល់​អាយុជីវិត​មនុស្ស៕
ន​រា

ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 012 454 575 និង 012 499 114

All rights and copyright belongs to author:
Themes
ICO